WWW.TUNGZANGNEWS.COM

 
ZomiDaily :: Kawlgam sungah By-Elections ong naisemsem mahbang in, thuthang thuthak tuamtuamzong ongki zasepsep pian hi. Tuni VOA te genkhiatna ah ongtungding Kawlgam By-Elections ciangin siangtho tak in kitelna apiantheih nading ASEAN (Association of Southeast Asian Nations) te'n encik nuam ung ci ahih manin Burmese Officials te'n phalmahnung cih kamciampia cih kiza hi.

Hihvai pen Kawlgam President Thein Sein leh ASEAN Secretary-General Dr. Surin Pitsuwan te Naypyidaw ah akimuhna panin onggingkhia ahihi. Hihbang in By-Elections kitelhunsung in ASEAN kipawlna pan etciktheihna phalna apiaktaktak leh Kawlgam kumpite nasep pen leitung in muangsemsemding cihzong lunggulhna nei uh hihtuak hi.

Tulaitak Kawlgam pen ongkikhel mahmah laitak hi a, EU gamte leh US gamte'n Economic Sactions pen hepkhiatding zahdong in ngaihsun pianpianta uhhi. Ahi zongin Economic Sactions hepkhiat taktaktheih nadingin By-Elections tungtang ah Kawlgam kumpi thuneite'n bangdan in ongvaihawmhiam cihtung ah ki nga mahmah cihzong kiza hi. Kawlgam kumpi thuneite'n asiangtho kitelna ongbawltheih takpileh EU leh US gamte'n Kawlgam Economic Sanctions teng ong hepkhiatsak takpi khatheiding ahih manin, Kawlgam ii mailam zingnisuakding pen tulaitak gammakaite khutsung ah nakpitak in ki nga hi cihtheihzong ahihi. ZomiDaily
 


Comments




Leave a Reply

    Tungzang News

    All