WWW.TUNGZANGNEWS.COM

TUNGZANG NEWS
 
Zomi leh Apple

Apple icih peen Apple singgah thu agennuam ihikei a Apple Technology ahihkei leh Apple Company te vanbawl agennuam ihihi. Apple vanbawl ahi adiak in iPhone, Macbook leh iPod,iPad te peen model thak zong akhuahun zui in omsam naven athupi peen in khakhat khatvei, kha thum ah khatvei, kha guk ah khatvei, cihbang in akhuak icidiam software peen updates athak bawltawn tung uhhi.  Azenzen in a model thak te leitakei leeng software update abawlsim un Apple bawl vankhat I a software ongki update den a, akhuak athak hidenkeei ahihman in khuahun paizia tawh kituaktawntung cimtaak omngeilo hi. Ahizong in khoihthei meello in update ibawltheih tuankei leh angei bangdenlel a mi a’ thaksuah dentaleh ei a kibangden lel ahihman in Apple I alimna kiciamkha lo sese hi.

Piancilna laaisiangtho sung ah Pasian in mihingte abawl in ama lim le meel sun in bawl in ahu muam cih imutekding hi. Ibiak Pasian peen ong itna leh amah ngiat nisim athaksuak den ahunzui a athaksuakden akumlui ngeilo itna anei leh amahngiat atul ngeilo Leitung khantoh ziatawh atonden Pasian ahihi. Zomi te peen izatngeidan, aluidaan angeina mah cihtawh akalsuannuam athaksuah nuampakpak lo minam te ihi citciat hi. Tua hang in ikhantoh zahding imazan zahding in kimazangzolo tawntung ban ah mite nung ah ki omtawntung den hi. Pawlpi sung ah, iminam kipawlna sung ah , imimal nuntaakna sung mahmah ah mitawh nundaan kikim a ikhantoh theihnading in leitung khuahun paizia tawh kituak in kithaksuahsak ( update ) ding kitaangsam mahmah leh tualo tawh leitung khuahunpaizia a mite khantohna Zomi ten kiphazo ngeilo ding hi. Tuabek hilo leitung khuahun paizia tawh kituak a akhangto theiding a Pasian ongbawl hinapi ei iki update theihtuan kei leh ongbawlpa Pasian zong alungmang lel ding hi.


Tua ahihman in kohunlaai in icihcih te izatngei dan icihcih te peen 2014 tawh nusiacip in 2015 pan kipan imimal nuntaakna, niikten puansilh khuasakzia, Ipawlpi sung kalsuanzia, Iminam kipawlna te ah Apple company te bang in ingaihsutna ikhuak thaksuahsak ( update ) toh dending ikitaangsam mahmah hi. Pasian in inuntaakna ipumpi mite khantoh bang a akhangto ding leh athaksuahthei ding in ongbawlsa hia, eilampan ki update to theihding akitaangsam bek ahihi. Leitung khuahun paizia tawh kituak in ipumpi, inuntaakna ikalsuanna khempeuh ah up to date in iki update theih leh tu a iphaaktan sang Zomi te naakpi tak in kikhangto zawpekding a ongbawlpa zong alungkimding ahihman in in Apple company te nasepzia tawh Zomi akua mapeuh in 2015 pan kipan tha la a athak suahto thei ding in ibiak Pasian in mimal kim ongtonpih ta hen.


Thang Khawm Pauzomi 


-- 
Thang Khawm Pau ZOMi
Bowling Green , Kentucky
USA
 


Comments




Leave a Reply