WWW.TUNGZANGNEWS.COM

 
Picture
Motorcycle Accident hangin Malaysia gammi khat alu heek
(TZN) - Naupangno te genloh ulian te'nzong muleng sikha hiam ci'n aki lauphialding ahi Mohd Izanuddin Hisham Muhamad kici minnei khatpen alu alangbek ommawk hi. Mohd Izanuddin Hisham
Muhamad pen kum 24 phakhinta a, amahbel ki ngeinaseh mahmahta cihi.

Malaysia gamsung Kelantan State sung aom Kampung Kubang Panjang kici khuaneu khatpan hi a, leitungdang pan ongpai Alien te hiam cihnop huai phial hi.

120422luheek

Ahi zongin hipa pen alu aphellang bektawh anungta ahih hangin midangte mahbang in cidamlel a, lametna kimuanna lianpi tawh leitung nuntak nuamsalel ci'n Harian Metro News te'n genkhia hi.

Mohd Izanuddin Hisham Muhamad pen unau thumlak ah a golpen hi a, tuma kum 3 lai in Accident nasiatak tuak ahih manin alu hibang in apiang ahihi. Motorcycle tawh nasep aciah laitak Motor dangkhat in ama Motorcycle phukha ahih manin Meter 2 bang kilawk a, singkungpi khat ki denna cihi. Motorcycle lukhu zong phelnih kisuak ciliang hi.

Zato ah kha 3 sungbang alupkhit akhanlawhkik ciangin "kalu anadepgawp katheipan" ci'n genkhia hi. Amahleh amah limlangh sungah aki etciang in lamsangsa leh linglawng gawp in tawlpikhatsung apianzia sangzolo sangtheilo in khasia mahmah cihi. Zato pan aciahciang in naupang amupeuh in lau in kap sawnsawn uh ahih manin, amahzong apianzia khasia mahmah hi. Alu aheek banah tudongmah zatui kibawlna leiba RM12,000 bang omlai ahih manin lungkham mahmah uh cihi.

Zogam sung adiakdiak in Kawlpi ah Motorcycle tamlua mahmah in Accident omden cih kizamun mahmah hi. Accident apiankhit ciangin anungzui lungkham sinkhamna te zong thuakbaih hetlo banah sumlepai zong tampitak ki beilawh hamtang thei hi. Ngaihsut huai.

TZN: ZomiDaily

 


Comments




Leave a Reply

    Tungzang News

    All