WWW.TUNGZANGNEWS.COM

 
This is your new blog post. Click here and start typing, or drag in elements from the top bar.
Picture
Yangon University kipuah sawm
Kawlgam ah pilsinna University sung pan a om masa pawl le a minthang pen khat a kigen ahi Yangon University pen Leitung tawh kiliangko kim ( International Level) ah akhantona ding le a minthangna ding ngimna tawh nasiatak puah ding ngaihsutna kinei a, America gamah sang minthang mahmah khat ahi John Hawkins University te leh Yangon University te kipawl khawm in akisam thu tuamtuam sulkanna (Research) bawlkhawm uh a, US$ million asim bei dingin mukhia ci hi. Tua sum bei dingte tawh kisai vaipua pi ding pen US mihau khat hi-in, American University te in a sawt loin piakhia ding cih Kawlgam pilnalam vaisai pawl (Ministry of Education) Deputy Minister U Aye Kyu in gen hi.

Tua John Hawkins University te le Yangon University tawh na asepkhop theih nading thuin Naypyidaw a om(Ministry of Education) panin thusaipi teng tawh kimuhkhopna nei khin bek tham loin, US University lam a thuneite zong ahun zui-in pai zelzel dingin kikupna nei uh ci hi. Tuni hun ciang dong Kawlgam University a thupi pen ahi Yangon University leh Mandalay University te pen Research akibawl lai in, University Level hi lai a, Yangon University pan (National University) ciang atun theihna ding ngaihsut leh septoh lai ding kisam a hihna thute zong kikum uh hi.

Dr. Tun Khin in agenna khat ah, " Leitung a minthang  US Sang te leh Kawlgam Sang te hong kibelpawl theihna tung tawn in, Laihilhna (Teaching) tawh kisai zong US te mah tawh Level kikimtoh theihna ding bek tham loin, laibu zat (Text Book)te zong leitung University minthang te tawh (Level ) kikim in Kawlgam University te zong khangto thei pah ding hi " cih a ma muhna pulak hi. Tua manin mai lam Khangthakte ading lungdam huai le lametna lianpi om ahih manin, Zomi khangthakte zong hanciam mahmah ding kisam ta hi.

Tua hun ciangin  Yangon University ah gamdang sang minthang te kiang'pan laihilh Siapi (Visiting Professors)te hong pai in, lai hong hilh ding thute hangin lunglawp huai mahmah hi cih zong gen lai hi. Tua bek tham loin Leitung pilna lamah Kawlgam zong khantoh lam manawh ta ahihnate thute March 15,2012 ni a kihawm Kawlgam thuthak kizakna " Popular News Journal " tungtawn in genkhia hi.

Translated: Pa Kham Khan Suan (Tongsan Translator)


 


Comments




Leave a Reply

    Tungzang News

    All