WWW.TUNGZANGNEWS.COM

TUNGZANG NEWS
 
Khenpi (1)
Vantung Thukham Ahi, Na Hoih Bawlnopna Leh, A Ngimna



Pasian Leh A Naseppihte



“Na neihsate leh na anpalte tawh Topa zahtak in. Tua hileh, na ansalte an tawh kidim dinga, na beel dimleetin lenggahzu na nei ding hi.”(Paunak 3:9,10).



“Mi pawlkhatin sum zang ziahziah napi-in hau semsem a, mi pawlkhat cil mahmah napi zawng semsem hi. A cingh mite hau semsem dinga, mi dang a huhte in huhna mah ngahkik ding hi.” (Paunak 11:24,25).



“Ahih hangin mipi lungsim a nei mi in, na a hoihte geel a, thuhoih nate-ah a pang hi.” (Isaiah 32:8).



Pasian in, gupkhiatna a gelna-ah, sepkhiatna leh thuhkikna thukhunte na bawl a, hamphat nading  nasep leh thupha namkim a thuapin ngah uh hi. Mizawng huhna in, mi’ hamphat nadinga sem bek hi lo-in, ama thuphasan nading zong ahi hi.



Lungdamna Thu ii Vangliatna




Mite tungah thupha bawlnopna a manthan loh nadingin, i Honpa in Amah tawh nasem khawm dingin hong teel hi. Mihingte’ huh kisam lo-in, Pasian in na khempeuh sem thei hi. Ahi zongin, hih nasepna-ah kihel kei lehang, ei leitung mite’n lungnopna kingah lo ding hi.




Mihingte’ tungah deihsakna a hat theih nading, piakkhiatnopna lungsim a kineih theih tawntung nadingin, mizawngte zong huhna nasepna-ah hong kihel sak ahi hi. A kisia hih leitunga om, a kisia ding mihingte’ tungah i siamna leh i neihsa tawh huzap in thumaan a kihilh ding hi. Mite’ hamphat nading, i sepkhiatna tawh Zeisu’ thuak gimna, haksatnate kilang sak ding hi. Piakkhiatna tawh mite’ tungah thupha tung sak ni. Hih in a maan hauhna hong ngahsak ding hi.




Mawhna sung’ a si ding mite’ tungah thupha i bawl manin, a manpha mahmah Zeisu ii limlemel a kilang sak i hi hi. Hih nasep pen vantung pek pan hong kipan ahi hi. Pasian in mihingte hong itzia kuama telkhialh loh ding zahin hong lak khin hi. “Pasian in A Tapa khat bek a piak dongin leitung mite a it hi. Tua Tapa a um mi khempeuhte in kisia lo a nuntak tawntungna a ngah nading uh ahi hi.” (Zawhang 3:16). Pasian in a it, a Tapa khat neih sun hong piakkhiatna tawh leitung mite hong itna hong lak hi. Bangmah itsiit het lo a piakkhiatna tawh mihingte’ gup ngah nading na hong sem khia hi.




Phaltak a piakkhiatnopna lungsim in, Pasian’ lungsimpuak ahi hi.  Singlamteh tungah hong itna hong lak hi. Mihingte’ gupngah nadingin a neih khempeuh hong piakhia hi. A tawpna-ah a pumpi mahmah hong ki-ap hi. Zeisu singlamteh in thu-um mite lungtang sungah piakkhiatnopna lungsim hongnei sak hi. Hong lahkhiat a thupi pen in piakkhiatna ahi hi.

Hih in Christiante’ gah ahi hi. Leitung lungsim in angsung khualna hi a, tuatawh lungkim uh hi. Ahi zongin a tawpna-ah, lunggimna leh sihna dong paipih ding hi.




Zeisu’ singlamteh in angsung khualna si sakin, phal tak a piakkhiatnopna hing sak hi. Piakkhiat ding bek gengen ci-in phun nawn lo ding hi. Pasian in a mite a kisawl bang bek a, a sem ding sangin a zaizaw a, a sem dingin hong sam hi. Hih leitung mihingte khuamial gamtat tawh a kidim laitakin, ciangtan nei lo sepnopna tawh a sem dingin Pasian in hong sam hi. Pasian’ tate tampitak in leitung tawh kipawl gamtatna leh hazatna lungsim tawh kidim khin ta hi. Mite’ phattuam nang bawl ding thu amau mai-ah i lah zawh kei leh Pasian deih nunzia-ah kikhel zo lo ding uh hi.



Neihsakem Dinmun ii Thupha Ngah Dingte




Topa in a nungzuite’ kiangah, “Note leitung khempeuhah vak kawikawi unla, mi khempeuh lungdamna thu nahilh un” a cih pen, mi khempeuh in a itna thu a theih nading a deihna ahi hi. Pawlkhatte in lungdamna thu tangko dinga a pai laitak un, nasep a kizawh mengmeng nadingin mite’ tungah huhna sum ngen uh hi. Mawhnei mite’n gupna thupha a san theih nading Topa’ kiangpan hong pai thuphate ei leh ei, khat leh khat hong kihawm sak hi. A kisam sum khempeuh zong mihingte’ khut sung mahah kemsak hi. Hi banga mihingte hong zatna in Pasian nasepzia khat ahi hi. Hih gupkhiatna nasep mihingte’n i sep ding ahi hi. Banghang hiam cih leh mihingte khat leh khat kihehpih a, hih zawh zah tawh i kihuh ding Topa’ deihna ahi hi.

Pasian’ khut vanglian in na hoih khempeuh leitungah a koih na tawh leitung mihingte hong itna hong lak hi. Mizawngte zong Topa’ aa mah ahi hi. Lungdamnathu Pasian in pia hi. Leitung a kham leh nguun te zong Pasian aa ahi hi. Pasian in kisam sa hi leh vantung panin zong kham leh nguun guah bangin hong zu sak thei hi. Ahi zongin tua bangin hih lo a, ei leitung mite mah neihsakem (steward) in hong zanga, leitung sum, kham leh nguunte hong ap hi. I khut sunga Topa’ hong kep sak leitung sum, kham leh nguun  te ei aading bek a kep tentan ding hi lo a, mi dangte’ hamphat nading leh noptuam nading a i zatding ahi hi. Pasian in a thuphate mihing tungtawn in leitungah hawm khia sak hi. Mihing khempeuh in, ei angsung bek kikhual ding hi lo a, i biak Topa Pasian tawh i kibat theih nadingin mite’ noptuam nading sepkhiatnopna lungsim i neih ding hong deih hi. A tawpna-ah Zeisu ii a tawntung hehpihna a kidim letsong i ngah nadingin Pasian in piakkhiat nasep ei aading hong gelsak ahi hi.




Singlamteh Kimkotah Kimuh Khopna




Calvary mualtung a hong lah khiat tawntung itna i hingkik sak ding hi. Thathak lakik ding hanga, pawlpi sungah i kizeel sak ding hi. Topa Zeisu in leitung a hong lahkhiat gamtat siangthote i hih zawhzah in lak khia ding hi lo i hi hiam? Tua mah bangin mite’ hamphat nading bawlna zong zekai lo tak in i hih zawhzah i hanciam ding hi lo ahi hiam? Zeisu in nang aading a nuntakna hong pia a, singlamteh tungah hong sih na muh laitak in, na lungsim kongkhak khauh takin khak a, ke’n bangmah ka pia zo kei ding hi cici laiding na hi hiam?




Zeisu a um khempeuh in Ama hong itna thu kiptak len ni. Tua itna in mi khempeuh Ama singlamteh gei-ah hong kai lel ding hi. Tua itna in angsung khualna lungsim hong paaikhia sak dinga, singlamteh phungah pum khat hong suaksak ding hi.



Angsung khualna, a nusia lungsim tawh Calvary singlamteh phungah kimu ni. A hoihpen dinmun na tun nadingin na hanciam leh Pasian in nang thupha hong pia ding hi. Pasian’ hehpihna tokhom mai-ah na naih a leh mawh nei mite mawhna dumkhuk sung pan kaihkhiat nading vantung pan hong kikhia suk kham khauzang tawh nang zong hong kihen khawm, na mu ding hi. Tua tak ciangin nang ii itna lungsim in leitunga om Pasian’ itna a thei nai lo, lametna a nei nai lo na sanggamte’ kiangah a tung ding hi.




Neihsa Kepzia (Counsel on Stewardship - EGWhite) - by Pr. Kai Khan Khual  




http://myanmar3am.org/zom/ellen-g-white-2/books/

 


Comments




Leave a Reply