WWW.TUNGZANGNEWS.COM

TUNGZANG NEWS
 
Voksa Bak Nih le Naupang Khat

Kawlgam khuata mizawng veng khat aom temple khatah mihau khatin naupangte kaikhawmin an vakna khat va nei hi. Naupangte zong an lim, meh lim nek khak ding lawp takin hong kigual ngeingai uh hi.
 
Anteh kan, be-meh le vosak bakpi nih ciat kuang sungah thuksa in hawm sakin a nekkhawm zaihzaih uh an-vakte innkuan in zong en-in lungkim mahmah uh hi. Tua leh naupang khat ankuang sungah voksa omlo-in be-meh le buh bek lukun a ne naupang khat mukha citciat uh hi.
An-hawmte kiangah hih naupang voksa pia khalo na hi uh hiam? ci-in a dot uh leh an-hawmte in a kibangin naupangte a piak kim lam uh gen hi. An-vakpa lung himawh ahih manin naupang pa gei ah pai in hopih ding a sawm leh naupang pa lukhu tawi sung pan voksa bak nih na kitun a muh sak hi.
 


Naupang pa zong khitui luangsa in an-vakpa hong hopih aa "ko ka inn vuah sa-meh ne zo ngei lo, ka Nu in vosak duh mahmah ing cih gen zelzel ahih ciang a, ka Nu a ding puak nuam ka hih manin kei nektang voksa a sel sim hing" ci-in gen hi. Thu piang takpi khat ahi hi.
 
Eite in, zing-an I nek ciangin ka Nu le Pa in zing-an bang a ne uh tam cih I phawk kha hiam? Sun-an I nek laitak in ka Nu le Pate in bang peuh a na ne uh diam? Nitak-an I nek laitak in ee ka Nu le Pate in cidam in a duh uh a ne zo ding uh hiam? cihte ngaihsut huai ka sa hi.
 
Nikten puansilh hoih nono I lei hunin, ka Nu le Pate in a puan luite mah uh a na silhsilh lai uh diam? I duh khat peuh I nek pakpak hunin ka Nu le Pate in bang a duh uh tam maw cih ngaihsut sak kha ngei hiam? Khasum I san simin ka Nu le Pate in zat ding sum akitasam uh tam maw? cih ngaihsut sak ding hi hang.
 
Mihing pianzia pen ei-le-ei bek mah a kikhual nuam kihi-in, zi le ta, pasalte bek kiphawk kha tawntungin Nu le Pa ahih leh kimangngilh kha zel thei hi.
 
I kideih sakna ahih leh phawk huaite I phawkkhak ding ahi hi.
 
Khat Thang 
 


Comments




Leave a Reply