WWW.TUNGZANGNEWS.COM

TUNGZANG NEWS
 
TEDIM KHUAPI AH ZOM LEULEU NI

December hong tun zawh tu ni sun pen khua hong dam phadeuh in ngaihsun
ingh. Huih hong nung hiauhiau in, khangluite cihna ah, lei hong kiat
ahih manin guah hong zu tam ka cih kawmin van lam ka et teh lah guah
zu dan ding hong hisam lo napi-in khua hong dam peuhmah hi.
Khua hongdam zaw deuh ahikha tam cih kangaihsut kawm in na sepna
khawng pan inn ka ciah pakteh, khua laizang naitaupi kiim ah, Tedim
pau a zanglo kawlpau a tam zat zaw, puansilh zuakte bang, nidang
sangin hong nakot zaw danin ka za aa, tuapen "puan hong lei un na khua
uh dam ding hi", a ci na hi a, kei zong ka lungsim ah, " aw, kei bek
hikeng ee, min zong khua dam na sa ei " ka ci kawmkawm zeel hi.
Hong gen pak leng mundang aa omte a dingin, naupi tau kiim ah maw, no
om lai tawh kibanghet lo ding khat ah, second hand leh hand lo puan
kizuak tam pha mahmah hi ei, khuapi sungah ih pai teh lamgei khawng
aa, kizuakte bang hong phawksak hi. Hih in zong hoh Tedim khuapi hong
thupi sak tuam tawh kibang sa ing. Vanzuak atam zaw lah kawlpau tawh
hin, vandawpna hang tawh kawlpau bang a kisiam lawh ding himai.
Tuni khuadam zawdeuh ka cihcih kawmkawm in nasepna pan tawlnga in inn
lam zuan in an ka nek khit teh zanhal nitak khuazin khit a hong nusia
USA a om Pa Khen Lian Mung nu, Nu Vungsuanman gal in ka pail eh
khuadam kisatek ahih manin, sigal khempeuh in pen puanlum theithei
kisilh tek aa, pumpi neu zawdeuhte bang (keite pawldan) kigoltuam
liangin puanlum kisilh in Pasian hong piaksa khuavot nuai leh simun
tuipuan nuai ah kitu in thugennate kingaikawm tek hi.
Lungdambawl kuan ahihna hang tawh a pawlpawl in zan kivak ziahziah a,
sond box te, battery te, Amplifier te singtawn tawh kipua in zan
kivak ziahziah a, lungdambawl gim pen hong nai ban ah hong nai
semsemna gim ki za tektek in, lungdam bawl ding vai neite bang a buai
semsem danuh na sia semsem ta hi.
Khua sung saite ah zong inn zepna ding meitang (decoration lamp) te
zong a kizuak hong tam semsem a, lungdambawl letsong piak theih ding
van kizuak pen tam cihtak hong tam in lei zo leng kapiaknop bang hong
om keei liang hi. Ka up mawh ngel in, USA pan hita leh, gamdang
muntuamtuam pan hong kiciah litlit ka cih tangvalte bangin bel a
nungakte uh ading leilei ta un um phial ing.
Ut thu tawh a hikhollo, mundang omte bang hong ciah ngeingei sin uh,
Tedim khuapi ah, na hun uh nak zat nop nu teh. Ahangin maw, huihkhi
dam leh, leivui kaai tawh lungdambawl zang ding leh kumthak dawn
dingin ka kiginna te uh noptuak hong sa nu teh ciphial ingh.

Zomlai ni ei leh
Thangpianlian

Khuadam tawh kizom in, nitak khuazin hong tung a, sig

 


Comments




Leave a Reply