WWW.TUNGZANGNEWS.COM

 

Pu. Khup Za Lian pen 1926 in suak hi cih matpongtin sung ki ciam teh hi. March 19, 2012 ni in it leh ngaih teng hong nusia in, leitung nuntakna pan hong paisan hi. Pu. Khup Za Lian tangthu  tawm gensuk leng Pu. Khup Za Lian pen April 05,1945 in ah Second Chin Army hongtum in kumpi sung ah Kawlgam leh Kawlgam mi ading citak tak in ah na hongsep khia hi. A sep zawh ciang in inn lam hong ciah kik hi. 

1950 kimpawl in Tungzang leh Tuithang gamgi vai tawh ki siat na hong om ciang in Lunzong innpi Pu Khup Za Lian in gam leh minam a khual na in hangsan tak leh citak tak in kumpi thukhen te mai hi ta leh, tha leh ngal tawh hi ta leh, pantheihna bang in ma na pang khia hi.

Hih bang in gam leh minam a it mahmah a hi Pasal Hangsan Lunzong innpi Pu Khup Za Lian in a nuntakna hong bei san na hang in khua leh tui leh minam kisum mahmah leh, ki dah mahmah hi. Pu Khup Za Lian tangthu a ki cingzaw in a theinuam a lunggulh beh i om leh Tuithang Century laibu sung ah a ki cian zaw in ki gelh hi. Gam leh minam ading in luangkham ngam pasal hangsan pa hong nusiatna hang in a dah a kap a khuangai khempeuh tung ah Topa' heh nep na hong tun kim ciat ta hen Amen!

Pu. Khup Za Lian
Born: 1926
Tungzang, ZogamDied: March 19, 2012,  (Age 86)  
PU. KHUP ZA LIAN LEH PI. MAN KHAW NING  TATE:

1. NU. CIIN KHAW MAN

2. PA. KHEN ZA MANG

3. PA. CIN LIAN KAAP (si)

4. NU. KIIM GO CING

5. PA. KAM SUAN PAU

6. NU. CIN DEIH LIAN


Tg Pautul

Miami Fl, USA


 


Comments




Leave a Reply

    TUNGZANG NEWS

    All
    Tungzang