WWW.TUNGZANGNEWS.COM

 
Halow,

A zah tak huai Pa leh Nu, U leh nau akua ma peuh;

USA-TA (USA- Tungzang Association) in a 3 veina meeting Feb 25 (Sani nitak) in nuamtak na bawl zo thei kahih manun lungdam na thu ong puak ing. 

Hih meeting ah mi 16 ong kah theih ban ah,azah tak huai thudot picing pipi tampi ong kihel thei a, meeting pawlcing tak in na zothei hi ung. 

Meeting kipat nading Pa Kam-mang in thunget na ongneih sak khitciang in, nuamtak kipan hi.

Meeting Thukhen sat teng;

1. Sihna tuak mi 1 (mi khat) ah US Dollar tulthum ($3000) tawh kihuh ding a, azen zen in innnkuan khat sungpan mi 2 (mi nih) sang a tamzaw 

    in sihna ong tuaka ahih leh tul US Dollar tulguk ($6000) tawh huh ding kithu kim hi. 

2. Sum don dan ding leh sum kepzia ding;

    -Single te $50 leh Innkuan te $100 dong ding. 

    -Sum te dongkhol a sumkem pa kiang ah kepkholh/ap ding.

    -Hih sihvan na ding sumte Kawlgam ahih kei leh US gampua lama omte huamlo ding. 

    -Sum khempeuh June kha bei in piamang/ dong siang mang ding. 

    -Kipawlna kumpi tung register ding leh Bank account honding Secretary tegel tung tavuan kiap hi. 

3. Lamet bei damlo natna cimawh tuak i-om khak zenzen leh $200 tawh huh ding.

4. Khua leh tui puahding pen TGA te vaihawm na bangbang 100% (za ah za) a panpih ding. 

5. USA gampua lama ten, cimawh huhna/ ngetna ong omleh USA-TA makai ten hoihtak kanding a, huh huai ahih leh 
    amun tuamtuam (State) aom Tungzang Innkuan tetung huhna ngetsak sawn ding hi. 

Meeting kikding pen April 28 neih kikding hia, Pa Lian-no thunget na tawh 12:00am in nuamtak leh lungkim tak in kizo thei hi. 


Lungdam;

It na sung ah;

Gin Sum Piang

Asst Secretary 
(616-329-7782)

 


Comments




Leave a Reply

    TUNGZANG NEWS

    All
    Tungzang