WWW.TUNGZANGNEWS.COM

 
Picture
Nu. Go Sawn Cing
TZN: India gam, New Delhi khuapi ah Zomi gambel ( Refugee) aa om Pa Pum Ngaih Khual le Nu. Go Sawn Cing te innkuan inh, March 18,2012 ni (9:30 Am, India Time) in ah a innsaapna  Vikaspuri Veng sungah mivom ( Kala) khat in vuagawp, satgawp ci hi. Hih sapna vuakna hangin ah lung-am in om aa, inn kiangnai ah om zato khat kipuak pah ci hi. A hang pen: amau innkuan pen mundang ah innsaap dingin inn sung vanzatte a kaihkhop laitak un ah, a inn nei nu ( Innteek nu) va pai in innsap vai holimna neihpih ci hi. Tua kihona pan lungkimlohna le kitelkhialhna tuamtuam tawh nasiatak kisel in kitawng buai suak uh ci hi.

Tua bang buaina a pian ciangin Mivom nupi nu in a tapa samin, a tapa in thagum hatthu tawh vuagawp in  buaina lianpi piang uh ki ci hi.

Inn sap haksa ahih manin, ni (4) sung ka zong thapai uh " Pa. Pum Ngaih Khual in gen hi. Tua a zekaina hangin " kha khat aitang ding hong pia un" ci-in, innteknu in sum ngen hi. “Ko zong tulaitak sum ka nei kei uh hi ci gen kik in nitak ciang in ah hong pia nung ci in ka dawng kik le lungkimlo ahih manin, inn nei nu tapa in thakhat in ka maitang van kemkem in ah ka om laitak hong tum in ka zi zong a gawlmek cip” ci in gen hi..

“Tua bang a gawl a meksak ciangin ka zi in thuak zo nawn lo ahih manin ah, leilak ah puksuk in sibup in tho zo nawn lo”
ci-in Pa Pum Ngaih Khual in gen hi. Tua zawh a sawtlo in ah kei zong Zomi Innkuan makaite samin palik te kiangah thu ka zasakna (Report) ka puak pah uh ci hi.

Delhi Zomi Innkuan makaiten zong thakhat in delhpah uh aa, Police te' sawlna bangin akiim nai a om Zato (Clinic) ah Nu. Go Sawn Cing puak pah uh ci hi. Palik te in zong tua inntek te' kiangah sum le pai a bei zahzah napiak ding uh cih genpah ci hi. 

Nu. Go Sawn Cing clinic zato ah nitak (4:00pm) ciang dong tho zolo in gim semsem ci hi. A hi zongin Siamah te in hoihta the ci in ciahsak pong mawk ci hi. Hih pen Zomi Innkuan makaite heh in kitawng dik phial uh ci hi. Clinic zato ah Doctor te leh a hih mivom Kala (Vai) inntekte kigulluk uh ahih manin tua Clinic zato ah ki-om thei nawnlo in ah mundang ah Delhi khua sung ah a hoih mahmah kumpi zato Deen Dayal Upadyay- ah puak in tua lai ah Emergency Room ah kikoih ci hi. Hih zato pen  Refugee te zat mahmah khat ahih manin lungmuan om zaw uh hi.

Doctor te n en ( Vel) pah in sung lam zaihna ( X-ray) tawh zaih in limtak in velpah uh ci hi. Tua laitak in ah palik te pai in ah hih cina nu thudong in in kamlet te leh a paite in limtak in ah ahang teng genpah uh ci hi.

Tua zawh asawtlo nitak lam (9:30pm) ciangin zato lum ding pen hoihta teh ciahkik ta un ci-in, ciahsak kik leuleu uh hi. Siahuan te in zato pan bang hang in ah ciahsak kik hiam cih pen a thu kician lo hi. Muanmawhna ah vai inntek pa leh palik te kigulluk kik hi ding in ah ki ummawh hi. Tua bang pi mah in ah cina nu Nu. Go Sawn Cing in a ki puakna nasa mahmah in lupna tungah zawm dikdek in om lumcip ci hi.

Amau Innkuan pen abeisa 2010 kum January kha in Kawlgam Sagaing Division pan gambel ( Refugee) in, New Delhi ah tung uh ci hi.  A innkuan un mi 5 pah uh in a tate a lian pen kum (9) pha pan in, nektawm zongin Kawlgam refugee te' lakah buhciim tuihuan in a nungta innkuan khat uh ci hi.

Tua ahih manin ah Kawlgam pan New Delhi ah Refugees lut aa, a paite pen tualsung mivom Kala (Vai) te simmawh thuakin, nisim phialin ah piang den ci in kiza hi.

Tua bang thubuaina a om ciangin thuman, thudik a hih zenzen hangin, palik te in amau lam mite gum den uh ahih manin, tualsung mite, a thu kizo ngeilo uh ci hi.

TZN: Source: Sia Minthang ( Tongsan Reporter, New Delhi)


 


Comments

Nang Do Lian
03/22/2012 19:44

Hih thu pen hoih kei mahmah ei guai te Zomite in thungetna ah panpih phawk ciat ni!

Reply



Leave a Reply

    Tungzang News

    All