WWW.TUNGZANGNEWS.COM

 
ZYA Weekly Sept 12,2014

ZOFA CUP 2014 VAI ZAKSAKNA: ZOFA Cup 2014 tawh kisai EC thukikup a 4 veina thukhensatte a nuai- a bangin kong zasak uh hi.

1. ZOFA Cup 2014 ah Team (16) bek sang ding.

2. Team lut dingte Oct. 18, 2014 ciang sang ding.

3. Oct. 27, 2014 ZOFA Cup 2014 kipan ding.

4. Team lutman Ks. 25000/-ta hiding.

5. Pawlpi min tawh kihelte'n namdang kum (23) nuaisaih (3) lathei ding banah, amau pawlpi sungpan kum (23) tungsiah 3 lathei ding. 6. Pawlpi min zang lo a, mindang tawh hong kihelte kum (23) nuaisiah ZOMI bek kisang ding hi. 7. Kum tawh kisai NRC No. Original/rl&if; bek tawh kisang ding hi.

Note: A hunzui-in Z.Y.A News pan a kisam bangin hong kisuah dinga, tua lo a tuamin lai hong kipia tuanlo ding hi. ZOFA Cup 2014 vai ah Z.Y.A News kibulphuh den ding hi, cih i kitheisak hi.

Z.Y.A NEWS PAN ZAKSAKNA: Z.Y.A Kalsim Thuthang (Z.Y.A, Weekly News) hongsimsak tha hong pia a kuamaciat tungah i lungdam a, kum zong hong cingtotota ahih manin tatman kum khat Ks. 1500/- Agent (palai)te tungah na na piakciat nadingun i kizasak hi. Oct. 2014 bei a hong pialote hong kikhak nawnlo ding hi. Agentte'n zong thakhat in kaihkhop ding baih lo ding ahih manin i hihtheih zahin kaikhawmta ding hihang cih zong i kizasak hi. Note: A kisap leh khua le pawlpi zui-in tatman pia le pia lo hong kisuaksak ding hi.

Z.Y.A MOTOR MAN PIAKKHIATNA A ZOM: Tu kal sungin ZYA Motor thak leina dingin a nuai-a bangin hong kipiakhia a i lungdam hi. 37. Bethel ZBC , 38. Pa Gin Khen Pau, 39. Pa Khanno. 40. Zomi American Church (Kansas City), 41. Nu Am Note: Tuni ciang ZYA Motor ading in mimal 41 tung panin Ks. 5278418/- kingah ta hi.

AFIGANISTAN AH MI GILOTE SI: Afiganistan gamah Sept. 6, 2014 ni khatsung thautawi mi gilote nasiatak in do uh a, mi gilo 86 si-in, mi 62 liam banah mi 6 a hingtangin mankhia uh a, India kumpi in mipi 700000 val kihemkhia dingin thupia hi.

AL-SHABAB MAKAI THAK: Somalia gam sunga laang thautawi mi gilo Al-Shabab-te Americante vanlam panin a dona hangun a makaipipa uh a hi Amed Addi Godone kaplum kha uh a, a ma munah makai thak dingin Ameh Uma, Abau Aida zong a kici pa teel uh hi.

COLUMBIA VANLENG KIA MI 10 SI: Khualzin mipua Columbo te neih vanleng neu khat gam i khanglam ah Sept. 8, 2014 ni-in kia a, khualzin mi 8 le vanleng na sem mi 2 si uh hi. A hang a kikansan laitaktak ci uh hi.

KOREA POP LASIAM RISE SI: Korea gama Ladies Code kici K. Pop la sasiam minthangte lakah khat ahi Rise cih tawh a minthang kum 23 a pha Kuamri si kici nu, motor accident in Sept. 7, 2014 ni in sita hi. Amau mi 5 hi a, khatzong zato ah lumlaitak ci uh hi

RESEARCH KIPAWLNA KIPHUAN: Kawlgam sungah 1920 kumin kiphuan in 1980 kum ciangin a kikhawlsak Kawlgam na sulzuih, sulkan kipawlna (Myanmar Research, Organization) (jrefrmEdkifiH okawoe toif;) pen kum 30 val a kikhaktan tu in kipawlna phuan kik thei dingin phalna kingahta a, kawlgam sung a om university te bulphuh in Research na sepna a khantohna dingin nasitak in na kisem dinghi ci-in makaipi Dr. Aung Tun Tet in gen hi.

ORREDO INTERNET ZATMAN KHIAM: Kawlgam sungah kihona lam kumpi phalna tawh a sem Kata gam bulphuh Orrecdo Company te in beisa in internet zatman 1MB ciangin Ks. 35/- a cih uhpen Aug. 31, 2014 ni panin 1MB ciang Ks. 10 dingin khiam uh hi. Hih 1 MB ciang Ks. 10 pen ni 30 sung bek hiding a, tua sungin a bei kei a, hih zah mah tawh i zatsuak nop leh sum piakbeh kul ding ci hi.

BOMB ZONG SET KIZANGTA: Japan International Corporation Agency (JICA)te huhna tawh in Yangon le Mandalay vanleng tualte ah Bomb le a puak khamtheih van te a zong khia set Explosive Trace Detection System (ETDS) vante Aug 26, 2014 ni pan kipan in kizangta hi. Hih ETDS sette Yangon vanleng tual ah 3 le Mandalay vanleng tual ah nih kizanga, Kawlgam adingin a masa pen ahi hi.

MIPI DEIHTEEL HAUSA KIDEIH: 2008 Kawlgam thu khunpi sungah khua le veng Hausa dingte mipi in a zahtak a thuman mi hoihte teel thei ding cih in om a, inn 10 uk, inn 100 ukte teelin tua sung panin Hausa kiteel hi. Tun mipi in direct in Hausa ding teelthei leh cih lunggulhna omta hi. 88 sang naupang makaite kaihkhopna ah Kawlgam bupah mipi deih a kiteel Hausa 38% bek om hi ci-in mukhia uh hi.

US IN HELECOPTER 10 PIA DING:  Egypt gamte in mingongtat mi gilote dona ah zattheih dingin American kumpi in Eygpt kumpite tungah Apache Helecopter 10 kapia ding uh hi. Hih Apache Helecopter-te pen Egypt-te galdona ah zat nuam mahmah ding ci-in gamdang Vuanzi John Kerry in gen hi.

KAWLGAM SUNG LUNGPHONA OM KAWI KAWI: Tu laitak a, Hlutdaw ah kipsak dingin a hanciam uh kawlgam pilsinna lam thukhun (trsdK;om; ynma&;Oya'rlMurf;) pen sangnaupang a deih leh a thukim kuamah om loin, Kawlgam sung University tuamtuam a om sang naupang kipawlna (ausmif;om; or*¾) panin lungphona nei kawikawi uh hi. Hih thukhun bawlphatna leh puahphatna a om kei a, Hlutdaw in a kipsak veve leh nasiatak in lungphona kinei lai ding hi, ci-in Dagon University Student Union makaipi Ko Min Tu Kha in gen hi.

KALHELH KITEELNA KIPHIAT: Kawlgam sung a mipi teel MP tutna awngte mun ading 2014 sungin kalhelh kiteelna bawl ding ci-in Election Commussion in a tangkosa pen Sept. 7, 2014 ni-in 2014 kum sungin bangmah kiteelna kibawlo ding hi ci-in Vuanzi U Tin Aye in genkikta hi.

SOMALIA GAM BOMB PUAKKHAM: Somalia gam Mogadishu khuapi sungah Africa Union galkapte omna phualpi kim ah Sept. 8, 2014 ni-in mi gilote in Bomb puakkhamsak uh a, mi 12 si-in tampi liam uh hi. USA te in Alshabab mi gilo makai pipa a thahzawh mi gilote gamtatna a kilat khiatna a masapen zong ahi hi.

US IN IS TE BOMB KHIAT ZIAHZIAH: Tu laitak aa leitung mun tuamtuam ah buaina a bawl, a diak in Irag gam leh Afiganistan gamte a Khristiante a that Islamic State (IS)te omna munteng Sept. 7, 2014 in zan in USte in Bomb khiat ziahziah uh hi. President Obama in hih ISte Hell khuk sungah a ip a ip a khiat theih nading geelna lampite a sawt loin kong tangko khiata ding hi ci-in Sept. 8, 2014 ni-in genkhia hi.

US MIHAU NUPA VANLENG KIA IN SI: US gamah mi hau khat ahi Larry Glazer leh a zi Rochester-te nupa Newyork panin Florida ah cimphawng dingin a mau vanleng tawh hawh a pai laitak Jamaica tuikulh tungah Sept. 5, 2014 ni-in a vanleng uh kia in, a nupa in si uh hi. A kiatna a hang kithei nailo ci hi.

DAHPIHNA: Zomi sungah adiakin Pasian na sem Zomi numeite sungah a madawk masa khat leh Zomi numeite hong tawisang Pasian a it numei Pasian na sem mipil khat ahi Dr. Mercy Man Khan Niang in USA gam Atlanta, GA panin a nasepsak i Pa Pasian kiang hong zuatsanta cih i zak manin Zomi numei mipil Pasian a it, Pasian na sem khat a sum hihang ci-in ZYA Weekly News panin dahpihna i pulak hi.

ZOMITE KIPUAHPHAT DING: - Kalaymyo khualai lampi Bogyoke lampi pen khe nei khempeuh tot lampi hi a, ui na ngawnin tawn ahih manin lampi kigak cih thei napi-a motor cycle, motor te khu lianga hawlna pen a gal pan a muta ding muh thadah leh hai huai lua hi. - Khut le khe tawh nakpitak a sepna ngawn kikham zolo kim lai, guktak tawh i nuntak sawm khak zong a zumhuai leh a zak thadah huai khat mah hizel hi. - Kenbo Company sai kiciantak in om khin napi in Kenbo cycle mundang sai dang panin leiteitei cihzong haihuai a, ngaihsut phat huai hi.

LUNGDAM PIHNA: (Pa Pum Khan Thang) le Nu Don Hau Niangte tapa nihna Tg. Pau Suan Mang (Mangpu) USA in a naakguh ahi Sia Lian Do Thang le (Nu Man Khua Zen)te tanu nihna Lia Niang Nuam Kim (Kimnu) Kalaymyo tawh Sept. 12, 2014 ni-in AMC Biakinn ah a siangtho kiteenna pumkhat suahna hong nei uh ahih manin Z.Y.A Weekly News pan lungdam pihna i pulak hi.

IS MIGILOTE US IN ZIALTA: Islamic State (IS) kici muslim paikhialte Syria gam, Iraq gam sung tengah sabet in bengin aci man dongin kibeng mang ding a, a gimnamna ngawn om sak nawn lo ding in US President Obama in Sept. 20, 2014 ni-in genkhia hi. Iraq gam sungah zong galkap siam mahmah 475 kipaisak beh ding ci hi.

JOHN KORRY LEH ARAB SAM 11 KIMU: US Secretary of State John Kerry Saudi Arabia gam zin in Arab gam kipawlna gam 11 pan in makaite tawh kimu in, US tawh kop in IS te do khawm dingin Turkey lo siah gam 10te thukimna ngah a, Turkey te ahih leh suaikai nuam loin nuakciah uh hi.

NEW YORK KHUAPI AH PHAWKNA KIBAWL: Sept 11, 2000 kum a Al Queda migi lo Bin Laden te in World Trade Centre a suksiat uh phawk na Newhork, Petagan, Shankville te ah Obama le azite pai ngiat in thupi takin bawl uh hi. A si mi 3000 kim a site zahtakna pia in thugenna tomno zong nei hi.

KALAYMYO BUS STATION INNTHAK: Kalaymyo sung a motor pi mipuate khawlna (um;BuD;uGif;) pen tu in a thakin kilampha ta a, Contract a sem Tg. Kham Sian Siam B.E (Civil), "Holy Land Company Limited" in tender ngah in lamlamta hi. Tg. Siampi pen No. 2, SHS, Tahan Sangpi zong a lam laitak hi a, Zomi sungah Engineer i neih thak ahih manin i lungdampha diak hi.

VANMANG KIMU: Pa Dam Khen Piang Motor Cycle Licence laibu leh thautuithohna lailute kimu ahih man in, ZYA Zumah nong lakna dingin kong zasak uh hi

 


Comments




Leave a Reply