WWW.TUNGZANGNEWS.COM

 
Picture
TZN: Kawlgam, Kachin State sung a om Irrawaddy gun naak a Sen (China) CPI Company te' lam Myitsone Dam Project pen abeisa September 30,2011 sungin adiakdiak Kachin mite le Kawlgam mipite' deihlohna lahna in nasiatak lungphona kinei a, tua hangin President U Thein Sein in zong ama hun sung peuh mahin zopnawnloh ding le / khawlna ding khauhtak thupia in kikhawlsuak hi.

Tua bang kawm kalah asawt lo nung sung teng akipan in sepkik/ kipan kik dingin Kumpite le CPI Company te hong kithawikik leuleu uh a, Sen CPI Company pan Engineer te leh nasemmi (Labour) akigawm vekpi mi 500 te Kawlgam sungah tawmvei om theihna letmat Permit (Yellow Card) ngah theihna dingin Kachin State Chief Minister le KhayingTung-Myitkyina kikal kizopna lam vaisaipipa phalna (Signiture) te ngen khinta cih thu Kachin mipite' Kizopna lam vaisaipawl (KDNG)te'n phuangkhia ta cih thuthang kiza hi.

Tua bek tham loin Myitson Dam Project nasepna dingin Set pite le akisam van tuamtuamte ahi Diesel Ton (1,000), Datsi /Petrol (200) Ton, Bitlatme /Concrete (10,000)Ton, Lamto set /Bulldozer(5), Leiluahna setpi (6), Leipua motorpite (8), leh Mituanna motor (20) banah adang leilam nasepna ding akisam setvan tampi banah, Antang tuibuk,nek le dawnte Sen le Kawlgam gamgi Kanpaihtee Border Gate pan Phiangsiah (Tax) pialo a kullo akilutsak theihna ding thute khempeuh zong Kawl kumpi tungah ngetna nei khin ta uh hi.

TZN: Source: Kachin Journal, Tongsan
Translated: Pa Kham Khan Suan(Tongsan Translator)


 


Comments




Leave a Reply

    Tungzang News

    All