WWW.TUNGZANGNEWS.COM

 
Picture
Tungzang ah Zato Inn thak Kilam
TZN: Tedim gam, Tungzang khua ah abeisa kum khat lai akipan Zato inn ding Taih inn(Pucca building) hoih mahmah khat kipan uh a, tu in a bulpi(guhpi) dinmun ciang kizo ta cih kiza hi. Tua Zato inn lamna ding tawh kisai-in leitungbup Tungzang kipawlna (Tungzang Global Association) te' makaihna tawh kipankhia hi-in, asawt lo a kizawh siangna dingin hanciam laitak uh hi.

Zato inn kizawh khit ciangin Kumpi lam pan Siavuan Siamah kiciangtak pia ding uh ahih manin, Siavuan/ Siamahte omna ding innte zong kiciantak lam lai ding cih kiza hi. Tungzang khua pen Tedim gam sungah khuamun hoih khat a kigen hi-in, tulaitak a Zato inn lamna zong khuathak mualtung khat hi-in etlawm mahmah hi. Tua banah khuazang bup inn 250 kim apha khua khat hi a, pawlpi RC,Baptist,AG,EBC,UPC le NAC nam 6 omin biakinn zong Taihinn nih om hi. Khua sungah Taih inn lam zong 3,4 bang om ta in a khangto khuakhat hi dingin kilamen hi.

Khuazangbup Khangno kipawlna Tungzang Youth Association (TYA) min tawh khanih khatvei laihawm nei uh hi. TYA min tawh khua sung lampi dung khempeuh ah Singno suan dingin geelna lianpi nei uh cih zong kiza hi. Tua banah khua sungah Telephone nei inn 10 val om khin in,gamdang aomte tawh kihona baih mahmah ci hi. Tulaitak zong Internet Line ngahna ding hanciam laitak uh cih thukiza hi.


TZN: Source: Tongsan/Pa Tuang, Aizawl


 


Comments




Leave a Reply

    TUNGZANG NEWS

    All
    Tungzang