WWW.TUNGZANGNEWS.COM

TUNGZANG NEWS
 
A Bit Lungsim Siangtho

India gam suahtakna puppi Gandhi in "Ka lungsim pen mite in a khe ninpi uh tawh hong sik-in, lampi a hong zat dinguh ka phal het kei hi" cih khat gen ngei hi.

Khat veivei I lungsim sungah itna deihsakna tawh kidimin, lungsim siangtho tak I nungtak sawm laitak, mi pawl khatte in a kihhuai, a kheltat gamtatna, ngaihsunna gilo pawl khat tawh hong kihawlhthawhin, tua a siangtho I lungsim hong nin liakluak sak thei zel mawk hi.

Tua a hih ciangin, mi dangte ginak lohna peuh tawh kihehsuah sak kha kei in.

Mi dangte khelbawlna lel tawh na lungsim so sak se kei in.

Mi dangte zahpihna, elbawlnate tawh na lungsim zawngkhal sak kei in.

Mi dangte nenniamna, neusakna peuh tawh na lungkia kha sak het kei in.

A tawpna ah mi picing mel lote in, hong bawlsia-in a khe uh tawh hong tuancil phial ta le uh, I lungsim siangtho pen nin sak tuan se kei lel le-hang, leitungah kisuakta-in, nuntak nuam ngutngut ding I hi hi.

Khat Thang

 


Comments




Leave a Reply