WWW.TUNGZANGNEWS.COM

 
Picture
TZN: Kawlgam tungah leitungbup in sum le paii bawlna lam khaktanna, le Gawtna ( Sanction) a neihna uh tawh kisai tutung April 1,2012 ni akinei Lailut kiteelna (By-Election) tungtang thudik/ thuman takin Mee kipia/ kipia lo cih limtak etcianna tungtawn in khensatna nei ding cih thu ASEAN gam makaite in abeisa hun in kamciam piakna nei khin uh hi.

Tua kamciamna om sa mah bangin lungkim huaitak in Mee kipia banah Daw Aung San Suh Kyi makaih NLD party in gualzawhna hong ngahna taktak ahih manin, Nitumna gamte in Kawlgam tungah gawtna aneih nawnloh na dingin Vietman gam Phanompin khuapi ah ninih sung akinei  ASEAN khawmpi pan ASEAN gam makaite in thumsak dingin pulakkhia ta uh hi.

ASEAN gam sungah Kawlgam pen a zawng penpen gam khat hi-in, abeisa kumpi ki ukna diklohna hangin leitungbup in Gawtna pia uh ahi hi. Hih bang a ASEAN in a thumsak theihna bulpi pen Kiteel ma in ASEAN gam sung le leitung gam tuamtuam pan Mee kiteelzia tawh kisai a etcik dingin thukante lutsakna ding zong Kawlgam kumpi phalna pia uh ahih manin, ASEAN makaite in zong a kamciam bangin seppih/ panpih uh ahi hi.

Tua bek tham loin, ASEAN khawmpi ah Asean gam makaite khempeuh in zong Kawlgam ah Democrecy kimakaihna man/ dik taktak om ta ding ahihna thu hangin President U Thein Sein tungah lungdampihna pulak ciat uh ci hi.



TZN: Source : Internet

Translated : Tongsan tanute


 


Comments




Leave a Reply

    Tungzang News

    All