WWW.TUNGZANGNEWS.COM

TUNGZANG NEWS
 
Uiphuk Nih

Guah ciin ni khat, Uiphuk honpite kikaikhawm-in nuamsa lua hi dinguh hiven guah tui amm-in khual hong zin uh hi. Mual no khat le khat kikal hong kantan khawmuh hi. Tua leh lam-et lohpi-in amai pen-a pai, uiphuk nih guam thuk sung khatah hong kia citciat uh hi. Guam thuk sim ahih manin uiphuk honte in alawm nihte hong diangtokik zong lo dingin lam-en ahih manun "no gel guam sungah si suak lel un hong kahtokik zo peuhmah lo ding hi-uh teh" cih san ngeingai uh hi.

Ahizongin, guam sung-a uiphuk nihte pen hanciam-in hong diangto teitei uh hi. Uiphuk honpite in acih ngei-sa bangun "gim leluh teh, diangdiang se dah un" ci in awtsan lai uh hi. Guam sung-a uiphuk khat zong thasanin a dian leh hong suakta dektak hinapi uiphuak honte in, "lawnglawng teh a suakta zo ding kisa na hiam? A si ding veve guam sungah si suak lel in" ci-in awtsan uh ahih manin tua uiphuk khat zong tha bei-in guam sungah hong si ta hi.

A cian lai uiphuk khat zong hanciamin guam sung pan hong diangto zel-a, guam tung pan uiphuk honpite in a cih ngei bang-un "na lawmpa tawh si khawm lel in, suakta kei ni teh" cih san zaihzaih mawk uh hi. Aizong'n, guam sung-a uiphuk in hanciamin hong dian tohtoh leh hong suakta petpet hi.

Uiphuk honpiteng zong alawmuh hong naih ngeingai-in, "kalaisai! ko nang zong lawmpa khat dan-a guam sungah si lel ding kong sak uh hiven, A tung pan kong awtsan ngeingai uh za kha lo na hi maw?" a cih uh leh,

A suakta uiphuk in zong "Kei ka bil in khuaza thei lo hiven, No tengin atung pan thapia-a nong kiko zaihzaihuh ciang thangah gawp in deihtak kong diantoh leh hong suak ta hing, nong thapiakna uh ka lungdam mahmah" cih san hi.

Atatakin, eite I nuntak khuasakna-ah, ih khantophna dingin nasep buai, gimletawl thei lo bang phialin kalsuanin i hanciam laitak, kimlepam pan-a gensiatna, zahpihna, khaktanna, elbawlna, engkona cih bangte tampitak I tuak kha thei ding hi. Tua bang hun ciangin abengngong (khuaza thei lo) bangin I om theih ding zong kisam mai ding hi. Kimlepam' gensiatna a awlmawh se lote pen gualzawhna tawh kinaih semsem cih phawk ni. Ngimna le tupna kician nei peuh leng I kim, I pam-a ging ziazua khempeuh thathak ngahna hong suak lel ding hi. Lungdam!

Khat Thang


-- 
 


Comments




Leave a Reply