WWW.TUNGZANGNEWS.COM

 
Picture
Akiselcip Vanlengte Tokhia kik ding
Leitung galpi nihna ( Second world war ) hun a Mangkangte in Kawlgam sungah a phum/ sel uh galvanleng (Spitfire) namte 20 pen Kawlgam kumpi tawh kipawl a tawhkhiat/ lakkhiat dingin nung Nipi sung a Kawlgam hong zin England Prime Minister David Cameron in President U Thein Sein tawh thukimna nei uh hi. A beisa 1945 kumin Kawlgam sungah Japan te hong lut uh a, Mikang galkap te a hawlkhiat ciangin tua galvanlengte Japan te'n angah / suksiatsak ding launa tawh England galkapte in leisung ah a phum/ sel uh ahi hi.

A hi zongin Japante in gal hong lelh mawk ciangun, tua Mangkangte sel ahi galvanleng te pen phawk kha man nawn mahmah lo ahih manin, Kum zalom khat kim Kawlgam galkap kumpite khut nuai ah Tawhkhiat/ lakkhiatna ding phalna ngah lo uh ahi hi. Tua gal vanlengte pen akikoihna/ kiselna lei sungah Singkuang tawh limtak kikoih in, a kilemtuah/ kibuptuah nai lo, Plastic tawh kituam in athak sitset in kikoih ahi hi. 

Hih England te' Spitfire galvanlengte pen abeisa 1940 kumin Germany te' galvanlengte tawh kikap/kidemna om ngei-in, a gualzo leh athahat galvanleng te ci-in akitheih banah aminthang leh Germany te tungah gualzawhna angahna hangin, hih vanleng te in,Mikang (British) te dingin, minam vai (National Trade mark) khat suak ahi hi. Tuhun laitak in leitung ah ahoih lai le alengthei lian Spitfire galvanleng 35 bang bek om dingin kingaihsun ahi hi. Tua galvanlengte tawhkhiatna ding vaite le nidang a vanleng te i taangthu (History) sung a, athupi mahmah khat ahi Spitfire galvanlengte zonkikna le buptuahkik nading tawh kisai vaite khempeuh sem khawm dingin Mikang thunei khatin genkhia ci hi. 

TZN: Source : BBC,News
Translated: Pa Kham Khan Suan(Tongsan Translator)



 


Comments

Cin Pi
04/17/2012 11:34

Basis mahmah ei huh song thuhoih khat may hi.

Reply



Leave a Reply

    Tungzang News

    All