<![CDATA[TUNGZANG NEWS - ARTICLE]]>Thu, 23 Nov 2017 01:20:24 -0800Weebly<![CDATA[Mittawh Sialkhau Let]]>Wed, 04 Nov 2015 02:24:34 GMThttp://tzltt.com/article/mittawh-sialkhau-let
Mittawh Sialkhau Let


Afarica gam aom Lai bawlna lam Company khat in USA aom Laibawlna Setpi ( Engine ) a hoih mahmah a lian khat lei uh hi. Tua pen Tembawpi khat tawh pua uh hi. Tua Laibawlna Set van pawl khat pelh khia uh hi. Afarica gam a tunzawh uhteh a Set teng hong lemlem uh hi. A zawh uhteh hong Start uhleh ngahzo mahmah lo uhhi. Set lam tawh kisai Afarica aom a siamte asap uh hangin ngahzo tuanlo uhi. Bangbang leh USA gam aom te mah bawlsak ni ci-in hong sam uhi.

USA gam panin Afarica gam ah tua  Set lemtuah dingin mi khat pai hi. Afarica gam a tunteh Laibawlna Set a leiten tua Set a lemtuah ding mipa amuh uhteh khangno sa lua mahmah uh ahih manin abawl thei dingin lam-en lo, umlo uhhi. Muangzo mahmahlo uhhi. Afarica gam aom ten USA aom te kiangah hih Khangno nong pai sak un bang mah hih theilo ding hi, khangno mahmah lai hi ci-in a khangham deuh hong pai pih un ci hi.

USA aom ten tu-a kong paisak pa uh pen a khangno hangin hih Laibawlna Set tawh ki sai ama bawl ahihi. Ama'n a bawl thei keileh ko zong ka bawl thei kei ding uh hi cih zasak kik uhhi. Tu a khangno pa in Afarica gam aom te muanloh lam a thei hangin paupih sese lo hi. Tuateh Khangno pa in Set vanteng hoihtak in hong lemtuah in hoih mahmah aa, Afarica gam aom ten nuamtak in Laibawl hong ki pan theipah uhhi.

USA gam panin a pai khangno pa in Afarica gam aomte kiangah a kamvai khak  nunung penin bang hiam cihleh, mi khat peuh na muhbek un a mel leh sa tawh en in thu khen pah kei unla, pi bawl in neumuh pah kei un. Na kumte uh a tam hangin ko hunlai, no hunlai ci-in kamtam zangh sese dah lel un. Mi hingin hun neih kim hi. Nomau hun bek thupisak in, tu-a khangno te zong ngaihsutsak un. Ko hun cih  khawng na tamzat uhleh khangno ten zadah lel hi. Thukhat peuhpeuh khinkhai unla mittaw sialkhau let nawn kei un ci-in vai khak hi. Lungdam.

Thawn Tuang
Nashville TN USA
Oct 30,2015

]]>
<![CDATA[Article limci mahmah simtak By. Pu Thawn Tuang: "Makai khat Langbawl Khaken"]]>Thu, 22 Oct 2015 09:33:32 GMThttp://tzltt.com/article/article-limci-mahmah-simtak-by-pu-thawn-tuang-makai-khat-langbawl-khaken
Picture
Makai khat Langbawl Khaken


Mi khat peuh makai a sep sungin na deihloh ahi phial zongin langbawl
leh bawlsiat sawm kha ken. Nang bawlsiat sawmna hangin sialo lua ding
hi cih ki kumsuk ni.


Kawlgam General U Ne Win in kumpi a sep sungin mi tampi tak in na suam
gawpnuam hi mahleh na suakta kiaukiau zel hi. Khatvei gamdang azin kal
in ulian pawl khat in a panmun suan khia nuamin hong ki ging uhhi. U
Ne Win zong gam dang pan hong ciahta hi. Mingaladon vanleng tual a
tunbek mancip pah ding cih ulian ten geel in ngak dimdem uhhi. Himah
leh tuani khuahun hoihlo in Mingaladon vanlengtual meiisahlua in tu
theilo aa Maymyo vanlengtual hong tu hi. Amah amat sawm uliante lehmat
kik hi.

Himah leh Pasian in a khawlsaknop teh mite suam simsim kullo in kum
1988  teh a za kia hi. Nungzui hau mahmah ngei hi na pi-in a sihteh mi
20 kim bek in zui cihi. Makaite ei hoihsaklohna tawh i awng ngeingai
zongin Pasian in a hun a cinsak mateng kembit veve hi. Pasian in hun
asakteh hong hiziau lel ding hi. Ngaklahlua in madawk dawk kullo hi.
Pasian lemsak khat i sukkhak ding ki dop huai hi.


Kum tampi asem makai khat leh kum tawm asem makai khat peuhpeuh a sep
hun hita leh a seploh hun hita leh Pasian in a gamtatna uh tel cihtak
in tel hi. Ei buaipih ding pen thapiak ding lo ngal omlo aa, tha i
piak zawh keileh dai dide tak in om ding hilel hi. Pasian tawh i ki
zopna aman ding thupi lel hi. Pasian in eite adingin a hoihlo hong
geelsaklo ding hi cih upna nei ding Thupi hi. Lungdam.

Thawn Tuang
Nashville TN USA
Oct 21,2015
]]>
<![CDATA[By. Pu. Thawn Tuang - Ka nau hi ven ]]>Tue, 20 Oct 2015 02:50:06 GMThttp://tzltt.com/article/by-pu-thawn-tuang-ka-nau-hi-ven
Picture
Ka Nau Hi Ven

Unau nih khuakim ah Vasa bengin ki zui uhhi. A u pen kum 12 gual hi
aa, anau pen kum 6 gual khawng ahihi. Vasa zong tawm khat man uhhi.
Inn a ciah kal dinguh ngaklah mahmah uhhi.

A ciah madeuh un guahzu ding ki thoi-in huihnung gawp aa, a unau un a
innlam uh manawh in nawhtai mahmah uhhi. Guahmal te zong hong khia
pianta in huihlah hatsemsem kawm hi. Amau zong Vasa a benguh tuahpha
kisa in, inn a tunkal dinguh ngaklah mahmah uhhi. Nawh tai semsem uh
aa, hong gimpian uhhi. A khua uhpen khamlak ahih manin to tai vava
uhhi.

Anau zong inn a tunkal ding a ngaklah kikal leh a khe hong sui kha in
deih bangin tai hat nawnlo  hi. Guahlah tam semsem huihlah hat
semsemta ahih manin a u in a nung ah anau pua in taipihzo nawnlo in
gimpipi in pua hi. A khuanawl uh panin Papi khat in a muhteh ka inn
vuah hong baang un ci-in amau zong baang uhhi. Papi pa in a nau a u in
a puak a muhte gimsa lua mahmah ahih manin Papipa in na nau bang
hangin pua na hiam cih a dotleh a u pa in, "Amah Ka Nau Hi Ven", ci
ziau hi. Anau hehpihna itna tak tawh gim thuak keeikaipi mah in pua
hi.

Itna neihten gimpipi haksa sa pipi in ih thuak haksatna te thudon in
puakpih nuam hi. Ka u hiven, ka nau hiven cih zah dongin Zomipihte
sungah ih cinlohna tampite itna tak tawh ki telsiamzo beek leng
bangzah tak in et lawm ding aa, Biakinn ah Khomun leh Lenggahtui i
zatte a manh nei hong lak semsem ding hi. Maisakna an leh tui
zanghzangh na pi in mite tungah mawhmai sakzawhlohna khawng i neihkha
hiam?

A tate hong itna hang mah tawh i mawhna i van gik khempeuh pua khia in
Calvary mual tungah Sihna tawh Zeisu in hong zawhpih khinzo hi.
Lungdam.

Thawn Tuang
Nashville TN USA
Oct 17,2015

]]>
<![CDATA[Tedim te’ Zokam Awphei (Vowel) ]]>Fri, 16 Oct 2015 02:54:08 GMThttp://tzltt.com/article/tedim-te-zokam-awphei-vowel
Picture
Tedim te’ Zokam Awphei (Vowel)

Thu Tedim kampau Zomite in ‘awphei’ (aw suaksak thei zong kici) i neihdan tomkimcingin kong pulak nuam hi. Sanggam Zomi dangte tawh i kibat lohnate i Tedim hihna hipah hi.

1. Awphei mal 5 bek
Tedim awsuah (Phonetics) ah awphei nga bek – /a/, /e/, /i/, /ɔ/ le /u/ – i nei hi. Lai i gelh ciangin (orthography) awphei mal guk – [a], [e], [i], [o], [aw] le [u] – i nei hi. (Killikual [-] pen Orthography lahna hia, ciangsawi /-/ pen Phonetic transcription lahna ahi hi. /ɔ/ pen awphei khat bek ahih hangin laigelh ciangin malnih ‘a’ le ‘w’ gawmin ‘aw’ in gelh hihang.

Tedim awphei malngate
(1) [a] = Ka pa’ ha a na
(2) [e] = Be na ne ve
(3) [i] = Mi li kisi hi.
(4) [aw] = dawhdan, mawhna, nawizu. /ɔ/ tanga [aw] kizang ahi hi.
(5) [u] = Utong, pu, nu,

Zolai ah i [o] neih pen /o/ taktak (phonetic value of /o/ according to IPA) hi lo hi. [o] ci a i gelh pen awpheikop (diphthong or vowel glide) hi-a, /ou/ ahi hi. Siapi Vul Za Thang in “[o] is pronounced as /ou/ in November” ci a, Rev. S.T. Hau Go in “[o] pen consonant khit ah a nunung pen a i zat ciang le amah guak a, a din ciangin phonetic zui in /ou/ aw nei hi” ci hi. Cih nopna in /o/ lo pi [o] a kigelh cihna ahi hi. Zolai simbu sungah “Lo no po zo lo hi” ci a i gelh pen a khial hi lo napi, a awsuak bang tektekin a gelh ding hi leng, “Lou nou pou zou lou hi” cih ding ahi hi.

2. Awphei kop mal 10
Awphei malnih a kikop cianga, awmal (phoneme) a piangsakte (Diphthong ahih kei leh vowel glide kici) ahi hi. Mal sawm i nei hi.
(1) [ia] = Biakna
(2) [iu] = Kiukawi
(3) [ei] = Leitung
(4) [eu] = Keubawm
(5) [ai] = Aisa
(6) [au] = Kausi
(7) [oi] = Khoi
(8) [o] = Lo no po zo lo hi. Hih [o] i panmun taktak pen /ou/ ahi hi.
(9) [ui] = Uisa
(10) [ua] = Khuado

Tedimte’ Zokam ah khat veivei cieciai cih bangin a gelh kiom thei hi. Ei innkuan sung veve ah
Neam cih bang, Nieng cih bang zong om thei hi.

3. Awphei thumthuap mal 4:
Awphei malthum a kithuap cianga, awmal (phoneme) a piangsakte (Triphthong) ahi hi. Mal li i nei hi.
(1) [iai] = Liailiai
(2) [uai] = Huaiham
(3) [uau] = kihuau
(4) [iau] = liautuak

A huampi thu-in, Tedim kampau Zomite in awphei 5, awpheikop 10 le awphei thumthuap 4 a nei i hi hi. Pa Hau Thang gen ‘AW’ suaksakthei 11 te – a, e, i, o, u, aw, ia, ei, ai, oi, ui – a vekin kihel kim hi.

Lungdam.
Rev Khoi Lam Thang
September 19, 2012
Yangon

]]>
<![CDATA[Zomite zong Zolai thei lo mi ki tam mahmah: Tedim Zomi te’ Zolai Pupi Gin En Cin]]>Fri, 16 Oct 2015 02:44:04 GMThttp://tzltt.com/article/zomite-zong-zolai-thei-lo-mi-ki-tam-mahmah-tedim-zomi-te-zolai-pupi-gin-en-cin
Tedim Zomi te’ Zolai Pupi Gin En Cin

Rev. Job Nang Khaw Thawng in Tahan Awging Lom 27 Hawm 1, Jan – Feb, 2006 a suak a nunglam butuam sunga Theihsakna a tawnung penpen No. 7.ah Tedim Zomite Zolai pupi Sia H. Gin En Cin (GEC) Feb. 25,2006, 9:a.m in Emanuel Baptist Church, Yangon ah ” Reaching the World Bible College-te in Doctor of Divinity (D.D.) degree pia uh hi. Nakpi-in angtanpih hang, ci-in suaksak hi.

Kei pen Tedim Zomite Zolai pupi cihtak ding mah ka hi hiam, Cope bang cihtak zaw lo ding hiam! ci-in kei le kei ka kingaihsun dedu hi. Ka ngaihsun kik a Cope pen Sangmangpa cihna ngah khin ahimanin kum 34 tak ka sepna hong pahtawina hi’nteh ci-in, “Hm” ci-in ka lungsim ka ngahiat lel hi.

Khatvei ka khuadak kik a, kei pilna hang hi lo-a Pasian hong tawisangna hanga mite in Zolai pupi hong cih buangin Zolai vai-a ka ngaihsutna mite haksasak namte lai beekin hawmkhia leng , ka ci hi. Tua hi-a Zolai puahzia cih thulu tawh tawm kong gelhkhia hi. A lunglut khempeuh in hong kum ciat dih un. Zolai mal i zatzia ding kikum dih ni…

Zolai malgawmzia i puahsan laitak hi a.hoihtaka i puah theih leh i tu i tate gou hoihpi khat a guan I suak ding hi.Amau puahpuah nawn loin zang ta ding uh hi. Laimal i puah ciangin a phawkhuai khat: A kitheihkhialh kei ding leh a tom theithei a puah ding hoihpen hi. gt. Saklam Zomite in mikangte in LORD ci-a a gelh uh Tangtawn Toupa ci-in gelh deudau uh hi. A khiatna pen “JAH” cihna hi a Kawlgam Zomite in bel TOPA ci ziau-in mikangte aa tawh kikim hi. Hih pen Telhak a sa ding tuhuna upasate bek hi a,tuzawh kum 10 ciang khawngin om nawn lo ding uh hi. Khangnote in zongsang pah ding uh a zatnuam sap ah lel ding uh hi.

Zolaimal khat in khiatna khat bek nei lo-a a aw zui-in 3 pan giat dong bang a nei om hi.Tuate khempeuh a aw zui-in Kawllai bangin ciamtehna bawl ni cileng Zomite zat ding Computer tuam bawl kul ding hi. Tua ahi manin leitung buppi a kizang taang Roman laimal zanga Zokammalte a tel thei pena i gelh theih ding mah a hoihpen hi dingin ka ngaihsun hi. Hih a nuai-a “t+u” bekbek in khiatna bangzah nei-a a khiatna zui-in puah ding hileng a aw bangci puah ding i hiam?

Tu =(now), A hun genna.
Tu =(grand child) Tate’ tate.
Tu = (shelves) Buhkung a tang om nawn lote.
Tu = (sit down) Ding lo.
Tu = (sugar cane) Kawlgam piana kingah tu..
Tu = (hoe) Lo khawhna-a kizang tu.
Tu = (sheep) Kheli nei ganhing nam khat (tuu)
Tu = (landed) Vanleng tualah vanleng tu.
Tu = ( ) Akpi in zusa tu.
Tu = (forest) Mualtung singtamna munte

Hih a tunga teng lakah Cope in tuu (sheep) laimal tuam a a gelh ciangin adangte tawh telkhialh nading om nawn lo hi.Adang teng amal tuamin bangci bawl ding. Amal tuama i bawl sangin a thu i gelhna ah a kitel theithei dinga gelh ding hoihpen ding hi.

Zolai gelhzia a puah nuam tampi in Kawlai bangin a aw suahin puah sawm hi. Zolai mal dingin Kawllai mal kizang leh gen kul loin kiphuah thei pah ding hi. Ahi zongin Zolai mal dingin Roman laimal i zat laisiah Kawllai bangin a aw suah zui-in kigelh thei lo ding hi. Mi khat in ama awsuah tawh gelhin hoih sa mahmah taleh adang khat in ama awsuah tawh sim thei tuan lo ding hi. Ahang pen mual khat in hong hal leh i awsuah kilamdang pah hi.Hih Roman laimal tawh a awsuah kibawl thei hileh mikangte in zong na bawl kha ding uh hi.Tua hi-a mikangte in zong aw a suaksak (vowel) laimal le laimung (consonant) tawh a lai uh na bawl uh a leitung buppi in kizang thei hi. Mikang lai ah zong a aw a suak lo laimal tampi kizanga a khiatna kithei pah lianlian hi. Mikangte laimal a aw tuamtuamin kisim taleh amal in a khiatna a neih bangin Zolaimal zong a aw a tuamtuamin ging taleh a khiatna i theih kim ding thupizaw hi.

Tua mah bangin ei zong Roman laimal i zat nungsang mikangte puahzia mah a i puah ding hoih pen dingin ka um hi.Cope in “inn”(house) i tenna inn pen “n” nih na zang a tel khial nading om lo hi. “tu” ganhing pen (sheep) “tuu” ci-in ‘u” nih na zanga tel khialh nading om lo hi. Tuate bangin ei zong laimal tuam nei a khiatna kitel pah lianlian honkhat nei leng Zolai hoihna hipah ding hi.Hih a nuai-a laimal 113 teng mal khat in khiatna khat a nei pah lianlian hi. Tua lo laimal khempeuh a thu tawh kizui-a a tel thei dinga gualsiam kul ding hi.Nang na theih beh lai om hiam?

Lawm Zolai itpa aw, na tutna muna Zolai hoih kei ci-a na gengen sangin a kibawlsate sanga hoihzaw ding na theih tel taktakte kikumkhawm dih ni.. Na upmawh bek hong gen kei in. Tu hun kikupkhawm hun hi dinga kipsak khinin Computer ah guang khin leng ei laimal hi ta ding hi. Hih sungate a hoihzaw ahi zongin hih sunga kihel nai lo a hoih ahi zongin na theih leh a nuai-a email ah hong theisak in.

TD: Hi thei hileh Cope in Zolai mal gawmna sunga kizang lo laimalte a cih: f, j, q, r, x, y tawh puah loin tu-a i zatzatsate tawh puah ding sawm masa dih ni. Hih laimal teng pen Mikang lai pana Zolai i suahsak pahte bek ah zang ni. gt. January, Radio adt.

1 aa ( his ) Ama neihsa genna
2 aam ( jealous ) Deihsakluatna.
3 baak ( bat )-min- Zana gamta ganhing nawi nei.
4 beek ( at least )Hawmthawh genna. gt.Tawmkha beek.
5 beel ( pot ) -min- An huanna beelte
6 belengh ( ) Van behlapna
7 bengh ( opium ) -min- A kikham thei lopa nai nam khat
8 bongh ( weevil ) -min- An ne lung namkhat.
9 buuk ( hubble-bubble pipe )-min- Tuibuuk teepna
10 ciing ( cane )-tatna- gam khaugui to mahmah nam khat.
11 Cingh (generous) -zialak- Migi a neihsate mi piapia nuam.
12 Cinghpi( rhinoceros)- min- Ganhing lianpi, a nakcianga kip o.
13 Daang ( pale )-zialak- Si tawma daang ngote
14 deek ( back side of head ) -min- lutang nunglam
15 diik ( inhale ) – tatna- Nak sunga huih lutsak
16 diit ( skim ) -tatna- A paa dikdekin metkhia
17 dungh ( not ripe ) -zialak- Mai a san nai lo a eng laite (g. mai san nai lote)
18 eek ( dung or stool ) -min- Taw a paikhia a patkhiate
19 eel ( part of the back ) -min- Sibin aihkeh awdon.
20 eeng ( envy ) -tatna – Mii neihsa deihgawh.
21 Gaam (fine) -tatna- Liau sum piasak.
22 gamh ( heir ) -min- A neite innkuan sigma khin a, a tanau kinaipih khatin a luahte.
23 gamhtat ( force ) -min- Thatanghat suanga bangmah khualo-a gamta.
24 geel ( arrange or plan ) -tatna- Sepzia ding geel.
25 giit ( draw line ) – tatna- Lailam giit
26 gongh ( throat ) – min- I gawl mailam teng.
27 gou ( inherit ) -min- Dam sunga neih vangilte, tate in inn tawh a luahkhawm tohtohte.
28 haa ( solidify ) -zialak- A tui om lo ahaa
29 heek ( twist ) -tatna- Khauzang nih aihkeh thum hualkhawm
30 hkheng ( adhere ) -zialak- Malh lo, sip bekbak.
31 hlawm ( working cooperative ) -min- Na sem khawm dinga kilawmte.
32 hli ( scales appear ) -min- A vun khek, gt. the aihkeh gul.
33 hmei ( concubine ) -min- Zipi bana neihthuah zite
34 hngal ( boar or wild pig ) -min- Gam sung vok.
35 hngan ( poisonous snake ) -min- Gupha mahmah gul neu namkhat.
36 hongh ( miss habit ) -min-A neksate duh kik.
37 hsel (to kill trees by girdling) -tatna- Singkung kimkot satgeek in kungkeusa
38 htel ( lope side ) -zialak- Maam lo lengh
39 hteng ( stagnant ) -zialak- Zu khum lo, lehthuk.
40 huu ( breath ) -min- Diksuk diktoh huihte
41 huup ( sucking ) -tatna- Kam sungah huu tawh tawpto
42 iik ( side of the body ) -min- Pumpi pang tuak teng.
43 iip ( ) -tatna- A paikhiat ding deih lo-a khaktan
44 inn ( house ) -min- Tenna inn
45 kaat ( sulphur )-min- Thauvui laka kihel zatui nam khat
46 keek ( lightning ) -min- Van gin cianga meikuang piangte
47 keel ( goat ) -min- Kheli nei ganhing a ki a nunglama awn.
48 khaa ( bitter ) -zialak- Khum lo, thuk lo, al lo, lim lo.
49 khaal ( groin ) -min- Phei le gilpi kimatna teng
50 khaang ( crack ) -min- Kitam, bit lo.
51 khaat ( masculine an old ) -zialak- A kum cing a tangtat peuhmah. Sai khaat
52 kheel ( upper part of tight ) -min- Phei bullam teng.
53 Khiim (lull) -tatna- Ihmu dinga awi, khua phawk lo ding daisak.
54 Khuul (grave, cave) -min- Misi phum nadinga a kito kuavang..
55 kungh ( blunt ) -zialak- Hiam nawn lo mawl ta.
56 laa ( donkey ) -min-Sakol bilgol nei tawh kibangte
57 laan ( flag ) Br.-min- Pawl ciamtehna dialkhai.
58 laii ( navel ) -min- Lamh gui pona mun.
59 lamh ( placenta ) -min- Nau suah cianga a nungzui pen.
60 lee ( scented plant) -min- A nam nei lopa nam khat,
61 leen ( net ) -min- Ngasa mat nadingin kiphante
62 leeng ( cart) -min- Pei nei-a kibawl set kithuah lo kisawnte
63 leii (tongue) -min- Kam sunga a tang thei na I liahna pen
64 lii ( ) -min- Lolai-a kituh loa pomawkte
65 liik ( full moon ) -zialak- Khapi a benkim ciang.
66 liit ( water leech ) -min- Lui sunga om ganhing, vot tawh kibang.
67 lingh ( ) -zialak- Mam lo kawi thilhthelh(gt. akmul)
68 luaii ( cradle ) -min- Luai nadinga khau kivawh, a kikhaite.
69 meet ( profit ) -zialak- Sum lo, sumpi tung pana ngahbeh
70 meii ( cloud ) -min- Vana tui malneu kaiite.
71 mii ( young louse ) -zialak- Hik, khah a neulaite
72 miim ( a kind of winter crop) -min- Ankung nam khat.
73 neel ( cuddle ) -min- Taw pana dawkkhia ngoi.
74 ngonghtat ( violent ) -zialak- Thukhual loa-a gamta gawp.
75 Ni ( Sun ) -min- Tunga Ni pen – a patna N gol leh
76 niin ( menstruation ) -min- Numeite khasim niin pen
77 nongh ( ticket ) – min- Sing le khaugui kithuah gamlak
78 paii ( conceived ) -tatna- Nau nei, gai.
79 pheek ( mat ) -min- Phah ding ciing aihkeh nang kiphan
80 phiit ( whistle ) -min- Huu tawh kimutging namte.
81 phuii ( incantation ) -min- Dawi thoih cianga kisam kammal
82 phuu ( revenged ) -tatna- Luang tanga luang la
83 pii ( lead or guide ) -tatna- Makaih, va puak, aihkeh va la.
84 saak ( sort of taboo ) -min- Lipkhaphuai zek.
85 saal ( barn ) -min- Van tampi mun khat a koihna
86 sangh ( glean ) -zialak- An lak khita kimusiate.
87 siik ( iron ) Leisung a piang a sak mahmah tu le hei dinga kiseek.
88 siim (a kind of insect worm like ) -min- Savun meu peuh a ne lung.
89 siing ( ginger) -min- Leisunga pinei a thak, kisial nek thei.
90 siip ( crown of the head ) -zialak- Luguh kituah nunungpenna mun teng.
91 soo ( spike trap ) -min- A zuma kisui a sun dinga kisiah thang.
92 sungh ( father-inlaw ) =min- Zite nu le pate
93 suul ( womb, uterus )-min- Anute sunga naubu.
94 taa(possession) -min- Amau neihsa genna
95 taal ( stretcher ) -min- Cinate aihkeh misite zawnna.
96 taam ( forest ) -min- Mualdawn sing tampi pona tulak zong kici.
97 taat ( a kind of tree ) -min- Singkung a gah ankam pak mel nei
98 tangh ( chicken pox ) -min- Vun natna nam khat.
99 tanh ( share ) -min- Ei aituam dinga i neihte.
100 tee ( glittering ) -zialak-Mitte leng thei.
101 teem ( shrivel ) -zialak- Guh tungah vun bek belh, sa dim lo.
102 thaam ( python ) -min- Gulpi gu nei lo nam khat
103 tongh ( cubic ) -min- Kiu le khutme lai dawn kikal.
104 tuu ( sheep ) -min- Ganhing keel tawh kiveivalak a migi.
105 tuuk( a kind of bamboo) -min- Asung bing guan am khat
106 tuum( a kind of palm ) -min- Sawtpi hing nisuh nam.
107 tuun ( mother-poet ) -min- Lakam nu cihna
108 uuk ( hobby ) -min- Sep ding utpenna
109 vaam ( radiant ) -zialak- Tangpha mahmah lelaa.
110 veel ( scrutinized ) -tatna- Sitel, veelcian.
111 zaang ( loss ) -min- Ngah kha lo,Nuak le awk a zaang.
112 zeek ( distribute ) -tatna -A kisapna zui-a pia.
113 zonghzaw ( sluggard ) -min- Bangmah sem nuam lo thadah, guhzaw


Hih a tunga laimal 113 te banah laimal dangte tawh i gelhkhawm cianga a kitelkhial thei pawlkhat mal tuam neisakin mal khat khiatna khat neisak ding theihbeh na neih leh hong theisak in. Zolai mal kicingtakin puah thei leng Mikang lai zahin hoih pah ding hi.

Zolai pen a aw tuam nei dingin bawl ta kei leng a thu luanzia (contect) tawh kizui-in thuah siam peuh leng kitel hi. A khiatna nei dingin sim peuh leng theih lah ding om lo a, a khel theithei in sim leng lah a hoih khat beek om lo hi.

Zolai na sim ciangin a Zolai mahmah itna lungsim tawh sim inla, a khiatna bang hiam cih na tel theih nadingin sim in. Zolai na gelh ciangin nang bek in na tel dingin gelh kei inla, midangte tel theih dingin gelh in.

Zolai pen leitung bupa kizang Mikang lai zahin hoih a i lakam bang mikangte aa sanga i tungnunzawkna ahi hi. I zatsate banah laimal khelkhel ta kei leeng phazo ka cih hi napi mi tampi in Zolai puah ding hong gengen ciangin kul sa lopipi in kong geelkhiat hi ei. Topa’n Zolai thupha pia hen ou!

Hih teng khit ciangin kikup tuak tampite a banbanin kikum toto lai ni.

Zolai itpa,
Dr. H. Gin En Cin
]]>
<![CDATA[Pu. Thawn Tuang article at thupi mahmah: Naupang Nih Holimna]]>Thu, 15 Oct 2015 03:19:40 GMThttp://tzltt.com/article/pu-thawn-tuang-article-at-thupi-mahmah-naupang-nih-holimna
Picture
Naupang Nih Holimna

Pasian a um hetlo, Pasian omlo a ci naupang khat leh Pasian aum
mahmah, Pasian aom lam atel mahmah naupang khat a Sangkahna uh ki bang
hi. Ni khat mun khat ah tu hit hiat uh aa, thu tuamtuam a gen zawh
uhteh Pasian thu a umlo Naupang pen in:

Pp leh Kk cih min vawh ni;

Pp in lawm aw Pasian omlo hilo hia cihi.
Kk in om mah ei cihi.

Pp in nang mu ngeimaw cihi.
Kk mu ngei keng cihi.

Pp in na muh ngei keileh om ngeilo ai pahve ci hi.
Kk in tun ka muh ngeiloh hangin khatvei teh ki mu nung cihi.

Pp inbang hunteh ki mu ding maw cihi.
Kk in ka sihzawh teh ki mu nung cihi.

Kk in dong kik leuleu hi.

Kk in lawm aw na Pa in khuak anei hia cihi.
Pp in neih mah hi cihi.

Kk in na mu ngei hia cihi.
Pp mu ngei keng cihi.

Kk in na muh ngei keileh na Pa in khuak neilo hi pah aive cihi.

Pasian thu a umlo Pasian omlo aci Pp in a cih nang theinawn hetlo hi.
Kk in Pasian thu na up keileh na sihteh Meikuang sungah na Kha hong ki
hal dinga, na Kha si theilo in na kapkap ding hi cih gen beh lai hi.
Tua ban ah kei ka sihteh ka Pasian tawh khut ki lenin Suangmanpha tawh
ki bawl Inn hoih mahmah sungah lungdamin ka lamlam ding uhhi cihi.

Naupangno khat aneu lai-in lampi man a tawnsak a nu leh pa te thupi
kasa mahmah hi. Tuhun teh namdang lak ah ki polh gawpta ihih manin
innkuan sung panin Tate Pasian thu tawh makaih zawh ngiat ding Thupi
penpen hi cih ki mu thei hi. Lungdam.

Thawn Tuang
Nashville TN USA
Oct 14,2015
Ka laigelhte pawl khat>>www.zomi-angvaan.blogspot.com

]]>
<![CDATA[Pu. Thawn Tuang in lai at hoih mahmah: Nungak khat leh Piteek khat]]>Wed, 14 Oct 2015 01:47:51 GMThttp://tzltt.com/article/pu-thawn-tuang-in-lai-at-hoih-mahmahnungak-khat-leh-piteek-khat
Picture
Nungak khat leh Piteek khat

A khangno a melhoih nungak khat lim leh a teek mahmah piteek lim/man
khat tuak Sang siapa in a sangnaupangte kiangah hong tawi hi. Sang
siapa in Sang naupangte khennih suah hi.

Khenkhatna ah Nungak melhoih mahmah man minute 5 sung en sak in
tuazawh teh la kik hi.

Khennihna te kiangah Piteek mahmah man minute 5 sung en sak in tua
zawhteh la kik hi.

Sangnaupangte hong kaikhawm kik in, Nungak melhoih khat leh Piteek
mahmah khat man aki gawm khat lak leuleu hi. Minute 30 sung bang ensak
hi.

Siapa in man na et nunung pen uh bang lim ahia ci hi. Sangnaupang ten
Nungak lim aive ci-in pawlkhat in piteek lim aive cih tawh ki nial
khengkhang uhhi.

Siapa in daivo...daivo..hong pai unla na vekpi un Nungak a mu ten
nungak lim hong lak unla, piteek lim a muten piteek lim hong lak un
ci-in Sangnaupangte kiangah ci hi. Amau zong amau muhna bangbang
genciat, lakciat uh aa, a vekpi un a khialzaw cih omlo hi.

Siapa in minute 5 na et masak ciat bek uh bulphut lua in a dang na mu
zo kei uhhi cihi. Tua ahih manin muhna ki banglo, ngaihsutna ki banglo
vive teng Gawmkhawm in na sem khawm leng ki lawhcing mahmah ding hi
cih tawh Thapia hi.

Muhna ki banglo, ngaihsutna ki banglo teng a hoihlam in gawm khawm
ciatin na sem khawm ciat leng Zogam hong pallun ding aa, hong bawl
Pasian zong a lung kim mahmah ding hi. Lungdam.

Thawn Tuang
Nashville TN USA
Oct 13,2015

]]>
<![CDATA[Dr. Suan in Zomite deihsakna takpi tawh tampi atkhia: Ameri-Zomi T’a ding Muhna, Sawlna le ]]>Wed, 14 Oct 2015 01:45:17 GMThttp://tzltt.com/article/dr-suan-in-zomite-deihsakna-takpi-tawh-tampi-atkhia-ameri-zomi-ta-ding-muhna-sawlna-le
Ameri-Zomi T’a ding Muhna, Sawlna le 

Ngeina Thak

New Vision, New Mission & New Culture for Ameri-Zomi

Thu Konghong

Tuhun Zomi diaspora hun sung America gamah mimal le innkuan tampen ih tung khin zo hi. 99% sang atamzaw pen gambel refugee status tawh a tung ci le’ng kikhial lo ding hi. Ih vek in asylum seeker vive ih hi hi. Tu ciang in Zomi t’a ding refugee hun khat hong beita ahi leuleu hi: Malay le mundang pan gam-thum-na third country tung ding pen UNHCR te hong laksa accepted teng bekmah hong hi lai ding a, a dang denied le delayed pawl ading pen lamet om nawn khol lo cih thu om ahi hi.

Tua hi a, America tung khinsa Ameri-Zomi t’a ding kalsuanna thak khat kipat ding kisam ta ahi hi. Banghang in Zomi-te mimbang pianna tunnu Zogam nusia in leitung mun tuamtuam ah kithehthang ih hi ta’m? Ih tunna gam-ah bangci/koici kalsuan ding ih kisam ta’m? Kalsuanna thak tawh ih kalsuan nading bang teng ih kisam pen ta’m? Hihbang dotna te dungzui in ngaihsutna tawh dawnna ih neih theih nading sangmang muhna missiological perspective lam pan ih ki kum ding hi. Muhna thak new vision,sawlna thak new mission, le ngeina thaknew culture ci-in thu thum ih gen ding hi.

I.              Muhna Thak [New Vision]

 

i)              Muhna vision ih cih in bang hiam?

Leitungah muhna vision tuamtuam nam tampitak om hi. Muhna vision kician sinsen om lo-in mikhat, innkuan khat, company khat, gam khat, etc. lawhcingtak in kalsuan zo lo ding ahi hi. Muhna vision omlohna mun ah mi-te nuntakna kisia hi, ci hi [Proverb 29:18]. Tua ahihman in tuni-in mailam kalsuanna ding muhna thak ih kisam hi. Tua lo tawh ih kisia ding hi. Kisia cih ciang in, ngimna tupna mel nei lo a,  tuah bangbang nuntakna gen nuam ahi hi. Gam-thum-na tung khin t’a ding in muhna vision lui-te kizangh thei nawn lo a, muhna thak ih kisam hi. Tua ahih le muhna ih cih in bang ahi hiam? What is vision?

Muhna ih cih ciang in ei aituam muhna hi lo-in, TOPA Pasian kiang pan hong pai muhna vision kisapna gen nuam ih hi hi. Mawsi [Moses] vision muhna ih en ding hi. Moses in a neu tung in a nu’ gengen zel muhkholhna vision khat hong nei hi. A mi-te saltanna pan honkhia ding cih muhna ahi hi. Kum 40 sung Pharaoh kumpi pa tanu’ tapa hihna tawh hong khankhiat khit ciang, a ma’ neihtawm muhna vision tawh a mi-te honkhia ding hong kithawi leh lawhcing lo, lawhsam in gampalak ah hong taikhia ta hi [Exodus 2:]. a zom an uai ah...


ii)        Moses Vision Muhna

Gampalak ah kum 40 sung tu-le-kel cingin hong om khit ciang nikhat sawlbawk meikuang sungpan TOPA’ hopihna le sawlna mission hong ngah hi. Gampalak a sawlbawk meikuang pen alamdang hi lo zaw in, sawlbawk meikuang napi’n  kangtum lo-in kuang niloh pen a lamdang muhna vision ahi zaw hi [Exodus 3: ]. Tua muhna pan in Moses in TOPA tawh hong kiho thei ta ahi hi. Na min hong gen dih ve, a cih leh ka min theih kul kei, KEIMAH hi’ng cih san hi. Keimah na cih mawk pen a kua na hi hiam?, a cih leh KEIMAH kacihte KEIMAH, cihsan sawnsawn hiau hi. Tua KEIMAH min mah tawh a mi-te honkhia zo in, Moses hong lawhcing thei ahi hi.

Tua pan Sinai Mualzang dung hong tuntak ciang in, TOPA in thukham nam 10 le a dang thukhun tampitak pia hi. A mi-te [minampi khat, gam khat] pen theocracy ki-ukna tawh kalsuanpih ding thu ahi hi. Theocratic movement ahi TOPA’ deihna bek bulphuhna tawh minambup ki-uk kalsuanna ding constitution thukhunpi bawlsak in Moses kiang ah ap ahi hi. TOPA’ deihna bulphuh policy tawh mipi kalsuanna hi a, tulai leitungbup ii deihpen ahi, mipi’ deihna bulphuh democracy ki-makaihna hi lo hi. Tulaitak America gam thukhunpi constitution pen TOPA’ deihna tawh a kituak lai mah hiam? Tuma kum 200 val lai-in “Pasian ih muang hi” “In God We Trust” dinmun tawh gam thukhunpi a bawl uh pen a hoih zawding ngaihsutna le mipi’ deihna tawh hong puah toto uh tak ciang tuni in “Pasian muan kul kei” cih dinmun phial ah hong tunta uh ahi hi.

iii)      Muhna Thak Kisam

Moses in kalsuanna movement thak tawh amipihte kalsuanpih ding pen kimuang lo ahihman in TOPA kiang-ah vision muhna thak sinsen khat ngen ngeungau ta ahi hi. TOPA aw, hong thum ing, na vangliatna hong lak tapeuh phot dih in, na ci hi. A sawlpa, a topa maitang lim-le-mel ngiat mahmah munuam ahi hi. Tua mun-ah Moses in TOPA’ nunglam mukha hi, ci hi [Exodus 33: 18f].  Cihnopna ah muhna thak new vision khat ngah ahi hi. Tua muhna thak tawh a minabup kum 40 sung TOPA’ deihna bangin theocratic movement tawh lawhcing takin makaih zo ahi hi. Moses ii thupitna pen a mipih-te Canaan gam a lutpih/lutpihloh tawh kisai lo hi. Kum 40 sung vision thak khat tawh TOPA’ mission sawlna sungah a minambup gualzotak le lawhcingtak-in kalsuan pih thei ahi hi. Moses in a khansung in a sawlpa’ thupiakna le deihna bangin lawhcing takin kalsuan thei suak ahi hi. Tuni in na khantawn kalsuanna ding vision thak na nei khin hiam?

Tuni in gam-thum-na tungsa a kuamah peuh in vision muhna thak tawh kalsuan kisam ahi hi. Tua lo-in ih mission lawhcin’ ding zah ki lawhcing zo lo ding ahi hi. Nidang a vision lui puahpha ding, vision khanto ding cih hi lo-in, Pasian kiang pan muhna vision thak sinsen khat kisam ih hihna thu hahgen nuam ih hi hi. Tua vision muhna thak tawh mission sawlna thak khat kalsuan ding kisam ahi hi. Tua ahih le tuni-in eipawl ih mission bang ahi hiam?

II.            Sawlna Thak [New Mission]

      i)         Sawlna mission ih cih in bang hiam?

What is mission?, cih dotna a ding dawnna tuamtuam om ding a, a-khiat-na definition khat bek om thei tuan lo ahi hi. Tuhun ciangin vai khat peuhpeuh, tupna sawmna peuhpeuh mission kici hi. Kumpi, company, kipawlna, etc. te in mission khat ciat nei uh a, a kimuthei ding in lahkhiatna mission statement ci in lim le lai tawh kician sinsen in lakkhia uh hi. Tuni in ei pawl bang mission statement ih nei hiam? Leitung mun tuamtuam gam-thum-na ih tun pen kua in hong sawl a, bang vaipuak nei ih hi ta’m?

Mi tampitak te in America a tunna pen bang hih ding cih tupna ngimna om tuan lo-in nuntakna a nuamzaw deuh ding cih ‘seeking a better life’ ciangciang ngaihsutna nei uh ahihman-un mission kician sungah kalsuan zo lo uh cih thu kimu thei ahi hi. Tuni in Ameri-Zomi-te in muhna vision thak tawh sawlna mission thak sungah ih kalsuan ding kisam ahihlam ih phawk ding ih deihna bulpi ahi hi. Na mission bang ahi hiam? Tuni in mission kician khat na neih ding, na bawlphat ding kisam ahi hi. Mission kician sinsen na nei khin hiam? You make your own mission: na mission pen nang mah’n na bawltawm kisam ding ahi hi. Bang mission na neih sawm hiam?

ii)        Kua in mission sawlna hong pia hiam?

Tuhun ciang in leitungbup ah minam tuamtuamte ki thehthang in om kawikawi ta uh hi. Ei Zomi-te zongh a nunung pen lamciang migam milei ih tung ngeingai hi. Hih thu pen sangmang muhna missiological perspective pan ih et tak ciangin, minam tuamtuam a bawl TOPA Pasian in a bawlsa minam tuamtuam-te a bawlsa leitungbup ah kizel ding a, a mah’ min phat ding le upna kip tawh bia ding in hong sawl khia hi, cih thu kimu thei ahi hi. Tanglai in Pupi Abraham mimbang a pianna vangkhua Ur khuapi le a tenna Mesopotamia gam pan in paikhia sak a, a muhngei nai-loh gam-le-lei ah gamdang, midang, leidang, ngeinadang, paudang, etc. minamte lakah a pem sak PA in tuni leitung minam tuamtuam-te le ei Zomi-te zongh leitung mun tuamtuam ah hong pem sak ahi hi. Abraham pen Canaan gam-ah Pasian man le biakna man lak ding sangmang missionary in a paisak pa in ei zongh migam milei-ah missionary in hong paisak ahi hi. Tua ahihman in tuni Zomi a kuamah peuh in ih tuntunna mun-ah cihtakna le thumanna tawh Pasian biakpiakna ih neih ding le nuntakna hoih tawh ih nuntak khuasak ding thupi mahmah ahi hi. Ut peuh in phengtat, gamtat dingin TOPA in migam milei ah hong paisak hi lo hi.

iii)      Mission sawlna le Abraham Thuciam

TOPA in Abraham tungah a piak thuciam Abrahamic Covenant pen thu-um mi khempeuh in ih pomkim ding kisam ahi hi. TOPA in Abraham kiang-ah thuciam piakna en le’ng anuai a bang in nam li kimu thei hi [Genesis 12:2]:

1.     Minam lian in k’ong bawl ding hi: I will make thee a great nation.

2.     Thupha k’ong pia ding hi: I will bless thee.

3.     Na min k’ong lian sak ding hi: I will make thy name great.

4.     Thupha khat na suak ding hi: and thou shalt be a blessing.

TOPA in Abraham kiangah a piak thuciam pen tawntung thuciamna everlasting covenant hi a, a hun zui-in kikhel themthum ngeilo thuciam unconditional covenant ahi hi. Tua hi a, tuni-in Abrahamic covenant thuciam pen a pom thei mi khempeuh t’a ding in huamkim pah ahi hi. Tuni in Zomi-te leitung mun tuamtuam ah minam lian suak ding-in TOPA’n hong puak ahi hi. Nang ut thu tawh a tung na  kisak khak le na khial ding hi. UNHCR te thusiamna le American kumpi hehpihna peuh tawh a tung kisa kha kei in. UNHCR te’n leitungbup gam kipawlna thukhun constitutions le thukimna agreement om khinsa bang in nasem hi lel a, US kumpi in zongh America gam khantohna ding a mau’ sepnoploh nasepham hard & dirty work teng thaman niampen tawh cheap laborer ding in hong lak uh ih hi lel ngel hi. Sila dinmun sang tawm khat a sangzaw deuh khat in a niampen dinmun tawh gam hong belsak ahihlam phawk ciat in, kiniamkhiatna tawh gammi hoih suahsawm ni. Ahi zong in American minam suahsawm kei ni. American citizen Zomi hoih suahsawm bek ni in, Americanized Zomi le American Zomi suahsawm kei ni.

iv)       Na mission limtak theitel in!

A masapen in na mission bang hiam, cih telsawm masa in. Nasem ding a tung nahi hi. Mi’ sepnoploh teng sem ding a gam hong ki bel sak ahi hi. Tua hi a, nasep ih tuah peuhpeuh thalawp takin ih sep ding ih ki hanthawn ahi hi. Tua nasem ding mah in TOPA in hong puak ahi hi. Na nasep tungah cihtakna le thumanna tawh sem tinten lecin na boss te’n hong muang ding a, na nuntakna hong kilam sang ding ahi hi. Mi pawlkhat te’n nasep nuamsa lo ahih kei leh thaman tam sa lo ahihman in nasep laih themthum denkei mawk uh a, koimah ah ki hired thei ngiat lo khawng zong ki om ahi hi. Na tuak peuh deihphatak in sepding ngaihsun masa in. Tua semding mah in TOPA in hong puak ahihlam ngaihsun in la, cihtak sawm in. Hong sawlpa in a thuciam om bang in thupha hong pia ding ahi hi. Na nasepna ah siam sawm in. Zomi-te in nasep siam sawm lo-in, thaman bek kideih ahi hi. Tua dinmun pan ih suahtak ding kisam ahi hi. Nasep siam sawm ngiat in. Tua hi le, na dinmun position hong kilam to ding a, na za hong khang ding hi. Topa’ lapsangna promotion na ngah ding hi. Thupha ih cih pen thaman dollar tampi ngahna zongh hi pahpah tuan lo hi. Hi lai mun ah TOPA in Abraham kiangah a gen, a thuciam thupha pen bang ahi ding hiam?

v)        Thupha ih cih in bang ahi hiam? What is blessing?

Thupha blessing cih pen a kimu thei lo thu invisible thing ahi hi. Muhtheih-te thupha hi tuan lo hi. Ei Zomi-te’n muhtheihna-te vive thupha ih sakha tawntung hi. Sum-le-pai, neih-le-lam, etc. te thupha blessing ih sakha tawntung a, kikhial mahmah ahi hi. TOPA in Abraham kiangah thupha blessing thu a genpih lai-in leitung mit tawh kimu thei lo invisible thu gen nuam ahi hi. TOPA pen kimu thei lo ahihmah bangin a thupha zong kimu thei lo hi. Mitmuhtheih ahi sum-le-pai, inn-le-lo, etc. te pen financial, material, etc. hi a, thupha le thusia a piangsak thei vive ahi hi. Blessing cih ciang in thusia kihel lo, kisawh lo ding hi. Tuni in migam-milei-ah na thalawh dollar sum, na leisa inn le motor car te pen TOPA’ blessing sung pan ahih le bek thupha suak ding a, blessing a om kei leh thusia zongh suak thei ahi hi. Na sung pan a piang tanu-tapa zong blessing om kei leh thupha hi tuan lo a, thusia bawl ding peuh zongh hi thei hi. Thupha blessing cih pen mit a muhtheihloh ahi hi. American minam-te pen nidang in TOPA in thupha blessing pia ahihman in khangto uh a, zongh hau thei mahmah uh hi. Tuhun ciang in mi a tamzaw in tua leitung sum-le-pai neihsa te thupi sak lua ta uh a, materialism upna sungah thuklut khin ta uh ahi hi. Pasian kisam sanawn lo uh a, kiamsuk lam manawh kik nuam ta ahi hi. Nidang lai a “In God We Trust” gam pen tuni-in In God We Do Not Trust gam suak pianpian bektham lo-in, suak khin ta ahi hi.

Abraham pen Canaan gam a tuncil hun in bawngnawi le khuazu luang cih thadah nektawm ding an nangawn om lo-in Egypt gam-ah refugee gambel in va om phot ahi hi. TOPA in tua thupi sa ahihman in leitung ah mihing in hong pai takciang a mipa pemna Egypt gam mah ah gal vatai a refugee in gam vabel phot se hi. Tua TOPA in refugee Pasian ahi hi. Tua hi a, tuni refugee tungtawn in a gam a kek nuam Pasian in eipawl migam-milei ah hong puak ahi hi. Minam lian in k’ong bawl ding hi, ci hi. Ei Zomi-te migam ah a mangthang ding peuh in a tung ih hi kei hi. Tua hi a, minamdang tawh kisawh loding hong thupi mahmah ding hi. Tu laitak in gam-thum-na tung khinsa Zomi nu-le-pa te’n minamdang mo-le-mak bangzah ih nei khin ta hiam? Mimal le innkuan bangzah migam ah ih mangthang khin zo hiam?

Pupi Abraham in migam-ah a-tu-a-ta, a suan-le-khak mangthang sak lo ban-ah pung in khang sak lai ahi hi. Tu ni in simleitung bup ah Abraham suan-le-pal pen minam lian khat in kuama suksiat zawhloh in ding tang zo uh hi.  Tua in banghang hiam cih leh, Canaan gammi-te tawh kisawh khalo ahihman ahi hi. Abraham pen Canaan gamah Hebrew kici [Canaanite te’ zahkona gungalte cihna khawng hih tuak…] minam lian khat piangsak ding a kisawl hi a, Canaanite vasuak ding a kisawl hi lo hi. Canaan gammi va suak ahita zong in, Canaan minam Canaanite va suak lo hi. Canaanite a vasuak pen Lot te innkuan ahi hi. Sodom khuapi ah nuamtak in va teng uh a, ulian bang vasuak phial lai hi. Sodom mi-te ngeina culture teng vazui in vacing kha uh hi. Tuni in Zomi bangzah American minam ih suak khin ta hiam? Pasian in U.S.A. gam ah American minam suak ding le Americanized ding in hong paisak hi lo hi.

Abraham in a minam limtak kepsiam ahihman in minam lian suak a, a mah min mahmah zongh lian in thang hi. Tua khit ciang bek in minam tuamtuam t’a ding in thupha blessing khat hong suak pan ahi hi. Tuni in America gam ah mihau, milian zongh suak thei khamah ni h’ang. Ahizong in na mipih, khuapih, u-le-nau t’a ding in thupha khat na hih ding thupi bek hi. Tua lo-in na hauhna, liatna te in mi a ding in a mawkna hi lel hi. Joseph in Egypt gamah Pharaoh kumpi a vasuah phial hang in a-u-a-nau, nu-le-pa le minam a ding in kimanna nei kei leh a mawkna linlian hi lel hi. Joseph ii thupitna pen kumpiza a neihna hi lo zaw a, u-le-nau ading kimantheihna a neih man hi zaw hi. Tuni in mi a ding blessing thupha khat ih hi zo ding hiam? Hong sawlkhia TOPA in tua ding a hong lamen ahi hi. Joseph in Egypt citizen gammi vasuak a Egyptian zi vanei ahih hang in Egyptian mi vasuak dek lo hi. A zi-le-ta Hebrew minam suahpih a, a mah’ sung pan piang tapa nih tungtawn in Manasseh le Ephraim ci-in Hebrew minam sungah nam lian nih piang sak hi. Lot in a tanu te nih tawh ki nupa uh a, minam ginalo nam nih [Ammonite le Moabite] piang sak hi. Tuni dong in Abraham suan Israel minam-te’ gal cipha suak uh hi. Tuni in eipawl in ei sung pan a koici minam ih piansak sawm hiam? Lot te innkuan in Sodomite te ngeina ngaihsutna culture vazui khin uh ahi hi. Tuni in bang ngeina culture na nei hiam? Tuni in bang ngeina tawh na kalsuan hiam? A zom anuia ah om lai...

III.         Ngeina Thak [New Culture]

       i)        Ngeina culture ih cih in bang ahi hiam?

What is Culture?, cih dotna ah dawnna tuamtuam om thei a, ei mah’ ngeina culture ding pen ei mah’n ih bawl tawm ding ahi ta hi. Tuhun ciang in mi-te in culture tuamtuam bawltawm ta uh hi. Tua hi a tuni-in na ngeina culture pen nang bawltawm ngiat ahi ta hi. You make your own culture. Culture ngeina cih ciang-in ih ngaihsutna gen nuam ih hi hi. Ngeina kizuihna cultural assimilation pen manlang mahmah hi. America gam pen cultural melting pot kici a, minam tampitak te’ ngeina ngaihsutna lungsimpuakzia te kigawmtuahna gam ahi hi. Tua hi a, ei pawl zongh migam-milei ah mi ngeina ih zuih ding baih mahmah ahi hi. Tuni in na ngeina culture ding na bawltawm khin zo hiam? Ahihkei le mi’ ngeina culture le lifestyle te na zui/cing khin zo zaw hiam?

ii)        Ngeina Zuihna/ Bawlna

Abraham in Canaanite [Canaan gammi] te’ ngeina na zui ngei lo-in a-tu-a-ta in zongh zui sak lo-in kikep siam ahihman bek-in minam lian khat-in leitung bei dong hong ding khia zo suak ahi hi. Tua hi lo-in Canaanite ngeina na zui uh hen la hi le, tu ni-in leitung-ah Hebrew minam le ngeina om zo lo dinga, Abraham’ Pasian cih zongh om zo lo ding ahi hi. Lot te innkuan in Sodomite [Sodom khuami] te’ ngeina cing-in zui pah uh hi. A tanu nungak nih-te khuapih pasal-le-tangval ngongtat-te in deihbang a zat ding-in ap tazen hi. Gal taina giah phual ah a tanu te’n a pa tawh sexual relation hong nei khawm zen mawk uh hi. Hih bang gamtatna le ngaihsutna te pen Sodom le Gomorrah te ngeina culture hi a, a mau’ a ding lamdang nawn lo hi. Lot te innkuan in Sodom khuapi ngeina culture le lifestyle pen na zui kha khin uh ahihman-un a mau’ ngeina thak a tuam in hong bawl zo nawn lo-in, kisiatna tuak uh ahi hi[Genesis 19:].

ii)        U.S.A. Gam: Sodam le Gomorrah Khua Thak

Nidang in vantunggam malep ih cih dep U.S.A. America gam sung khuapi le khuaneu khempeuh pen tuni-in Sodom le Gomorrah khua official takin suakgai khin ta ahi hi. Gambup thukhen zum lianpen Supreme Court pan in same sex marriage phalna pia khin zo a, president pa in thukim pih mahmah laisop ahi hi. U.S. gam le kumpi siat-gen nuam/ gensia nuam ih hi kei hi. Ahi, ahibang in muhna positive view tawh thu gen nuam ih hizaw hi. Zomi-te’n ei deihna tawh kituak teng le ahoih lam teng bek positive ih ci nuam a, ei diehna tawh kituak lo khempeuh negative ih ci nuam pahpah mawk hi. Pasian in hoih asak te hoih nasak tak ciang le Pasian in sia a sak te sia nasak theih tak ciang bek in positive na hi pan hi. Pasian in sia a sak khat nang hoih nasak teitei le nang pen Pasian’ mai-ah negative nahi hi.

American khangno tampitak te’n nungak-le-tangval kingaih, kiten ding, nupa hoih suah ding le innkuan hoih tawh nuntak khuasak ding cih thu pen culture ngeina le khuasakzia lifestyle in neinawn lo uh ahi hi. Same sex marriage thu hong pianna pen numei-le-pasal kiten kul sak nawnlohna pan hong piang khia ngeina culture ahi hi. Tua hi a, tuni-in na ngeina bang ahi hiam? Ngeina thak khat na bawl tawm ding kisam ta ahi hi. Na ngeina in weekdays ni nga sung nasem ding, Friday nitak le weekend teng ah deihbang in gamta ding cih American lifestyle nung mah na zui ding hiam? America gam ah na naturalized khin zo ta hiam? Casino le bar te ah nuam nasa thei ta hiam? Nipi ni in biakinn pai kul se lo-in na om thei ta hiam? Ahih kei le Pasian mah biak tangtang ding kisam hi na ci hiam? Nang le na innkuan in bang ngeina na zangh/ zatsawm hiam? Abraham bang-in a sawlpa mission sungah culture ngeina hoih tawh na kalsuan sawm hiam? Ahih kei le Lot bang in mi culture tawh kisawh bawl lel ding na ngaihsun hiam? Na tenna khua pen Sodom le Gomorrah khua ahihlam phawk in!

iii)      Ngeina Thak Bawl In!

Abraham in a tunna Canaan gam-ah Canaan kampau zongh a siam kul mah hi. Ahizong in a mah’ kampau tawh a Pasian TOPA [YHWH] na bia hi. Canaanite te’n a zahkona un Hebrew pa na ci uh hi: gungal pa cihnopna hih tuak hi. Canaanite mi te’n Abraham cihtakna, biakpiakna, kampau le minam kepcingna, ngeina tuam neihna, etc. a muh tak ciang-un zakta uh a, minam thupi khat in ngaihsun uh ahi hi. Kua mah in simmawh ngam nawn lo uh hi. A mah’ suan-le-pal-te Hebrew minam kici minam lian khat in leitung bei dong a ding zo ding hong kipan khia ahi hi. Tua tungtawn in Abraham’ Pasian ii hoihna, vangliatna, etc. hong kilangh toto ahi hi. YHWH TOPA in zongh Abraham’ Pasian a hihna angtang mahmah ahi hi. Tuni in Zomi-te’ Pasian minthanna ding Zomi-te’n ngeina thak tawh migam-milei ah minamdang-te lak-ah ih kalsuan ding kisam ahi hi. Ngeina culture thak khat na bawl khin hiam?å

Tuni in ngeina culture hoih khat bawlpha in a kalsuan thei ciat ding’n TOPA Pasian in thupha hong pia ta hen!

Itna tawh,

Dr. Suanpi

P.S.: pdf file attached hi ing. Lungdam!
]]>
<![CDATA[Muhcil Ngaihno Obama Michelle]]>Tue, 13 Oct 2015 01:15:33 GMThttp://tzltt.com/article/muhcil-ngaihno-obama-michelle
Picture
Pu. Thawn Tuang
Muhcil Ngaihno Obama Michelle

Obama leh a zi Michelle a ki muhcilna, ki theihcilna uhleh a zi numei
lak ah a etteh huai in a ki gen ahih manin tawm sutsuk ni.

Sialvom leh Sialvom ki ngai cih Zomite paunak ana man mahmah na hihi.
Lungsim ki bang, mel leh sa ki bang ki teenpen Obama te nupa inzong
nuamsa mahmah uh hi.

Obama zi Michelle in kum 1988 kumin Harvard Law School sang pan Ph.D
hong ngah hi. Kum 1989 in khuakhal sang khak ciangin Obama zong
thukhenna tawh ki sai asin dingin hong paiteh a zi Michelle in Obama
hong laihilh kha hi. Mivom pen amaute geel bek ahih manun a deihdan a
khuahek dan uh hong ki bangin hong ki-it bawl uhhi.

Sangnaupang ahi Obama in a siamahnu Michelle tungah itna ngaihna thu
hong gen ngiap in hong ki ngai thei uhhi. Kum 1992 Oct 18 in hong ki
teng uhhi.

Obama zi Michelle in:

1. Pasal a neih khitleh a neihma a zingthoh hun laihlo hi. Nisim
4:30am in thohden cihi.

2. Taina set ah tai-in thala den hi.

3. A tate sang a tuahteh Sangah bang teng sin cih gelhsak hamtang hi.

4. Ki ginni nipi ni TV leh Computer ensaklo hi. Computer pen innlai
bawlna ding bek hi cihi.

5. An a ki pia khat peuhpeuh thupi tak in sangin ne hi.

6. Amah leh amah ki muangngam hi.

7. Ka pasal pen ka lutangpi uhhi ci den hi.

8. USA kumpite zi lak a din sang pen Nu hi. Pi 5'11" pha hi.

Michelle in kumkhat sung akhasum gawm pen dollars 270,000 $ val ngaih
in Obama khasum ii  azahnih pha hi. A hih hangin Obama kiteelna ah
agualzawh nading in Michelle pen tua khasum hoih anasep khawlin apasal
panpih hi. A nupa un a pan khop manun gualzawhna hong ngahto uhhi.

Nungtolh kik pak leng a tawpna dingin Michelle pen USA Chicago leitaw
lam mizawng veng panin Jan 17, 1964 in suak hi. A pianna inn leh a
khankhiatna innpen anhuam buuk lah hi-in lupna lah hi pah hi. A inn
uhpen a laizangh ah puan tawh ki dal in a lang khat ah a Nu leh Pa
lumin a langkhat ah a upa tawh lum thilthial uhhi.

Na khan khiatna tualniamlua aiteh a niamdin mun tawh ki tuaklel cih
bang om theilo hi. A tupna lianin hanciamna tak tawh a kalsuan ahih
manin 2008 kum July kha sung aa abawl uh ahi mipi lunggulh kaihkhopna
khat ah 30% in amah deih in 35% in deihlo hi ci hi. Tua khit kum 4
ciang in American AP in khatvei akaih khop kikna uh ah American gammi
64% in amah deihin 53% in Obama sang pahtakna ngahsak zaw hi. American
Media tuamtuam te in hun khat ciang Michelle pen kumpi dinmun ngahzo
ding in um hi lai hi.

Zomi tangval nungak khangnote zong bang hi tuan ihiam? Na dinmun mite
in hong ciangtan sak phial mahleh Pasian in mihing khempeuh amuhna ki
bang lel hi. Hanciam in, Citak in, Lunglaulo aw sawtnawnlo ding......

Thawn Tuang
Nashville TN USA
Oct 11,2015

]]>
<![CDATA[Pu. Lengtong Pauno zong Facebook lam ah na tai mahmah kammal hoih lakam tampi na at khia ngiatngiat]]>Mon, 12 Oct 2015 01:22:01 GMThttp://tzltt.com/article/pu-lengtong-pauno-zong-facebook-lam-ah-na-tai-mahmah-kammal-hoih-lakam-tampi-na-at-khia-ngiatngiat
Picture
Zo lakam azom
M group cipak dia.......!

1. Ma bang aam:- Pupa' pian'na vangkhua nunnuam(Lamka), Do ta'n ma bang aam ta e.
2. Ma bangpan:- Khangsawn te'n tu bang ciing hen aw....ma bang ipatna hi e, Tuana pupa' ma bang patsa,laamsai tawng e ngual aw e...
3. Mal bang kou:- Hilh, Zasak theisak, Hill, Dah/sih na lam hizaw deuh.
4. Mal bang sim:- Melmak dolun mal bang simna, tuklu ah paal sing seng e.
5. Mang bang bawmh:- Ki huh, kivaan, kipanpih,pangkhawm cihna
6. Mang bang bawk'kk:-Tuan pupa' lel,nunnop khang sum bang tuah kim,Na hawmsiamno,mi zata'n lui...
mang bang bawk'kk e.
7. Mawngneel bang dawn suang thei leng:- Na zua lo bang tulkuan hitangh,suan mawngneel bang dawn suang thei leng e...
8. Mawng bang kaann...
9. Mawng bang kawi:-Eiteng liiliai suan mawng bang kikawi,Gil' a buh al khuang e lawm aw e.
10. Mawng bang peem:-Mun inn gamlo ka ngaih manin,siingkhual mawng bang peem ing e.
11. Mei' bang pha:- Kawlciang nunsawm,zi'nkhawi' sang limlian, ahu mei' bang pha,thang mualdung zil e...
12. Mei'bang sa:-
13. Meii bang liah
14. Meii bang lum
15. Meii bang theng
16. Meii bang zaam
17. Meii bang ziing:- Vangkhua sinthu,tual lummeii bang ziing veh e,Bat lah tulta mau lam bang vul ing e.
18. Mim bang piang
19. Mong bang bei:- Puvon' laizom zuangaih ninu,mong bang abei' na hi e...Nuale nama..a natawi vonteng naliim ah khawl dimdem e.
20. Mu bang lam:-Dota'lunmang tung khaimu bang hong lam ven,Zo lei gamkuam,taang bang nadam nam ci'ng e...
21. Mu bang ngai:- Zanciang ka zal mang a maw...paai bang kipom,I laukha zong mu bang ki ngai hi ding e..
Tum nailo aw ka tuunnem aw,von in mu bang ngai nalai ing e...
22. Mui bang tu:-Mualheem mimphung alai ah mui bang tu aw,phungzon'tuak aw, von aw taang bang dam ve aw...
23. Mung bang tup.

Tuzan hizah ciphot ni e...
Munkhai'pa.

Tehkaak zo lakam kong postte pen ke'n zong thupi kasak ka phawkkhak teng hi in laisim te adingin Idea hoih ngahna starter hong hita hen.
L group 
1. Lam bang zong:- Natawi' kawlciang aleen' zangven,sang(sa) melhoih in tuunsiang lam bang zong thei e.
2. Lam bang baang
3. Lambang kaai:- Guallai lam bang ka kaihpih aw,zua tawh tul khawm ding sa'ng e.
4. Lam bang kawm:- Tunlezua in von hongtawi vven,tuunsiang lam bang kawm hang e.
5. Lam bang khen:- Ka len'na vangkhua nuam leh tuun tongdam neem, lam bang khen lah'ng...nua ciang sawl bang vul ing e.
6. Lam bang sial:- Tuiphum Zawhang,Zeisu pai nading lamsial
Gampalak a kikou pa'awwwww..
7. Lam bang veel:- Zua melmuh na'nga kadawh lumsuang...,siingta zata'n lam bang veel hen aw.
8. Laamh bang vul
9. Laamh bang pakk:- Kop a na laakk von na sangkap,Zua tawh laamh bang paakk ung e.
10. Lawi bang thang:- Gualgen zang lawi bang kong than'pih, khen tading maw suan zozam aw e...
11. Lawkta bang tauu'...:-Ngaih nang san'munmuang tading a
Zo lawkta bang kei tau ding aw e...
Nunkhuangle dahkhuang kaihna,kiang min lawhna, Zo lawkta'n tau na'n nei e.
(Nupi nu in apasal tawh anopsak lai aphuah la apasal=kiaang kici
pasalin azi.=thaaii ci ....
12. Leng bang khuang:- Lungnuam, gilvah, ihmut cim'...cingh, ki taangsap omlo cih etsakna hi.
13. Len tangnah bang dawn suang:- Hingmang/innmanglo,suanle.....
tuleta...khang kizom cihlam kawk zawdeuh.
14. Lii bang cing
15. Lii bang limm:- Zanggam tuilehluan' dung kazui a, atui luan' dung li bang ka limm,li bang ka limm e(nungak hel a heel=limm)
16. Lii bang veii
17. Liim bang beell
18. Ling bang do
19. Lo bang hial:- Zota,manta cihna.
20. Lo bang kawm:- Phialva banga leengthei hileng,gam vangla a ka ngaihsiang,lo bang kawm nuam ing e
21. Lo bang lel:- Nuaizin'khua lo bang lel tang e,tukawl tawi ding bei tah e...
22. Lo bang meeng:- Lopa le kiakk haa
23. Lo bang tul:- I ningzu lah lo bang tulkuan a,sendeih teng aw taikhua i val zodiam aw..
24. Lo bang veh:-hawh leengla,vaan don',kann,athu,keem,khoi...etc
25. Lo bang zawh:-Theibang nasennolim a siam bang nasin' lo bang zawhna silhpuan tawh etlawm khawm e
26. Luai nau bang suut
27. Luai bang veii...
28. Lum bang sung:Lum bang hong sung laizom nihthum kumsawt gua bang hinghen aw...Lum bang kasun' katuai nihthum,tungsunni bang taang hen aw...
29. Lumsuang bang po:-Sawn aw tangbang hongdam in aw,Gual khankhup in ciau lumsuang bang po ve aw....

L.... hizah cifot awng ei'...

G group hongzom pak ning.
Na khuak uh ki start veh aw haa

1. Gial bang daai....Holung kupna gial bang daailo ding'n,Taanggual hanlungciam vevua
Dolun laitual ka lenpih,tong ka kuppih,na pheiphung gial bang daai e
2. Gial bang khing
3. Ga bang tol... Gul,aki phuah la hi.
Pheiphung suanlo, simlei thaam bang zawt aw e,Tum bang guai leh tai ga bang hawngtol tah e
4. Gam bang daai....Tun aw, na nuaciang ah, i saulim gam bang daai e.
5.am bang maang
6.Gawl bang khak7.Gaw bang kim...Tun aw na pham lungsitlo aw,na von nihthum khang gawl bang kimlai hi e.
8. Gawl bang puuk
9. Gawl bang uum
10. Gia bang zom
11. Gia bang zuun.....Na khan kumsawt phualgia bang zuun nuam veng e
12. Gawl bang phuk, Sanglian gawl bang ka phuuk ni'n e,tung sunni kaaii manl
13. Gi bang khen-(sam gi bang khen)
14. Gi bang neekh
15. Gil bang giak
16. Gu bang zen
17. Gua bang hawii
18. Gua bang hah
19 Gua bang hing
20. Gua bang suan
21. Gui bang awh
22. Gui bang nokh
23. Gui bang zom
24 Gul bang lii
25. Gul bang vial

Cipong fot tawng ei'....aban. H...

D group tawmtik ti leleu tawng.

1. Dai bang nawk
Dai bang theuu
Dai bang theng
2. Dawn bang siang
3. Dawn bang tuag(sum bang tuah zong kici thei).
Hipong zel.

C group tawmcik.

1. Ci' bang siang
2. Ci' bang teel
3. Ci' bang theh
4. Ci' bang tuh

cihdan khawng e

B group Lakam azom.

1. Buan bang baangg.
2. Baak bang kaai.
3. Beel bang lumm.
4. Beel bang siinn.
5. Beel bang suangg.
6. Buh bang so.

Bgroup ka lak hiteng hi ei'...

I LAKAM TAWMCIK ZOM NI.
A khiatna tawh honggen nawnkei ning.Athei nuam te personal ah ki dong ni.Thu 300 val himawk ahih teh....
Tu malam in,Lakam leh akhiatna ka post leh, zomi tgvalnavaak khat in, "Zo lakam ki phuahcil in a committee member zong hi tuankei ni teh,og kamtam nawnke'n "hong kici ngei khin in,
Ke'nbel" Committee member hilo bek thamloh in,tuni ciangdong, "Lakam Committee aneizo nailo, "nam" hilai tazen hang ei' "kana ci hi.
A group azom
5. Amh bang vai.
6. An bang it.
7. An bang kawm.
8. An bang muam
Zing teh B group zom ni.

Munkhai'pa

]]>