WWW.TUNGZANGNEWS.COM

TUNGZANG NEWS
 
 Mangmuhna 16:13 Tuaciangin gulpi kamsung,sapi kamsung leh a manlo kamsang kamsung panin uiphuk tawh a kibang kha gilo thum hong pusuak ka mu hi.
        1. Gulpi kamsung pan
        2.Sapi kamsung pan leh 
        3.Amanlo kamsang kam sungpan hong pusuak kha te in bang hi-a,hih Laisiangtho mun in bang a gennuam hiam?cih kikum suk ni.

        1. Gulpi kamsung pan

                      Mangmuhna 12:9 Tua ciangin tua tanglai gulpi,Dawimangpa ahih kei leh Satan a kici leitung mi khempeuh a khempa, a vantung mite tawh leitung ah ki lawmsuk hi.Hih Laisiangtho in tua gulpi in; Satan ahih lam teltak in hong lak hi.
                      Mangmuhna 9:1,2 Tuaciangin a ngana vantung mi in a pengkul hong tum a,vantung pan in  leitungah  aksi khat a kiasuk ka mu hi.Tua aksi [satan] tungah kuahawm thukpi honna tawhtang a ki pia hi.Amah in tua kuahawm thukpi a hon ciangin meiphualpi panin meikhu bangin meikhu tampi hong pusuak a,tua meikhu hangin ni mialin khim a zing hi.Isaiah 14:12 Nang khuavak ta zingsol aw vantung panin nang bangci kiat na hi hiam.Luke 10:18 ah Jesuh in vantung panin keekkia bangin Satan a kia, ka mu hi ci hi .Tua hi-a hih Laisiangtho munte in vantung pan a,a kiasuk aksi in Satan dawimangpa ahihlam teltak in hong lak hi.

Sawltak 2:3,4 Nungzuite lakah meikuang bangin Khasiangtho hong tung a,a maute khempeuh Khasiangtho tawh kidim uh hi.
Paikhiatna 3:2,Sawltak 7:30 Meikuang lakah vantung mi khat kilak hi.
Paikhiatna 13:21 Sun hita leh zan hita leh amaute lam a paitheihna dingun meikhuam khat tawh Topa a maute mai-ah a pai hi.
Psalm 84:11 For the Lord God is the sun and shield.Pasian in nitang leh eite kidalna lum ahi hi ci hi.
Hih Laisiangtho munte i et ciangin meikuang,meikhuam,mei  in Khasiangtho nasepna Pasian nasepna ahihlam hong lak hi.Tua hi-a,Mang 9:1,2 a,a gen Satan dawimangpa pen kuahawm thukpi ahi;  hih i leitung [universe] ah hong kiatsuk ciangin leitung ah meikhu ahi Satan nasepna,khanin nasepna hangin leitungah biakna tuamtuam hong piangkhia a,tua biakna manlote hangin leitung mihingte in nitang bang ahi piangsakpa Pasian theilo uh hi.

    Biakna Tuamtuam hong Piankhiatna

      1.  Roman Catholic Church
        
Hih biakna tuamtuamte lakpan in tu khanghun a om,a thupi zawdeuh pawlkhat ensuk leng Catholic pawlpi in tangtai Babylon,Medi-Persia leh Greece te in ki tatsatlo a,a na biaksuk uh ahi ni pasian SHAMASH ahihkei leh Apollo pasian leh tanglai Rome te i ni pasian ahi Jupiter mah hong tawphah uh-a,Jupiter mun ah St Peter hongkoih in Jupiter milim pen St Peter lim hong suah uh in Vatican City ah hong ki phualsat uh hi.

Vatican cih kammal pen Latin kam ahi vatis leh can  pan a hong pai hi-a,
               Vatis = profetic / diviner = a khenkhiapa
               Can  = serpent / snake  = gulpi /gul cihna hi-in 
               Vatican  = divining serpent = a khenkhia gulpi 

Tua hi-a Vatican  pen a khenkhia gulpi biakna mun zong kici thei hi.Tulaitak leitungbup ah catholic pawlpi mi awm 1200 pha in a tampen nihna hi.Hih Catholic Pawlpi tawh kisai a kicing zaw a,a simnuam te in AntiChrist Khanggui na sim ta un.
    
  2. Hinduism;Hindu biakna in tu khanghun a om biaknate lakah a om masa pen  hi-in leitungbup ah awn 1100 bang pha uh in BC 500-300 kikal hunsung a hong piangkhia ahi hi.

  3. Buddhism; Hih Buddha biakna in BC 560-480 kikal hunsung in Gautama Buddha in hong muhkhiat biakna hi-in tulaitak leitungbup ah Buddhish biakna azui mi awn 488 bang om in a tampen lina hi.

4. Shintoism; Shinto pen Japan biakna hi-in awn 100 bang pha hi.
5.Sikkhism; India gam Sikh minam te biakna hi-in awn 28 pha hi.
6. Judaism;Hih Judaism pen awn 14 pha in Zionism tawh ki banglo a tuam tuak uh hi.

            Muslim / Islam zong kici
   
       Hih Muslim biakna pen khuamial hun [Dark Age] hun sung in Vatican in amau thu amanglo Christian te leh Jew te a thahmang theihna ding uh-a hong bawltawm uh biakna ahi hi.Banghang hiam cih leh Vatican in Jerusalem a deih mahmah hangin Jews te in na pialo hi.Khuamial hun sungin Catholic Pawlpi in thu nei mahmah uh hi;ahi zong in N America lam panin Christian tatak te in lungdamna thu gen ziahziah uh ahihman un hih mite a suksiat theihna dinguh lampi hong zonzon uh ciangin  N Africa gam a om bangmah a theilo mi honpi te zang in tua Christiante leh Jewste  bawlsia sak ding  that maimang sak ding tua ciangin Jerusalem khuapi ngahthei ding hi hang cih hong mukhiat uh ciangin kum 43 a pha,a hau mahmah geigongnu Khadijah leh kum 28 apha Mohammed hong ki teng sak uh a,Catholic upna sungah a khauh mahmah Khadijah sanggampa ahi Waraquah leh Catholic siampi ahi St Augustine te in kum nga sungbang tentan a piakkhit uh ciangin Mohammed kam sanna hong kipan thei ahi hi.St Augustine in Laisiangtho lui leh a thak sunga thute bangteng hel ding hiam? cih vatican mipilte tawh nakpi takin a endikkhit uh ciangin Mohammed tungah thu hong pia ih Koran laisiangtho hong at khia a,ahi zongin Kamsangpa in Abraham tapa ahi Isac munah Ismael hong guang hi.Mohammed in Muslim galkap honpi a kaihkhop na dingin leh Muslim biakna a ki zelh na dingin Vatican in sum leh paai tawh huh hi.
      AD 637 ciangin Mohammedan Muslim galkapte in Jerusalem khuapi hong laakuh ciangin Vatican in tun i deih ngah hangei ci-in nuam mahmah uh a,Jerusalem khuapi Vatican khut sungah tun hong ap ta vuau leh ci-in a va ngetsak ciangin na pialo uh hi.Banghang hiam cih leh Abraham in Isac biakpiakna a,a piakna munah Solomon in Jerusalem biakinnpi hong lam a,AD 70 kum in tua biakinnpi ki susia hi.Hih biakinnpi a dinna mun mahah Jewste in biakinn hong lam uh a,Muslimte in Jerusalem hong laakuh ciangin Arab mite pupi uh ahi Abraham in Ismael biakpiakna a,a piakna munah biakna tau honglam uh hi.Tua hi-a Jerusalem khuapi pen hih biakna thumte in unau belkang kituh banga nekhawm zangkhawm cih bang om theilo in a kituh den uh ahi hi.
        Muslimte in Jerusalem khuapi hong piaknoploh uh ciangin Pope te hong heh mahmah uh-a,hih abawlsa  ahi Muslim galkapte tawh kido dingin galkap hong khawmkhawm uh a, Crusade gal ci-in kum zalom 11,12,13 kum zathum huamin Crusade gal giatvei hong do uh hi.

     Catholic upna leh Muslim upna Etkakna

1. Catholic phungzi /siampi te in naupang pasal note buan uh a,Muslim te in numei no kum kua a phaknak leh tenpih thei uh hi.
2. Catholic pawlpi sungah numeite thuneihna omlo a,Muslimte in a zi leh a tanute uh a thah uh ciangin honor killing ciin thupha bawl bangin ki gen uh hi.
3. Catholic pawlpi in ahoih apha sepna tawh gupna ki ngah hi ciin hilh uh a,Muslim te in zong sepna hang tawh gupna kingah hi ci in hilh uh hi.
4.Catholic pawlpi in hell meikuang sungah a tawntungin bawlsiatna thuak ding hi ciin hilh uh a,Muslimte in zong hell meikhuang sungah tawntung gimna thuak ding hi ciin hilh uh hi.
5.Catholic pawlpi in biakna tawh kisai nate awk in silhding hi ciin hilh uh a, Muslimte in zong biakna tawh kisai nikten puansilh leh lukhu te khu ding hi ciin hilh uh hi.
6.Catholic pawl in Mary biak ding hilh uh a,Koran laisiangtho sungah Mary min 34 vei kigelh hi.
7.Catholic pawlpi in Mary tungah thungen uh a, Muslimte in zong Mary min suangin thungen uh hi.
8.Catholic pawlpi in Mary nuntakzia etteh ding hi ciin hilh uh a,Muslimte in zong Mary bangin a siangtho in nungta ding hi ciin hilh uh hi.Mary in ta li bang a neihhangin nungak siangtho mah hi ciin in hilh uh hi.
9.Pope John Paul II in March 12/2000 ni in Catholic pawlpi in Jews te leh Christian te kum 1260 sung that in bawlsia hi ciin mawh pulakna nei a,Muslimte in zong 2009 kum in Christian te  165000 that in adang 173000 bawlsia uh a,tuni dong in tatsatlo in amaute a bawlnu Rome pawlpi khutzat in om uh hi.
10.Galpi nihna lai in Rome pawlpi in Hittler zangin Jews te leh Christiante awn guk val that uh a,Muslimte in tuni dongin Jews te leh Christian te that in bawlsia uh hi.Hih Muslimte awn 1600 pha in Catholic sangin tamzaw uh hi.Catholic leh Protestant teng ki gawm  leh awn 2200 pha a,Christian a tam pen suak hi.

      Sapi Kamsung pan
 
        Laisiangtho sungah sapi ngabek om hi.Dan 7 sunga sapi li te

1. Humpinelkai - Babylon
2.Vompi            -Medo-Persia
3.Kamkei          -Greece
4.A kihtakhuai sapi-Rome
Dan7:17 Hih sapi li te pen leitung panin hong khangkhia ding kumpi gam li ahi hi.
 5. A ngana sapi pen Mang 13:11 a 
    Tuno banga ki nih nei - USA 
  Hih sapi nga teng simloh Laisiangtho sungah sapi dang omlo hi.A mau deih zah a cintheihna dingin sapi 8 aphasak zong ki om hi.Tua hi-a hih sapi ngate kamsungpan in hong pusuak ahi ni biakna Shamash,Apollo leh Jupiter biakna te in sapi kamsung pan hong pusuak ahi hi.Hih sapi ngate tawh kisai a kicing zaw in na simnop leh AntiChrist Khanggui na sim in.
           Amanlo Kamsang Kamsungpan

John 8:32 Ka thuhilhna te na zuihpaisuak nak uh leh ka nungzui taktak te na hi ding uh hi.
Matt 28:20 Note tungah konggen thute khempeuh a zuihna dingun nahilh ta un.
Isaiah 8:20 To the law and to the testimony:if they speak not according to this word,it is because there is no light in them.Pasian thukham leh Jesuh tecipanna bangin agen kei leh amau sungah thuman omlo hi.
                      Hih Laisiangtho te pan in kamsang man ahih leh Jesuh thuhilhna te a nisim nuntakna ah a zuimi ahih kul a,Pasian thukham leh Jesuh tecipanna te a let kul tuak hi.Tuabang hilo a,gupna thu a puatham tengbek zuiin Pasian thupiak te a nawlkhin leh kamsang manlo
hi pah hi.
Mangmuhna 16:14,16 Tua khate in Armageddon a kici munah Pasian ni hongtun ciangin gal a do dingin leitung gam khempeuh a kai khawm hi ci hi.Tu hunnung New World Order sungah no biakna ko biakna cih om lo,no pawl ko pawl cih omlo khat leh khat itna tawh khut kilen in kalsuan ding cihpen mi khempeuh in lunggulh pen in neita hi.Ei adventist pawlpi mite sungah zong hih ki kaihkhopna ki pawlkhopna hoih a sa a lunggulh kitam simsim ta hi.Nang Satan teelzaw ding maw Pasian teelzaw ding,leitung tawh ki pawlkhop ding teel zaw ding maw Pasian deihna teel zaw ding.
                                                                                         

 "Ka thuhilhna te na zuih paisuak nak uh leh 

 ka nungzui taktakte na hiding uh hi.Tua ciangin 

 thuman na theiding uh a,tua thuman in note 

 hong suaktasak ding hi. John 8:32 
  


   Vatican Encik Pawl 
 


Comments




Leave a Reply