WWW.TUNGZANGNEWS.COM

 
                                                                                                                                 Leitungbup Tungzang Innkuan Kipawlna
                                                                                                                                (Tungzang Global Association)
 

THUKHUNPI (CONSTITUTION)
A SUNG A OM THULUTE

Khenpi – I : Thubulphuh (Chapter – I : Preamble)

Khenpi – II : Kipawlna Min, Ciaptehna, Dialkhai, Lapi leh Kammal Akhiatnate

                     (Chapter – II : Name, Logo, Flag, Anthem and Definitions)

Thukhun 1 : Kipawlna Min (Article 1 : Name)

Thukhun 2 : Kipawlna Ciaptehna (Article 2 : Logo)

Thukhun 3 : Kipawlna Dialkhai (Article 3 : Flag)

Thukhun 4 : Kipawlna Lapi (Article 4 : Anthem)

Thukhun 5 : Kammal leh akhiatnate (Article 5 : Definitions)

Khenpi – III : Ngimna Bulpite leh Thumeilette (Chapter – III : Purposes and Principles)

 

Thukhun 6 : Ngimna Bulpite (Article 6 : Purposes)

Thukhun 7 : Thumeilette (Article 7 : Principles)

Khenpi – IV : Pawlhuam Kipawlnate (Chapter – IV : Membership)

 

Thukhun 8 : Tungzang Innkuan kipawlnate (Article 8 : Tungzang Global Associations)

Thukhun 9 : Tungzang Innkuan min pualo kipawlnate (Article 9 : Other Tungzang organizations)

Thukhun 10 : Kipawlna a omlohna munte

                      (Article 10 : Individuals from where there is no Tungzang organization)

Thukhun 11 : Pawlhuam pan khawlna (Article 11 : Resignation and Termination)

Khenpi – V : Kivaipuakzia (Chapter – V : Organ or Organization Structure)

 

Thukhun 12 : Tungzang Innpi leh Tangmite (Article 12 : General Assembly and Representatives)

Thukhun 13 : Makaipi Pawl (Article 13 : Executive Council)

Thukhun 14 : Tanupi Pawlte (Article 14 : Committees)

Khenpi – VI : Vaipuak leh Thuneihna (Chapter – VI : Functions and Powers)

 

Thukhun 15 : Tungzang Innpi (Article 15 : General Assembly)

Thukhun 16 : Makaipi Pawl (Article 16 : Executive Council)

Thukhun 17 : Tanupi Pawlte (Article 17 : Committees)

Khenpi – VII : Thukikupna leh Thu Khensat Dante (Chapter – VII : Meetings and Voting)

 

Thukhun 18 : Tungzang Innpi Thukikupna (Article 18 : General Assembly Meeting)

Thukhun 19 : Makaipi Pawl Thukikupna (Article 19 : Executive Council Meeting)

 

Khenpi – VIII : Kiteelna leh Panmun Ki-apna (Chapter – VIII : Election and Hand-over of Duties)

Thukhun 20 : Tungzang Innpi Tangmite (Article 20 : General Assembly Members)

Thukhun 21 : Makaipi Pawl (Article 21 : Executive Council)

Thukhun 22 : Thudotpi Pawl(Article 22:  Patrons)

Thukhun 23 : Panmun Ki-apna (Article 22 : Hand-over of Duties)

Khenpi – IX : Puahphatna (Chapter – IX : Amendment)

 

Thukhun 24 : Puahphatna (Article 23 : Amendment)

 

Leitungbup Tungzang Innkuan Kipawlna

(Tungzang Global Association)

 

THUKHUNPI(CONSTITUTION)

Khenpi – I : Thubulphuh(Chapter – I : Preamble)

v  Leitung minam tampite lak ah minam khat in Anungta Pasian in ahong pian’sak, Kawl gam Chin State, India gam Manipur State leh Mizoram State, leh mun tuamtuam a teng, tu hun ciangin leitung gam tuamtuam ah a teng, minam picing khat in aneih ngeina zia leh tong kiciante anei Tungzang suante in minam khat, khua leh tui khat, si khat sa khat, sanggam unau laizom khat ka hi uhhi.

v  Leitung gam tuamtuam ah ateng tuipi galkaai Tungzang suante in, minam khat, khua leh tui khat,si khat sa khat, sanggam unau laizom khat hihna siksan in a kiphut Tungzang Innkuan kipawlnate leh khua leh tui buppi  ahuam kipawlnate tungtawn in ka kipawlkhawm uhhi.

v  Leitung bup a om Tungzang Innkuan kipawlna tuamtuamte leh khua leh tui buppi ahuam   Tungzang suante kipawlnate kigawmkhawm in khua buppi tawh kisai thute vaihawmkhop theihna ding, leh  mun leh gam tuamtuam ah a om Tungzang suante tawh  kisai ma pankhop theihna dingin hih Thukhunpi ka khung uhhi.

Khenpi – II : Kipawlna Min, Ciaptehna, Dialkhai, Lapi leh Kammal Akhiatnate

                       (Chapter – II : Name, Logo, Flag, Anthem and Definitions)

 

Thukhun 1 : Kipawlna Min(Article 1 : Name)

1. Leitung gam tuamtuam, mun tuamtuam a om tuipi galkai Tungzang Innkuan kipawlnate leh khua leh tui buppi ahuam Tungzang suante’ kipawlnate a kigawmkhopna kipawlna min pen “Leitungbup Tungzang Innkuan Kipawlna” kici ding hi. Leitungbup Tungzang Innkuan Kipawlna min pen atom in “LTI” kici ding hi. HihThukhunpi sung ah, hih mun panin Leitungbup Tungzang Innkuan Kipawlna min tangin “Kipawlna”kammal zangin kikhum thei ding hi.

2. Leitungbup Tungzang Innkuan Kipawlna min pen English kam in “Tungzang Global Association” (TGA)kici ding hi.

 

 

Thukhun 2 : Kipawlna Ciaptehna(Article 2 : Logo)

1. Kipawlna ciaptehna pen Teute lim ii a lang khat tuakah Vaphual nih ki maituah in tuang khawm dinga leitung bem (Globe) khat tung a kinga lim hiding hi. Leitung lim ii a pang khat tuakah buh-vui khat tuak a kual in kaaisuk ding hi. A sung veilamah Tungzang khuasat kum 1899 ki gelh dinga, a sung tak lamah TGA ki pat kum 2009 ki gelh ding hi.  Leitung lim a tung lamah, “Tungzang Global Association” min lai in kikhum ding hi. Leitung lim nuai ah ngawng awh dial khat om dinga tua tungah Lai Siangtho kammal Piancil.84:12 pen “ Blessed is the man who trust in God” cih ki gelh ding hi.

 

Thukhun 3 : Kipawlna Dialkhai(Article 3 : Flag)

1. Kipawlna Dialkhai a golna pen avai (3’), adung (5’) pha ding a, azaina (1’) ciat apha, a tungnung pen ah a Eng (Green), alai ah a San (Red) leh anuainung pen ah a Dum (Blue) meelte adung lamin kikhung ding hi. Dialkhai alaizang ah abemna (14”Dia.) apha abem khat a Vom (Black) tawh kigelh ding a, a bem a sung lam teng pen a Kang (White) meel hiding hi. A bem sung a a Kang tung ah Sing Lamteh kisuang ding hi. A tungnung pen, a Eng (Green) meel tung a abullam kiu ah kiu (6) anei, asan’na (7”) apha, Aksipi a Kaang khat tuang ding hi.

 

Thukhun 4 : Kipawlna Lapi(Article 4 : Anthem)

 

Theih ding

Leitungbup Tungzang Innkuan Kipawlna lapi (Tungzang Innkuan Lapi) khat kinei ding a, a phuak dingin Tungzang suante lakah laphuak siamte kicial ding hi. Tua lai ah ih ngeina Zola khat leh Solfa a ki bulh thei la guicing khat hi ding hi.   A maute hong phuahsak Lapite kaikhawm in, General Assembly in ahoih pen kipsak ding ahi hi.

 

Hih Ki pawlna Zola phuak dingin Pa Lang Kap Pau leh Solfa ki bulh thei la phuak dingin Pa Dam Thawn Lian Kapte makai dingin huhna ki ngen dinga a mau in hong phuak ding uh hi.

 

Thukhun 5 : Kammal leh akhiatnate(Article 5 : Definitions)

Thukhunpi : Leitungbup Tungzang Innkuan Kipawlna in a zuih dingin akhun hih Thukhunpi

                    (Constitution) acihna hi.

Ngeinate : Thukhunpi tawh kituak in Kipawlna maban kalsuan ngeina, sep dan bawl dan (Bylaw)

                  dingte kicing takin a kikhung thute a cihna ahi hi.

Kipawlna : Leitungbup Tungzang Innkuan Kipawlna acihnopna ahi hi.

Kivaipuakzia : Kipawlna kimakaih dan leh makai panmun kigualh dante acihna ahi hi.

Tangmite : Kipawlna khat tang’in a ding dingin akiteel, akiseh makaite cihna ahi hi.

Kiteelpi : General Assembly in Kumcin Khawmpi sung a abawl, Executive Council sung a

                panmunte alen ding Makai kiteelna acihna ahi hi.

 

 

Khenpi – III : Ngimna Bulpite leh Thumeilette(Chapter – III : Purposes and Principles)

Thukhun 6 : Ngimna Bulpite(Article 6 : Purposes)

 

LEITUNGBUP TUNGZANG INNKUAN KIPAWLNA II NGIM LEH TUPNA BULPITE

1.      Leitung mun tuamtuam leh gam tuamtuam a om Tungzang suan khempeuhte khat leh khat Ki theihna, Ki-itna, Ki pum khatna a om theih zawk nading.

2.      Ih pi, ih pu, ih nu ih pate a kipan eimau pianna Tungzang khua leh Tungzang suante khempeuh in Pilna, Cidamna, An neek tuidawn kicin zawkna leh Hauh zawkna, Leitung thu leh Pasian thu lamah Thuman leh Itna tawh khantoh zawkna, Tuhun leitung paizia tawh kilawm gamtat luhek leh Kampau ziate ah khantoh zawk nading.

3.      Ih omna mun ciatciat pan ih hih zawh ding a hih nak leh khat leh khat ki huh ki panpih theihna, Belh ding leh a huh a kem ding omlo pumpi leh lungsim zawngkhalte panpih theihna, Gen kholh theih loh dong tuakna leh Nuntakna bei ding zah dongte cimawh huhna a pian theih nading.

4.      Tungzang suante lakah Mi pil, Mi hau, Mi thahat, Min leh Za nei, Siamna a nei om leh ih hih theih zah a panpih tha piakna, Tungzang khua aading hih theih tawpna zah donga suakta tak a, a zat theih nading cihte a kipan ngimna bulpi ahi hi.

5.      Tua banah hih ngimna leh tupna bulpi tawh ki tuaklo ahi zongin hih ki pawlna tungtawn a nasepnate a susia, a thanem sak thei, Mimal a kipan Pawl leh gual ki deidanna,  Beh leh phung hanga ki deidanna, Gam ki ukna(Politics)hanga ki deidanna, Biakna(Religious) hanga ki deidanna cihte a kipan hih kipawlna hong susia thei thu leh la khempeuh nial ding leh langpan ding ahi hi.

 

Thukhun 7 : Thumeilette(Article 7 : Principles)

1. Kipawlna in khua khat tui khat, si khat sa khat, innkuan khat, sanggam unau laizom khat, Tungzang suan khat hihna siksan ding hi. Kipawlna in beh leh phung (clan and family) khat, pau leh ham(khuapau) khat, upna leh biakna (faith and religion) khat, pilna leh siamna (education and profession)nam khat, nasep silbawlna (career and business) nam khat, numei pasal (gender) hihna khatpeuh a siksan kipawlna hilo ding hi.

2. Kipawlna in muntuam gamtuam a om tuipi galkaai Tungzang Innkuan kipawlnate leh khua leh tui buppi ahuam Tungzang suante’ kipawlnate a kigawmkhopna phungpi hiding hi.

3. Kipawlna sung ah a tamzaw’ thukimna tawh thu kikhensat ding a, a tawmzawte’ deihna kithusim ding hi.

4. Kipawlna sung a vaihawmna khempeuh ah mipi’ thuneihna a sang pen hiding a, mipi’ thuneihna pen tangmite tungtawn in kilang ding hi.

5. Kipawlna sung a kipawlkhawm Tungzang Innkuan kipawlna khat peuhpeuh a guallelhna ding, supna ding leh buaina dingin adang Tungzang Innkuan kipawlna khatpeuh in thu vaihawm theilo ding hi. Kipawlna sung a kipawlkhawm Tungzang Innkuan kipawlna khat in adang Tungzang Innkuan kipawlna’ maban khatpeuh nawngkai saklo ding hi.

Khenpi – IV : Pawlhuam Kipawlnate(Chapter – IV : Membership)

Thukhun 8 : Tungzang Innkuan Kipawlnate(Article 8 : Tungzang Global Alliances)

1. Hih Thukhunpi leh Ngeinate asang thei, khua khat, State khat, gam khat tang’in a ding Tungzang Innkuan kipawlna khempeuh, a thukimna uh zui-in, Kipawlna sung ah kihel thei ding hi.

2. Gam khat sung a om Tungzang suante in State tuamtuam ah kikhen in Tungzang Innkuan kipawlna tuamtuam a din zawh uh leh, tua State tuamtuam pan a Tungzang Innkuan kipawlnate min tawh Kipawlna sung ah kihel thei ding hi.

3. State khat sung a om Tungzang suante in khua tuamtuam ah kikhen in Tungzang Innkuan khua tuamtuam pan a Tungzang Innkuan kipawlnate tuamtuam a din zawh uh leh tua khua tuamtuam pan a Tungzang Innkuan ki pawlnate min tawh Kipawlna sung ah kihel thei ding hi.

Thukhun 9 : Zomi Innkuan min pualo kipawlnate(Article 9 : Other Tungzang Alliances)

1. Hih Thukhunpi leh Ngeinate asang thei, Tungzang Innkuan min apualo, khua leh tui buppi ahuam tuipi galkaai Tungzang suante’ kipawlna khempeuh, a lunglutna uh tungtawn in General Assembly thukimna tawh Kipawlna sung ah kihel thei ding hi.

 

Thukhun 10 : Kipawlna a omlohna munte(Article 10 : Individuals from where there is no Zomi organization)

1.Tungzang Innkuan kipawlna a om nailohna munte panin, hih Thukhunpi leh Ngeinate asang thei Tungzang suante in alunglutna uh tungtawn in General Assembly pawl thukimna bangin Kipawlna sung ah kihel thei ding uhhi.

 

Thukhun 11 : Pawlhuam pan khawlna(Article 11 : Resignation and Termination)

1. Kipawlna sung a kipawlkhawm Tungzang Innkuan kipawlna khat peuhpeuh, khua leh tui kipawlna khat peuhpeuh in Kipawlna sung panin a khawlnop leh General Assembly tung ah pulak ding a, Kipawlna panin a khawl in kiciamteh ding hi. 

2. Kipawlna sung a kipawlkhawm Tungzang Innkuan kipawlna khatpeuh, khua leh tui kipawlna khatpeuh in hih Thukhunpi tawh a kituaklo in thu leh la a vaihawm a leh, hih thu tawh kisai General Assembly sung ah kikupna kibawl ding a, General Assembly thukimna bangin kikalsuan ding hi.

 

Khenpi – V : Kivaipuakzia(Chapter – V : Organization Structure)

Thukhun 12 : Tungzang Innpi leh Tangmite(Article 12 : General Assembly and   Representatives)

1. Kipawlna sung a kipawlkhawm Tungzang Innkuan kipawlnate leh khua leh tui kipawlnate khempeuh tang’in a ding dingin “General Assembly” (Tungzang Innpi) khat om ding hi.

2. Kipawlna tawh kisai thu leh la khempeuh General Assembly tung ah kinga (vest) ding hi.

3. General Assembly pen Kipawlna sung a kihel Tungzang Innkuan kipawlnate leh Tungzang suante’ khua leh tui kipawlnate panin a kipuak Tangmite (Representatives) tawh kilam (form) ding hi.

4. General Assembly in Kipawlna tawh kisai thu leh late a vaihawm theihna dingin Tangmite

(Representatives) in ateel Executive Council in makaih (facilitate) ding hi.

5. General Assembly sung a Tangmite septan pen Tangmi dingin apuak Tungzang Innkuan kipawlna leh Tungzang suante’ khua leh tui kipawlna sungciat a thukimna bangin hiding hi.

6. Kipawlna in ahuam Tungzang Innkuan kipawlna leh Tungzang suante’ khua leh tui kipawlnate in General Assembly ah akah ding Tangmi apuakte pen kipawlna sungciat a thukimna bangin laih thei, khawlsak thei, septan khanto thei ding hi.

 

Thukhun 13 : Makaipi Pawl(Article 13 : Executive Council)

1. Kipawlna mabante ah ma apang dingin Executive Council (Makaipi Pawl) khat om ding hi.

2. Executive Council pen Kipawlna buppi lutang hiding hi.

3. General Assembly in Kiteelpi sung ah Executive Council sung a panmunte alen ding Makaite

(Executive Officers) teel ding hi.

 

4. Executive Council sung ah Makai (Executive Officer) panmunlen phazah, panmun kigualh zia leh panmunlente vaipuak pen Ngeinate(Bylaws) sung a bangin hiding hi.

5. Executive Council in Kipawlna’ maban kalsuanna leh sepna bawlna khempeuh ah, Kipawlna tang’in ding in (represent), makaihna (leadership) la ding hi.

6. Executive Council in General Assembly sung a vaihawmna khempeuh ah tanu ding hi.

7. Executive Council sung a panmunlente septan kum (2) hiding hi.8. Exectuive Council hita leh Executive Council sung a Makai panmunlen khatpeuh hita leh a septan kum (2) a cinma in, General Assembly Thukikupna akah a Tangmi mimal seh (3) suah seh (2)thukimna tawh kikhawlsak, kitawpsak thei ding a, General Assembly in panmun alaih dingin Maikai

teelkik thei ding hi.

 

Thukhun 14 : Tanupi Pawlte(Article 14 : Committees)

1. Executive Council in Kipawlna maban kalsuanna leh sepna bawlna ah ma apang dingin a kisam bangin Tanupi Pawl tuamtuamte (Committees/Departments), General Assembly thukimpihna tawh phut thei, phiat thei ding hi.

2. Committee/Department tuamtuamte sung a panmunte alen dingin hih Thukhunpi a sang thei Tungzang suan khat peuhpeuh Executive Council in General Assembly thukimpihna tawh seh thei, teel thei, thu pia thei ding a, panmunlen khatpeuh zong khawlsak thei ding hi.

 

 

Khenpi – VI : Vaipuak leh Thuneihna(Chapter – VI : Functions and Powers)

Thukhun 15 : Tungzang Innpi(Article 15 : General Assembly)

1. General Assembly in Thukhunpi tawh kituak in Kipawlna tawh kisai thu khun theihna (policy

making), thu khensat theihna (decision making) thuneihna asang pen nei ding hi.

2. Kipawlna min tawh sum leh paai ngahna ding, kaihkhopna ding leh zeekna ding tawh kisai vai

khempeuh, General Assembly thukimna bangin kikhensat ding hi.

 

Thukhun 16 : Makaipi Pawl(Article 16 : Executive Council)

1. Executive Council in Thukhunpi sung a Ngimna Bulpite a tangtun theihna ding, Kipawlna tawh kisai maban khat peuhpeuh geel, vaihawm in, General Assembly thukimpihna tawh sem (implement) thei,bawl thei, kalsuan thei ding hi.

2. Executive Council in Kipawlna maban kalsuanna dingin a kisam sum leh paaite ngahna ding leh zeekna dingte (budget planning) geel thei, seh thei, suai (plan) thei ding a, General Assembly

thukimpihna bangin zeek thei, sem thei, kalsuan thei ding hi.

 

3. Executive Council in Kipawlna maban kalsuanna dingin a kisam sum leh paaite, Kipawlna in ahuam Tungzang Innkuan kipawlnate leh khua leh tui kipawlnate tung panin General Assembly thukimpihna tawh kaikhawm thei, dong thei ding hi.

4. Executive Council in Kipawlna maban kalsuanna dingin akisam sum leh paaite ngah theihna dingin, Kipawlna apua lam ahi kumpi khatpeuh, kipawlna khatpeuh tung ah General Assembly theihpihna tawh huhna, panpihna ngen thei, sang thei ding hi.

 

Thukhun 17 : Tanupi Pawlte(Article 17 : Committees)

1. Executive Council in Kipawlna maban khat peuhpeuh ah ma a pang dingin aseh/teel Committee-te in Executive Council thupiakna bangin sem, bawl, tanu ding a, Executive Council tung ah maban kalsuanna khempeuh kokik/pulak tawntung ding hi.

 

Khenpi – VII : Thukikupna leh Thu Khensat Ngeinate(Chapter – VII : Meetings and  Voting)

Thukhun 18 : Tungzang Innpi Thukikupna(Article 18 : General Assembly Meeting)

1. Kum khat in atawm pen (2) vei, General Assembly Thukikupna kibawl ding a, Kumcin ciangin akibawl General Assembly Thukikupna pen Kumcin Khawmpi in kisim ding hi.

2. Kipawlna in ahuam Tungzang Innkuan kipawlna leh Tungzang suante’ khua leh tui kipawlnate pan General Assembly sung a kihel Tangmi (Representatives) mimal a lang val, ahihkei leh Executive Council panmunlen seh (3) suah seh (2) in a nget leh General Assembly Thukin Thukikupna kisam ding hi.

 

3. General Assembly Thukikupna sung ah Kipawlna in ahuam Tungzang Innkuan kipawlnate leh Tungzang suante’ khua leh tui kipawlnate panin akah Tangmi (Representatives) khempeuh leh Makaipi Pawl panmunlen (Executive Officers) khempeuh kah thei ding hi. A kisapna bangin Makaipi Pawl in aphuh Committee tuamtuam pan tanu panmunlente kah thei ding hi.

4. General Assembly Thukikupna sung ah Kipawlna in ahuam Tungzang Innkuan kipawlnate leh Tungzang suante’ khua leh tui kipawlnate sung pan kipawlna atam zaw in Tangmi a puak a, Makaipi Pawl panmunlente(Executive Officers) atam zaw akah leh Thukikupna alawhcing in kisim ding hi.

 

5. General Assembly Thukikupna sung ah Kipawlna in ahuam Tungzang Innkuan kipawlnate leh Tungzang suante’ khua leh tui kipawlnate panin akah Tangmi (Representatives) khempeuh leh Kipawlna Makaite(Executive Officers) in Kipawlna tawh kisai thute suakta takin kum thei, thu sung thei ding hi.

6. General Assembly Thukikupna sung ah Tangmi (Representative) khat in Vote (1), Executive Council panmunlen (Executive Officer) khat in Vote (1) nei ding hi.

7. General Assembly Thukikupna sung ah Tangmite (Representatives) leh Kipawlna Makaite (Executive Officers) kigawm in atam zaw thukimna tawh thu kikhensat ding hi.

8. General Assembly Thukikupna sung ah Executive Council in Kipawlna tawh kisai thu leh late, Kipawlna min tawh vaihawm ding thute, Kipawlna maban kalsuanna dingte, Kipawlna sum leh paingahna dingte, Kipawlna maban kalsuanna sung a sum leh paai zeekna dingte pulak in thu sung thei ding hi.

 

9. General Assembly Thukikupna sung ah Executive Council in Kipawlna maban kalsuannate akisam bangin pulak ding uh a, General Assembly Thukikupna akah Tangmi khat peuhpeuh in a thu a la kantel thei, kuppih thei ding hi.

 

Thukhun 19 : Makaipi Pawl Thukikupna(Article 19 : Executive Council Meeting)

1. Kipawlna maban, a thu a la leh ahun zui in Executive Council thukikupna kibawl thei ding hi.

2. Executive Council thukikupna ah Makai panmunlen atamzaw akah leh thukikupna a lawhcingin kisim ding hi.

3. Executive Council thukikupna khempeuh ah Makai panmunlen atamzaw thukimna tawh thu kikhensat ding hi.

4. Executive Council thukikupna sung ah Makaipi (President) ahihkei leh Makaipi in thu apiak Makaipizom(Vice President) khat peuhpeuh kihello in thukhensatna kibawl theilo ding hi.

 

Khenpi – VIII : Kiteelna leh Panmun Ki-apna(Chapter – VIII : Election and Hand-over of   Duties)

Thukhun 20 : Tungzang Innpi Tangmite(Article 20 : General Assembly Members)

1. Kipawlna in ahuam Tungzang Innkuan kipawlnate leh khua leh tui kipawlnate tang’in General Assembly ah akah ding Tangmite pen kipawlna sungciat panin hih Thukhunpi asang thei Pawlmi khat peuhpeuh suakta takin kiteel thei, kiseh thei ding hi.

 

 

Thukhun 21 : Makaipi Pawl(Article 21 : Executive Council)

 

1. General Assembly in Kumcin Khawmpi sung ah Executive Council sung a Makai (Exectuive

Officers) panmunlen ding kiteelna bawl ding a, Kiteelpi kici ding hi.

Leitungbup Tungzang Innkuan Kipawlna - Thukhunpi Laimai ( 9 / 9 )

2. Kiteelpi sung ah Kumcin Khawmpi akah Tangmi (Representatives) khempeuh leh Makai (Executive Officers) panmunlen khempeuh in kiteelna Vote khia thei ding hi.

Thukhun  22: Thudotpi Pawl(Article 22: Patrons)

 

1.Executive Council vai hawmna ah khialhna a tawm theih nading leh a kisamte mangngilh khak loh nadingin Executive Council ah a ki hello Tungzang suante lak pan a muanhuai mi thum panin nga ciang bang General Assembly in seh thei ding hi.  Ahi zongin Executive Council vaihawmna ah vote pia theilo ding hi.

Thukhun 23 : Panmun Ki-apna(Article 22 : Hand-over of Duties)

1. Kiteelpi sung ah Executive Committee panmunlen Makaite a kiteel khitciang in Khawmpi akah mipi in teelcing Makaite thupha pia ding hi.

2. Kiteelpi akibawl zawh kaal (2) sungin abeisa kum sung Executive Council panmunlen Makaite in teelcing Executive Council panmunlen Makaite tung ah Kipawlna maban, panmun leh neih leh lam khempeuh ap ding hi.  

 

Khenpi – IX : Puahphatna(Chapter – IX : Amendment)

Thukhun 24 : Puahphatna(Article 23 : Amendment)

1. General Assembly Thukikupna khat peuhpeuh ah Thukikupna akah Tangmi mimal seh (3) suah seh

(2) thukimna tawh hih Thukhunpi sung a om thukhun khat peuhpeuh kilaih thei, kipuahpha thei,

kibehlap thei, kiphiat thei ding hi.

 


Comments




Leave a Reply

    TUNGZANG NEWS

    All
    Tungzang