WWW.TUNGZANGNEWS.COM

TUNGZANG NEWS
 
666 pen mikim in lipkhap

Malsim Alungluut Sanggamte,

Suunmang' Suutna dik-hiam ensuk pak lehang:

Khrist

K=151

H=200

R= 80

I =   1

S=  70

T=164

___

666

___

__._

"K"-pen Zomite bek-in azangh hive-aw. Greek-ah Χριστός (Christos) hi-in Hebrews-ah מָשִׁיחַ 

 (Messiah or Mashiach) hiven. Latin translation-ah Christus/Cristus zangh uh-a, Modern English-ah Christ zangh-uh ahihteh Roman malsimna-tawh C = 100 hi-in, 151 hilo sese cilehang, I' deihkaih khadiam ci-nuam sim ing-e.T-pen Latin Abbr-ah ka' etleh 160 hiven, 164 hilo sese hive-aw.  

Ataktak-in, John' Mangmuhna (Revelation) Lai Siangtho sung-ah "sapi malsim 666 (number of the beast)-pen malsim (number) agenna hipah ngangngang khollo ding-a, Israel mite' Ngeina-ah unlucky/ill-luck number-a aseh-uh malsim thumvei-tak kithuap cihna hilel khading-hi. Thumvei kithuap ahihman-in "lungpil peuhmah-in tuat tahen" aci ahihi.

Pope' lukhu tung-a Vicarius Fili Dei (Representative of the Son of God)-zong Roman malsimna-tawh akisuut ciang-in 666 suak cih ahizong-in, Ellen Gould White-zong Roman malsim-tawh 666 suakthei cih ahizong-in, malsim-tawh abuai, amanlah, alunghimawh kawmkawm ki-om baan-ahKhrist-zong 666 hong kicih pheiphei ciang-in "akuul khollo teng-tawh kibuai-kha ahidiam" ci-in hong kuppih pong hi'ng.

Israel minam adiak-in Hebrews te' ngeina-ah thupha malsim leh thusia malsim nei uh-a, thupha-ah 7 hi-in, thusia-ah 6 ahihi. Seente (Chinese) te' thupha malsim-pen 8 cihbang-in minam honkhat-in amau' deihciat la-in ngeina-in nei uhhi. Malsim-pen Greek te deuhdeuh-in sil meelcikna code-in naakzat mahmah-a, tua akila kawmkawm-zong ahihi.

John' Mangmuhna sung-ah 666 agen-pen Roman malsim-tawh tuat ding-a sawlna omlo-a, "lungpil peuhmah-in tuat tahen" ci-hi. Roman, Greek, Hebrews, Aramaic, English te' lak-ah akuate' malsim-tawh tuatding cihte hilo zawding-hi. Pulaaksa mahbang-in John' Mangmuhna-ah siatna vive thumvei-tak akithuap hi-a, Pasian' langpang (sapi minpua mi thupi mahmah)-in siatna tung-ah azah thum-a siatna-tawh kidim sapi/miliancihna hizaw khading-in kei' tuatna ahihi.

Χριστός ahihkeileh מָשִׁיחַ ahihkeileh Christus ahihkeileh Christ ahihkeilehKhazih-pen "siatna tung-ah azah thum-a siatna-tawh kidim" hetlo thamlo-in, "Hoihna tung-ah azah genzawhloh-a hoihna-tawh akidim" Pasian ahihman-in blasphemy akici Pasian zahkona/zahpihna/niinbawlna/thaangbawlna gamtat kampau peuhmah ahihtheih laaiteng I-pelh theihtuam khaakleh ci-in hong kitaaklah kahihi.

"The LORD, who rules and protects Israel, the LORD Almighty, has this to say: 'I am the First, the Last, the only God; there is no other god but me" (Isaiah 44.6). 

"Listen!" says JESUS. "I am coming soon! I will bring my rewards with me, to give to each one according to what he has done. I am the First and the Last, the Beginning and the End" (Revelation 22. 12-13). 

So be it. Come, Lord Jesus! (says John, and me too).

Zokhai

 


Comments




Leave a Reply