WWW.TUNGZANGNEWS.COM

TUNGZANG NEWS
 
A MITTAW NUMEINO


A lungkim theilo mittaw numeino khat om hi. A lawmngaihpa sim loh a kim a pam tawh kilemlo in kuamah zong it vetlo hi. A lawmngaihpa bel mittaw numeino adingin a kisap khempeuh hihsak dingin kiman tawntung hi. Numeino in zong ni khat ni ciang khuamu thei hileh a lawmngaihpa tawh kiten ding bek a lunggulh hi.

Nikhat mi khat in a mittang pia a numei zong khua hong mu theita hi. A lawmngaihpa in, "Tun khuamu theita na hih ciangin nong kitenpih ding hiam?" ciin a dong hi.

Numeino in zong a lawmngaihpa a muh ciangin a mittaw mah ahih lam thei a, tenpih nuam nawnlo in nolh hi. A lawmngaihpa khasia lua ahih manin a lawmnu kiangah, "Kong it manin ka mittang kong pia a, tun nang khua na mu theita hi. Ka mittang hoihtak in na kepsak in aw," a cih khit ciangin a paisan hi.

Mihing lungsim hih bangin kikhel thei hi. Mi tampi in a hunlui thei nawnlo in amah a huh a khoi, a kemte nangawn mangngilh in kitheihmawh bawl uh a, a haksat laitak vua a it, a thuakpihte nangawn phawk nawnlo uh hi.

Hau Za Cin

 


Comments




Leave a Reply