WWW.TUNGZANGNEWS.COM

 
ZomiDaily :: 2009 kum Christmas Day nilian in U.S. Passenger vanleng tungah Bomb asukkhapsawmpa zanni Thursday ni-in khantawn thongkiatding thukhenna kineita cih Reuters pan kiza hi. Tuapa minpen Umar Farouk Abdulmutallab kicikhat hi a, Nigeria gammi ahihi. Zanni in USA gam aom Detroit khuapi ah U.S. Attorney General Eric Holder in "kisikna aneitheilo ngongtatpa" ci'n khantawn thongkiatding in thukhenna anei ahihi.

Hih Nigerian papen kum 25 bek phapan a, ahi zongin al-Qaida te'n amau Mission ngongtatna ah zatding in Training hoihtak apiaksa uh ahihi. 2009 kum December 25 ni-in USA gam Detroit khuapi zuan in onglengkhia ahi Northwest Airlines (Flight 253) tungah hih Nigerian gammipa zong ongtuangkha a, US gamsung ah vanleng akumsuk dingin akithawi laitak in a bombi sungten kawmah asel Bomb sukkhapsawm cihi. Ahi zongin vanleng tung aom Passenger te'n nakhaamzo bilbel uh ahih manin vanleng apuaktamlo deuh ahihi. Tua vanleng pen Netherlands gam Amsterdam khuapi pan onglengkhia hi a, vanleng tungah Passenger le vanleng nasem akigawm in mi 290 pha uhhi. Hih Nigerian pa'n a Bomb puak sukhamman hileh vangleng tungah azuikha mi 290 in asihlawh mikmek theidingthu ahihi.


Hih Nigerian pa'n hihbang in agamtatna pen kakhial hi ci'n October kha in genkhia cihi. Hih mi 290 athahlup nopna ahang pen Afghanistan leh Yemen gamah aki thatlum mawhneilo Muslim mite adingin aphu lakkikna hi ci'nzong genkhia hi. Tuabang lungsim aneihtheih nadingin al-Qaida te'n hoihtak in Training apiak uh hi a, asawl bangbang un asemkhia hihtuak mawk
hi. ZomiDaily
Picture
 


Comments




Leave a Reply

    Tungzang News

    All