WWW.TUNGZANGNEWS.COM

TUNGZANG NEWS
 
Khuak Sawpna Kammal Pawl Khat

Nang le nang mi dang kuamah tawh kiteh kak kha het kei in.  Tua bangin na kitehkak leh nang le nang aki simmawh na hi lel ding hi.

Tawhtang om lo tawhbu kibawl ngei lo hi. Tua mah bangin Pasian in zong a kihong zo lo ding kong khak hong bawl sak lo hi. Aki phu zo lo ding haksatna hong guan lo hi.

Gual zawhna a ngah kha ngei mite in gentheih haksatna tangthu khat ciat nei hamtang uh hi. Tua mah bangin gentheih haksatna tuamtaumte abei khitteh gualzawhna tawh tangthu kikhop pelmawh hi.

Na lungzin hun laitakin leitung in nang hong nuih san hi. Na lungdam hun in zong nuih mai in hong en gige hi. Mi dangte lungdamna ding na sep sak ciangin ahih leh leitung in nang pen zahtakna hong pia hi.

A ol lua keii thu khat pen mi dangte mawhna ding zon sak ahi hi. A haksa mahmah khat ahih leh ei le ei I mawhna a maan tatak a I kimuh ding haksa kisa hi.

Hun beisa-a, khialhnate kuamah in va kilehkik in a hoih ding va bawlpha thei lo hi. Ahi zongin thumaan thu hoih hong pian na ding tu mahmahin mimal kim in kipanin I sem thei ciat hi.

Na dongtuah na thu khat akibawl thei ding thu ahih nak leh lung himawh tengtung kul se lo hi. A kibawl thei nawn lo ding thu ahih zenzen leh zong na lung hihmawh hang bang pha tuam ding aa?

Na tuahphat na ding thu khat na khah suah khak leh dahin kap kha kei in aw, na khi-tui in a dang tuahphat theihna ding lampite liah kha ding hi.

Na mai puak kikhelna (changing the face) in kikhelna bang mah piang sak zo lo ding hi. Ahih hang, Kikhelna mai nawtin phu leteh (facing the change) tua in na khempeuh hong kikhel sak hanhan ding hi.

Mi dangte thu awlmawh luain phunphun se kei in, na lung nop hithiat ding na ut leh nang mahmah kipuahpha ziau lel in.

Khialhna I bawl khakte in hong lunggim sakin I lungsim hong na sak hi. Hun hong paipai leh a sawtsawt teh tua khialna I bawlkhakte hong kigawmgawm ding a, gual zawhna ah hong paipih lamlakte hong suak ding hi.

Tuahsiat hun ciangin hangsan ding kisam a, Tuah phat hun ciangin dai hithiat-a om siam ding kisam hi.

Kham (gold) pen kizepna ding van hoih hong suah theihna dingin mei sa mahmah piak kul hi. Nakpitak a kikaikai sumngote ahih leh mei khau hong piang hi. Tu-zum, sek-zum, sekkhu-zum tawh a kisui sui suangtomte ahih leh lim hoih nono hong piang hi. Nuntakna I cih zong tua bangmah hi-a, gentheih haksatna thuak khak, phut khak tam semsem leh nuntakna man nei semsem cihna hi lel hi.

Khat Thang

 


Comments




Leave a Reply