WWW.TUNGZANGNEWS.COM

 
Pa Dal Khup' zi Nu Cingpi in leitung nuntakna nusia

Malaysia gam Klang sung ah April 10, 2012 ni-in lampitung tuahsiatna hang tawh hong nusia Pa Dal Khup (Ngalbual Khua) ii a zi Nu Cingpi pen, innkuan bupin tuahsiatna a tuahzawh uh aa kipan Klang zatopi-ah kikem, kikhoi toto hi aa, April 13, 2012 zaan kim pawlin, ama aa ding ki ciangtansa hun cingta ahih manin leitung nuntakna nusiata hi.

A tano (Kum 2) pha apeeng lakpan a nauzaw pen April 12, 2012 ni-in zato tuakthei hi. Ama lim/photo pen attachment ah ki enthei aa, ithuai takpi-in, zato tuak cih hangin naupangno khat ii thuaklah mahmah ding pumpi natna tampi neilai ding hi. A lungsim zong hong cidam ding thupi mahmah ding hi.

A uzaw ahih leh GHKL zatopi-ah kikem hi aa, akhuaksung lam operation bawlkul ahihna tawh kizui-in, ni li sung bang ihmutna ding za kisun/kipia ahihi. April 14, 2012 ni ciang siavuante'n vel leuleu ding uhhi.

Panpih ding hanthotna

Cimawh dongtuak Zomi sanggamte innkuan aa dingin, zato kilahna aa beiding tawh kisai, UNHCR-IAD in ahun sim mahin athu hong theihpih toto lai uh aa, IOM lam ah hong zopsak uh in, IOM in USA kumpi lampang ciangdong tawh hong zopsak ding thu kiza hi.

Ahi zongin, hibang dan gamthumna tungtheita dinmun a tungkhin sihna atuak ki-om nai lo ciding maw, IOM in zong policy/procedure khat nei hamtang ding aa, zato vai aa bei dingte hong piaksak ding maw, piaksaklo ding ki genthei nai vetlo hi.

Tua ahih manin, a nungtalai a hehpihhuai mahmah Zomi naupangnote unau mailam ding ngaihsutsakna leh a tanau meltheihte ii van gikpi puakpih zawhzah ih puakkhop theihna ding ngimna tawh sum leh pai tha lamah panpih ciatding ZAM pan akuama peuh tung kong hanthawn uhhi.

Hihtawh kizui-in, ZAM EC kikupna tawh, a masa-in Malaysia gamsung aa om biakna pawlpite, pawlpi mite tung, panpih ding hanthotna lai khatta ong kihawm ding hi. Hih pen, ahun simin Zomi vai aa naseppih Pawlpi Sia, Makaite tawh ma ih pan'khop kisam leuleu hi.

Pawlpi mintawh ahikei zongin mimal mahmahin zong van gik ih puakpih zawh tekding kong hanthawn phapha uhhi.


TZN: info ZAM

 


Comments




Leave a Reply

    Tungzang News

    All