WWW.TUNGZANGNEWS.COM

 

Hih yahoo news sungah Kawlgammi 22 van tawh a kipua pen Malaysia immigration te'n man cih thu na sim nop leh a link na meek lecin kisim thei hi.

 http://my.news.yahoo.com/22-myanmar-illegal-immigrants-caught-packed-van-112613648.html 

Aki man te tulaitak Kubang Pasu District Palik zumpi ah kihoih uh hi.  Hih case tawh kisai in Section 26A of the Anti-Human Trafficking Act and the Anti-Smuggling of Migrants Act tawh thusuah uh a, Immigration Department in action lading uh ci in gen hi. 

A thuak te ading le puaisa te ading supna lianpi ahih hangin Human Trafficking cih limlim pen leitungah a kideihloh manin UNHCR kiphuankhia, kumpi gamgi ki neisak tek in, tua teng khempeuh UNO in a huampi in a thu om bangbang in ong enkim hi. Tua pen sum deihluatna le Malay tun ding kideihsak luatna tawh kipuakpuak kha zel hi ahih manin tuabang kideihsak na le puaisa sepna te pan i kidop theih ding thupi hi.  Kawlgam ah democracy ong kilamthak laitak ahih manin bangmah human traffiking peuhmah a thu omlo pi in seploh ding hoih ka sa mahmah hi. 

Maptu le Mindat mi honkhat in tuabang nasep na tawh meltheih honkhat na khembawl in Malay a tun ciang lah meltheih te contact sak nuam nonlo banah a mau ut bangbang in bawl uh ahih manin diksak lohna khang hi. Hi thu i et ciangin human trafficking a hoih loh lam i thei pah hi. Tua bang apai pih te uh gamsung peuh ah na semsak uh a, a thaman pen neektum sak uh hi. Matu le Mindat i gen ciangin Chin minpu a deih mi sungah ki hel uh a, CNF cih khawng le a "C" minpuate minsiatna hi pah hi. Tua bang a kizuakna, ki neektumna le zawhthawh thu tawh kibawlsiatna te Malaysia gam le Thai gam sungah a om napen human trafficking hang ahi hi. 

Hih illegal human trading hangin refugee hong tam tetek a, Kawlkumpi ong minsia in zawng tektek hi. Ahi zongin a thuak tatak pen eiteng mah i hi kik zel hi. Ei i thuak kei le zong i u i nau, meltheih te in na thuak veve uh hi.  Human Trafficking ong tam luat ciangin pilna i sinte kizangh thei nonlo leuleu a pilna sang neite siamna neite bang supna lianpi ong suak lai hi. Hibang thusiate a bei theih nading in, hibang a kimatna a om ciang  dah mahmah hi tamah leng a hoihna le amanphatna tampi om hi cih i phawk ding deih kawm in tuazah kong gelh hi.

Deihsakna tawh,

Professor Dr David Ngin Sian Pau

www.ciuac.org/f.php

 


Comments




Leave a Reply

    Tungzang News

    All