WWW.TUNGZANGNEWS.COM

TUNGZANG NEWS
 
Picture
Aniam penpan Asang pen a tung Mi 4

A niam penpen na sem a sep hangin a niam dinmun ah om den ning cih a ngaihsun ngeilo a etteh huai mi 4 te thu ka zakleh ka sim khakna tung tawn panin khangthakte' ading thalak huaisa ka hih manin hong hawmsawn nuam ing.

 USA kumpi 41 na George.H.W.Bush pen kumpi a suahma, kumpi dingin miten a lam-etma thupiang khat sutsuk ni.  Billy Graham pulpit tung a kah ding ciangin a Khedap suahin thugen zel hi. A Khedap a suah simin H.W.Bush in Billy Graham pulpit tung panin a tuak sukteh a Khedap a bulhnop dingin na koihsak linlian den hi. Kuamah sawl zong hilo hi.


Billy Graham in a Khedap hoihtak in a ki koihlam hun khatteh hong thei-in a theihbek mipi tampi mai-ah ka Khedap bulh lian dingin hong koihsak khat om den hi. Kua hiam a cihleh pawlpi makai khat in H.W.Bush hi acih bek pulpit tungah kaito in Billy Graham in Pasianin USA President suaksak ding hi ci hi. A cih laitak in kuamah in kumpi a suak dingin lam-et ngam nailo hi.  


Brazil kumpi 35 na Mr.Luiz Inacio da Silva kici pa pen innkuan gen haksatna tawh ki dim ahih manin sang gina zong kahlo hi. A nek ding lamngei ah mite Khedap nul zel in anul ding om keileh annek ding neilo zel hi. 


Khatvei mihaupa kiangah a lawmte nih tawh Khedap nulsak dingin hong ngen uhhi. Khedapnul man pia 2 hi den aa, tuani pen mihaupa in pek 2 kong pia ding acih tawh a lawmta tengun lawp mahmah uhhi. Khatpa in kei na Khedap hong nulsak in ka nek ding omlo hi cihi. A khatpa in kei hong nulsak in ko innkuan ki vakna dinguh omlo hi cihi. Brazil kumpipa in kei hong nulsak lecin ka lawmte Nih ka hawmsak ding cihi. Mihaupa in amah nulsak in sum pek 2 pia in a lawm nihte Brazil kumpipa in hawmsak pah hi. Tua hun laitak in Khedap a nul lel naupang thum teng lak ah khatpen kumpi suak ding kuamah in lam-en hetlo ding hi.


William Carey icih India ah Pasian thuphuak missionary a lut masa khat ahihi. India a tung cil in Khedap khui kawikawi kawmin Pasian thu gen pihzel hi.  A niam penpen panin Khedap khui panin na sep hong ki pan hi.  A tawptawpna ah Pasian thu mite in hong um bek thamloh Lai Siangtho Sang thupi mun tuamtuam ah neihlai hi. India gam sung aom minam tampite' Lai bawlsak in, ngeina hoihlo Nupa a pasal a sihleh a Zi tawh hingtangin ki halkhawm cihte a beisakpa zong ahihi. A sihin kum 72 pha hi.


Johan in keima nunga hong paipa Khedap khausut dingin ka ki lawm kei hi cihi. Hih zah dongin ki niam khiatna pen thuklut ka sa mahmah hi.


Ki niam khiatna pen niamna hi zenzenlo hi. Ki niam khiatna a neih ngam mikhat a sang penpen dinmun tupna a neih ngam mite na hizel hi. Ki niam khiatna a neihna tawh hong din khawllo uh aa, maban a zomtoto mite lawhcing na hi uhhi. A niam pen dinmun a sem mikhat neumuh pah ding hi zenzenlo hi. 


Nuntak tualniam ihihlam ki phawk in tua tawh din khawlkhawllo in a sangzaw a tung thei ding maban khat a nei hi-ing cih khangthak ten i tel ding thupisa ing. Et teh theih dingin a beisa mipil mihau ulian tampite' thu kan cianleng a tualniam din mun panin tha a la ngam mite na hi uhhi. Lungdam.


Thawn Tuang

Nashville TN USA

 


Comments




Leave a Reply