WWW.TUNGZANGNEWS.COM

TUNGZANG NEWS
 
 KA PHUUTKHAAK NGEI THU (1).


Kum 7. mi kahih lai ka nu tawh ko'geel bek ka omni uh sunkhat....,ka lungsim a ka ngaihsut sut thukhat kakam pan hong gingkhia mawk a...." Songput,song put " kacih leh, ciangduai khattawi in ka nu kakiang ah hongpai a...,phunlo paulo deihpha takin ka taw thumvei hongsat khitteh phunlo paulo mah in paikhia kik hi.
Nalua sa kahih manin silent taktawh vibration in ka kidiik hi.Ahi zongin tua laitak hunin, ka nu hong satna ahang' (aziak) ka ngaihsun zo pakkei hi

Tuahun laitak in kakhua vuah kamkhel nono phuahtawm asiam mahmah ka puno "SongPau" acih khat om hi.Tua ka puno in ka U nungakte'min asap ciangin ka U "Ciinbawi" pen "Cibeel" cise in,ka U "Vungbawi" pen "Veihbung" cise mawk hi.Kei pen naupang cihtak ka U te aitaang in heh giugiau denpong kahih manin, tua ka puno honghawh kik teh ka  U te' taangin "SongPau" cihpen ka bangci sap tam?......cih ka ngaihsut sut leh kakam pan "Songput,songput" cih a naging khiakha khialkhong ahi hi.
Tuani a ka nu hongsat na thu ka theihloh hangin "Songput" cih pen amau behmin, ka Pute' behmin na nahi hi.Ka nu lungsim ding ka ngaihsut sakkik teh "Lei a khaang nailo naupang muksi, pian'na Pute' behmin khawng lou loding" aci hiding in ngaihsut sak ing. Ahi zongin atua hunlai in behmin ahih lam zong ka thei peuhmah kei hi.Ka nu' kiangah zong phunlo paulo hongsat na ahang'....tuni dong akidong nai...nawnlo suak hi.
Khanglui te'n zong naupang note'n anu apa'min alawh ding phallo uh hi.Sia Kam Khua Thang bel a tute'n:"KamKhuaThang aw..."cileh pakta mahmah,nuam mahmah kici hiven.

MunKhai'pa.
KL,Mlsia.
 


Comments




Leave a Reply