WWW.TUNGZANGNEWS.COM

 
Hong tung ding April 2012 Nipi masa sung akinei ding Kawlgam Kilaiphum kitelna(Bi-Election)ah kiteel zia tawh kisai thumantak le suakta tak kibawl theihna ding deihna tawh gamsung /gampua lam pan a encik pawl khat koih dingin Kawlgam tawh kisai UNO palai khatin genkhia hi. Kawlgam kumpi in "Kawlgam kikhelna ding ka bawl ding uh hi" ci in leitung theih dingin a pulakna sa tawh kizui-in, a kamciam bangin sem takpi/ takpi lo cih akitheih khaitna dingin Kyapyat kitelna (Election) sungah gamdang mi a encik nuamte Kawlgam sungah suaktatak lutsak ding cih thu UNO General Secretary i Advisor pa Mr.Vijay Nambiar in abeisa ni 5 sung Kawlgam hong zina pan amuhkhiat thuteng Feb. 25,2012 ni New York, UN zumpi akibawl Tele-Conference tungtang ah genkhia hi.

Hong tung ding 1 April,2012 ni ciang akibawl ding Kyapyat kitelna(Election)te lamdangsak huai leh vai thupi khat a ngaihsut dingin gen lai hi. Hih kiteelna in nidang hun a kiteelnate tawh kibang lo a, mipi te santheih le uphuai kiteelna ahih ding kisam mahmah ding cih thu zong gen uh hi. Tua banah akihel ding Party khempeuh zong suahtatak leh lungkimhuai takin hun manpha angah theih ding uh kisam ahihna thute zong a kimuhpih Kawl kumpi thunei makaipite le kipawlna party tuamtuamte tungah genpih cih thu kiza hi.

UNO palai Kawlgam hongzin sungin kumpi lam a thunei teng banah Daw Aung San Suh Kyi le Kawlgam sung a om Democracy pawlte, Mual mite kipawlna(Ethnic Group)te, Mipi kipawlna tuamtuam te akipan Ulian honpikhat tawh akimuhna thute UN Meeting ah sunghkhia thei ci hi. Kyapyat kitelna ah a lut sawm ahi Daw Aung San Suh Kyi akhualzinna mun khempeuh ah nidang hun mah bangin, a nawngkaisak nuam leh abuaisak nuam khawng om veve cih a zakna thute zong UN Meeting sungah pulakkhia ci hi.

Kitelna(Election)ciang a akisam huhna leh atuamtuam te tuni ciang dong UN te kiang ah bangmah genna/ ngetna om nailo hi. Thein Sein genna ah Lailut kitelna(Election) a encik dingin ASEAN makai pawlkhat kisam ding cihthu zong gen uh ci hi. Tutung Lailut kiteelna (Bi-lection)a ding UNO te kiangah huhna bangmah ngen lo a, mai 2015 kum Kawlgam bup kiteelpi ciangin UNO in a panpihna ding Kawl thuneite tawh akikupna thute zong UN Meeting ah sunghkhia cih kiza hi.

Tua banah hih lailut kiteelna bek tham loin, Kawlgam ah kikhelna limcitak a pian theihna dingin mualmi thautawi teng tawh Hiamkhamna (Cease-fire agreement) nei a, khat leh khat ki-it kilem a, nasepkhop theihna ding vai thupi mahma khat ahihna thute zong UN Palai in UN Meeting pulak lai hi. Tua zomah tuni ciang dong abuai lai ahi Kawl kumpite le Kachin kidona hang a inn leh lo nusia a gamsung a galtai Kachin minamte tawh kikal thute zong a manlang a veensak mengmeng theihna ding thupi ahihna te zong genkhia hi. Gamsung mite vai, Sumbawlna lam(Economic) lam khantohna ding, cidamna lam(Health)leh pilsinna lam(Education), mi khempeuh nasep ngah theih nading(Show Job)cih te akipan a manlang a khantohsak mengmengna ding kisam ahihna thute zong gen lai hi.

Tua bang teng aseptakpi uh le Kawlgam kumpi pen khantoh lam manawh in kikhel taktak hi ding ahih manin,abeisa hun sung a Leitung gam tampi in a mawhsakna le a guhgawina (Action)a bawlnate panin, lakhia kik leh angeina bangin kizoppih kik ding thute
UNO palai Mr.Vijay Nambiar in UN Zumpi Meeting sungah genbeh hi. Tua bek tham loin, US in abeisa kum 10 a sim sumbawlna lam akipan a khaktannate khempeuh pan lungdam thuhkikna tawh kawlgam sungah pilna siamna anei mite pantah in, akisam bangbang panpihna le nasepkhoppih kik ding cih thute zong pulak cih kiza hi.

Translated by:Pa Kham Khan Suan (Tongsan Translator)
 


Comments




Leave a Reply

    Tungzang News

    All