WWW.TUNGZANGNEWS.COM

TUNGZANG NEWS
 
America gam sung akhangto pen leh ten nading ahoih khuapi khat

Ka tenna khua hi sese ahih manin, nong thupuak ken tha ngah in Pasian min phat ingh. US mun tuamtuam pan kizuan in mi tampi khangto/ kibehlap cih ciang' nasep nading mun awng tampi om cihna zong hipah ahih man, zong theih huai thu khat zong ahi hi. Khua hun zong North Texas aa om ahih man Oklahoma State tawh asat hun (Summer Season) in kha thum sung alum dan kibang in Texas mundang anuai lam sang khualum dan kibanglo in noptuam zaw tham hi. A vot hun ciang' Oklahoma tawh kikhai kik leuleu leh vot lualo in kum khat sung vuk (Snow) nikhat bek kia se ahih manin, lampi tung snow kiat hang' (ice) khawng om ngeilo in (School, Office, Factory kikhakna tawm pha mahmah hi.

USA gam sung huihpi (Tornado) kum simsial aom den theihna States te ahi Oklahoma , Arkansas, Mississippi, Kansas States te tawh kinai mahmah ahih tei hang' nidang lai pan tu ciangciang Pasian hehpihna tawh huih sia guahsia ten akimkot pan pelhin mun hoih pen khat ahih manin, Dallas/ Fort Worth International Airport (DFW) vanlengtual naki koih hi ci-in na kigen zong ahi hi. Tua vanleng tual pen ko Fort Worth pan minutes35 bek kipai-in lawmte pawl khat in agenna ah, Tulsa khuapi pan Miami khuapi dong vanlengsap khat veivei US$ 300-400 bang kipia thei in A mun Fort Worth pan lei leng US$70 tawh kituang theih ci hi. Tulsa khuapi pen Fort Worth pan motor tawh nai li leh alang bek kigamla hi. US gam sung mun khat pan mun khat khualzin ih Zomi pih te vanleng (Transit) ding leh (Departure lounge) pan nai tam simsim khawl dingte Fort Worth khuapi aa mel theihte inn Ph set in kidawn (pick up) sak in khawl na'in zong neih theih zel uh ahi hi.

http://www.currentresults.com/Weather-Extremes/US/largest-cities-list.php America gambup (Metropolitan Area) akhangto, amun zai leh mi tampi tenna ah (Dallas-Fort Worth-Arlington area) in alina ah om hi. http://en.wikipedia.org/wiki/Fort_Worth,_Texas America gambup khuapi lian aza asim te lak pan Fort Worth khuapi in a 17 na ah om hi.(Fort Worth is the 17th-largest city in the United States of America and the fifth-largest city in the state of Texas).Tekkakna in gen leng' Ih Zomi te khuapi Tulsa khuapi pen 47th na ah om zong ahi hi.(Tulsa is the second-largest city in the State of Oklahoma and 47th-largest city in the United States. As of July 2013 the population was 398,121, an increase of 6,215 over that reported in the 2010 Census.)

US aa khuapi lian mahmah khat ahi Dallas khuapi tawh Fort Worth-Arlington-Dallas khuapi teng kizom/ kipek suak ahih man zong thupi semsem in Dallas khuapi tawh minutes45 bek gamla zong ahi hi. US kumpi lui term 2tuak asem George H.W Bush leh atapa George W, Bush te pata zong hih (Area) sung tengah nateng uh ahih man kawm in zong ko kimnai teng minthang zawdeuh in ngaihsun kha zel theih ingh. Bush te pata zong namgim khuk neih mihausa ahih mah bangin, Texas gam sung Midland khua bang namgim khuk neih mikang mihausa tam mahmah in Texas State pen State hau ahih man (State Tax) omlo in, adang states te sang vanman kiman/ol zawtham zong ahi hi. Tua banah US gam nisuah nitum, sak leh khang pailet mawtaw lamlianpite (Interstate Highway) asawm bang kituah namun laizangah Fort Worth om ahih man Mexico gam pan hong pai anteh sawlbawk, singgah suanggah man tawm mahmah banah (State Tax) omsaklo sawnsawn ahih man vanman aol/ atawmlo phamawh in ei gambel mite ding in noptuam pha mahmah kisa hi.

Khuapi lian dangte ah (living standard) sanna tawh kizui in innsap ( Apartment) sap tam mahmah in, ko kiangah khuapi ahih tei hang' (3 Bed Rooms) te US$584 bang beh tungin ol mahmah lai cih ding zong ahi hi. Nidang ih neu tunglai pan (Cowboy Movies) ih deih mahmah (Cowboy) te kipatkhiatna khuapi pen Fort Worth khuapi nahi mawk hi, Cowboy te khuapi lui (Ancient City) khat zong Fort Worth khuapi nai'ah om in va ki-en tangtang ahih ban thamlo, Leitung pawi nam tampitak kibawlna (Stadium) amin neih khat zong ahi (Cow Boy Stadium) zong himun san mah na hi hi. Leitung IT lam aminthang mahmah California State aom (Silicon Valley) zong hih (Area) ah kikoih sawm khin ta ahih banah, Michigan State aa GM Motor Company te zong ama uh munah votlua ahih man, kumlang sung nasep tanglamlo sa uh in, Fort Worth leh Dallas kikaal mun hong kituah ding ci hi. Tun zong Company tamlua in nasep tam semsem in nasep khat peuh OT tam pha mahmah in, nipi kaal khat (Tax) piak khit (400-500 leh 1,000) ciang angah den ei mite tam mahmah ta hi. Mun dang States aa nai tha tampi ngah te sang' ko kiang aa nasep la ol Phone leh Factories tuamtuam aa semte (Over Time) nisim nai 2-5 ngah thei ahih man leh Saturday sem den uh ahih man kum khat (Income) hoih theih in, Pasian hehpihna phat aa, mundang lung gulhlo uh zong ahi hi.

Vanleng (Parts) bawlna, Helicopter bawlna, Toyota Company etc.., akipan akiza ngeinailo (Production) tuamtuam kiza in tua teng hang' Pa Do Lian hong-at ahi US aa khuapi teng lak pan Fort Worth peen a khangto peen ci mawk ei. (mimal a cih na hi in teh). Na khua vuah mimal bangzah om (population)  ci in ong ki dong leh na thei dia? A kicing in a nuai aa link ah na en dih ve vua.....http://fortworthtexas.gov/citynews/default.aspx?id=137164  ci'a hong-at na pan ih mipihte ding tenna ding leh azot tak khuapi khat hi ci-in deihsakna takpi tawh Dallas/ Fort Worth, TX thu ka theih sung pan ahoih nathu gending tampitak omlai ta leh tawm khat hong hawmsawn kahi hi. Hong suak ding Zeisu khazih hang' ih ngah hamphatna nam tampi teng banah, lai sim ih mipih te'n noptuamna angah theih nading' hong suak ta hen. Merry Christmas to you all

Kham Khan Suan (Artist Kyaw Kyaw Oo)

 


Comments




Leave a Reply