WWW.TUNGZANGNEWS.COM

 
Phillippines gam laizang tengah February 6,2012 ni zingsang lamin Magnitude 6.8 tha tawh zinling in mi 43 si in, khuaphelep meite kisiatna hangin supna le lauhuaina tampi piang hi. Tua banah memcipna hangin mi 29 lei in vulhnelh a, Negros tuikulh gei akilam Kumpi innte le mipite teenna innpi (Building)te zong tampi kicim in inn kicim nuai ah mi tampi mah delhlum ci in Philippines thuneite in gen uh hi.

America zinlina lam vaisai pawl ( Geological Survey) te gena ah zinling kipatna pen leinuai Kilometer 20 a thukna pan kipankhia ci in gen uh hi. Tuipi tawh kinai a om Lalibertad khuapi zongah mi a sawm asim a tun a banna kithei loin, mangcip uh ci hi. Tua tuikulh ah zinling masa akipat zawh nai tampi sung mah zinling kizom lai ci hi. Kumpi thuneihte genna ah,tuipi tawh kinai a om khuate ah tuhual nasiatak kiloh/ kihual ahih manin, khuapi pawl khat nawk gawp ci hi. A hi zongin Tsunami bel pianglo bilbel ci in, thuneite gen uh hi.

Source: VOA English

Translated: Pa Kham Khan Suan(Artist Kyaw Kyaw Oo)
 


Comments




Leave a Reply

    Tungzang News

    All