WWW.TUNGZANGNEWS.COM

 
Picture
TZN:Malaysia gamsung ah gambel naupangte sang a kahtheihna mun 100 valbang om a, sangnaupang zong 5000 val nisial in sangkah in ki om zihziah hi. Gambel in aompak ihhih hangin sangkahni simin ei lam a sangkahdan mah in inn pan kithawi in Full Time hunbit in akikah ngekngekthei hibilbel hi.

Sangnaupang tezong sang kakahding hi mah kicitek in laideihna lungsim tawh thungkuah, laikung-laidal pua in kipaiciat hi. A lungdamhuai khatah 2011 kum akipan in Malaysia kumpi te'n gambel sangnaupang te'nzong gammite tawh kibang in laivuan theihna ongpia uhhi. Tuapen Form 5 amansa te kiheltheih hi a, Malaysia gamah gambel sangnaupang te lakpan laitan a sangpen akahtheih uhzong Form 5 ciang hiphot hi.

Malaysia gamsung ah Form 5 SPM (Sijil Pelajaran Malaysia) akici kumpi laivuanna pen laivuanna lakpan a thupipen khatzong cihtheih ahihi. Kawlgamdan hileh Tan 10 (GCE 'O' Level) tawh kibang cihtheih hi aa, a hizong in Kawlgam Tan 10 sang in sangzaw thamtham hi. Hih gualzawhna a ngahtebek College leh University zomsuak theipanbek uhhi.

2011 kum SPM laivuana ah Zomi naupang khat a hi Tg. Jerome Khailek in a lungkimhuai mahmah gammi naupang te tawh liangko kimin gualzahna hong lakhia zo hi. A mah pen tulaitak Harvest Centre ah Upper Primary Class sangnaupang te laihilh kikpah in Maths Assistant Teacher a sep laitak ahihi. Malaysia hongtunzawh kumkhat valdeuh khitteh hih Malaysia gammi te laivuanna ah ava kihelthei hi a, gammi te ading inzong ahamsa mahmahkhat ahi hih laivuanna pen lungkimhuai takin gualzawhna onglaktheih manin ZomiDaily pan ih lungdampih mahmah hi.

Hih SPM laivuanna ah akihel Subject tengpen anuai abang ahihi.

  • Bahasa Malayu - Malay Lai
  • Bahasa Inggeris - Manglai
  • Pendidikan Moral - Moral
  • Sejarah - Geography
  • Mathematics
  • Science
  • Additional Mathematics
Subject pen akigawm in 7 bang hi a, tua Subject tampi lakpan Mathematics leh Science tegel pen Distinction ong ngahkhiamawk ahih manin gammite nangawn in lamdang saliang uhhi. Zomi te'n mailam khantoh nading in pilna mah thupisak in sanghoihtak ihkah tekding tha kipia ciatni.

TZN: Source: ZomiDaily


 


Comments




Leave a Reply

    Tungzang News

    All