WWW.TUNGZANGNEWS.COM

TUNGZANG NEWS
 
Picture


Quality or Quantity (Ta tamneih leh tawmneih thu) dawng kik na!
Dear Zomi pih teng,
 
Zomidaily tung a, lai ki at "Quality or Quantity (Ta tamneih leh tawmneih thu)" pen Pasian thu tawh ki tuak lo leh minam a ding in thu hoih lo hong gen na hih man in hong thuk kik ing. Na thu gen khen 3 hong dawng ing. 1. Pasian thu tawh 2. UN Aid Officer te vai 3.Pilna leh ta tam neih vai.
 
 Mimal ki dawng na hi lo a, a thu hoih tak ngaih sut kik ding dieh na tawh kong at hi.
 
1. Pasian thu tawh Laisiangtho sung a Pasian in thupha a piak ciang in "phung in khang in" ci pen a thupi pen khat a hih lam ki mu thei hi. Pasian in "Abraham" bang ci in thupha pia hiam? Adam bang ci in thupha pia hiam? Na thu ngen te bang laisiangtho siksan a a ngen na hiam?
 
2. UN Aid Officer te vai UN (AID) officer na cih ten a ip sung pan hong piak hi peuh mah lo a, UN te piak a hawm sawm uh hi. Tua bang a, na mipih a phun san te na mai zum pih sang (na na sak mah mah leh), ni dang ciang tua bang a a ko nawm loh na ding na ngen sak zaw le cin. Na mai zum pih sang na pan pih zaw le cin. Tua bang a pau leh tung siah a khia leng a nasep tan lawh zaw ding hi. Mi hak sa te hun nuam lo a, a phun san ten NGO/UN khawng na, na sem kei zaw le uh ai ve. A mau ip sung pan a piak lah hi lo in phun san nuam zaw lai. Hi bang te a huh nuam gam/mipi te a om man a, a mau na sep a ngah a hi lam na tel sak zaw in. Officer te khinag ah "If you can't help, please kindly say so but please do not judge on my people" na ci ngam zaw in.
UN (Aid) ten huh na hong piak man a ta ki nei zong hi pah lo a, tanei te huh na pia thei ci a hih mah in huh na ki gen hi zaw ding hi. Huh na om kei leh zong ki nei ve ve lel ding hi.
 
3.Pilna leh ta tam neih vai Ka pa te u nau 7 pha hi. Ka pi bek tawh om khawm uh a, pattah lah peuh mah lo hi. Ka Pa Lai bang pen tu ma kum 40 val lai pek in gam dang ah State Scholarship tawh Master dong mah tun zo ve ve hi. A mau hun lai in, zomi sung bek hi lo in, kawlgam a ding na ngawn in mipil sung a ki hel zo ding hi. A mau ta 5 pasian in thupha pia a, pattah lah peuh mah lo hi. Ka pa pi in ta 9 nei a, pattah zawh lo ci bang om tuan peuh mah lo hi. Ko u nau zong a nung ta lai 6 pha ung. U nau ka tam man un, ka nu ka pa ing hong pattah lah tuan kei. Ta tawm nei te nuai ah zong om tuan peuh ma kei ung. Tampi ngen leng a ki phat phat tawh ki bang ding a hih ciang, tua teng tawh ki tel lel in um ing. A tam ciang quality hoih lo in a tawm ciang quality hoih ci bang pen mun khem peuh ah ki zang thei tawn tung lo hi. Lam khat pan pattah lah lo cih sang, pasian ki pattah sak ci ding hi zaw sa ing.
Hong piang sak Pasian a hih lam tel sak ding thupi bek a, tawm man in ki pil tuam lo a, tam man in zong ki hai zen zen lo hi.
 
Tatawm nei te mawh sak ding hi lo a, a hi zong ta tam nei te va ko ko ding hi peuh mah lo hi.
 
Lai at,
Mungsen
 


Comments




Leave a Reply