WWW.TUNGZANGNEWS.COM

TUNGZANG NEWS
 
Chennai  ah ka Sang kah lai-in Awareness of Mass Media cih Subject khat in ka sinkha uh hi. Hong hilh pen Aoa Naga te Lima kici pasal khat hi-a, amah pen Makokchung, Nagaland panin khangkhia hi. Hih subject pen ka sinma un, bang mah thei nailolua ka hih manin hih thu pen banga kimang peumah ding ahi hiam, koi mun ah kizangh peuhmah ding ahi hiam kaci khol tanzen hi. Munailo in lungkhamkhol, hehkhol hita zen ing. Kawlgam Sang kahlai, Siate in zong, hih kammal hong zatlam uh ka zangei hetkei hi.




Tualam tamgen dahni-in I thululam paileng, nikhat niteh hih Subject sinding ka kipan ngawngawta uh hi. Siapa pen  mangpau a awsuah pen hoihlua hetlo napi in lai mi mahmah leh laihilh zong siam mahmah hi. Lai hong hilh toto, MEDIA  thu hong genta Media I cih bang? Kuamah a dawngthei omlo, kamka kawm a ki en guaguatek,  tuateh Siapa in Media I cih tak ciangin thuthak ki zakna, TV, Phone, INTERNET leh etc, ki hel hi, hong cihteh wow!ci-in ka lawp semsem uh hi.




Tua ahih manin Media ah thu khat peuh nagen nasuah ciangin hong ki kuppih thei hi. Hong ki dongh kik thei hi. Ngaihsutna muhna ki banglo ahih manin hong ki kuppih dan zong ki banglo thei ding hi. Hong dawndan uh zong, na lungsim tawh ki tuaklo in hong ki dawngbakh khathei ding hi. Na heh na dingin zongh hong kici khathei ding hi. Tuate khempeuh lungduai tak-in na thuak zawh, na hilhcian kik zawh or nop, kei a, hehna ding peuh leh hong kuppihte muhdah nading peuh in naneihding uh leh MEDIA naseplam ki pandah un, hong cih pen tu hunteh ka phawk kik sansan hi.




Tuhun eimi sungah Media lam nasemte leh, a uk te’n zong limtak zangh theileng, zuitheileng I minam sungah khantoh na tampi thu le la bek hilo, I nuntak khuasakzia nangawn hong ki lamdang sakding hi. Tulai Democracy gamte ah Kumpi kitel ciangin zong MEDIA lam a hatte mah in panmun ngahzaw uh hi. A thugen uh lutzaw uh hi. US President Obama leh tulaitak India Priminister Naranda Moodi te zong, a Party te uh Media lam ahat manun panmun ngah aci zongh om hi. Ka um hi. 




Nungkum New Delhi ah BJP Party te’n Eve Christmas Northeast lamteng hong bawlpih uh hi. Ka lawmte khat BJP Party khat ah kihelkha ahih manin BUS pi khat tawh eilam mite hong dawn a, seppih Zomi Innkuan makaite leh biakna makai pawlkhat zong hong ki helding, hong cihsa uh hipapi un, BUS hong tunteh ami ding om mello a, naupang pawkkhat ka zot leh mi 6 kapha uh hi. Tua ni bel mi 6 BUS pi khat ah tuang himawk ungei. Zogam Mawtawte bang phawkliang hang! Amau pen nidangin Christian te bawlsia a minthang mahmah khat  ahi uh hi. Tua manin tawlpi khat guallel den uh hi. 




A mau zong a kalsuan dan uh laih in, Christian te limbawl uh in a policy uh leh a nasep sate uh MEDIA ah suah ziahziah uh hi. I theihsa mah bangin tukum India gambup PM kitelna ah BJP Party te'n ngah lawh uh hi. Tulai Zomi Media lam a uk te’n bangci danin I gam leh I minam a dingin na I sepsawm hiam? Media nasep neu ngaihsut kei in.

Khaibawi




-- 
 


Comments




Leave a Reply