WWW.TUNGZANGNEWS.COM

 
Picture
Thailand gamgi ah Gambel a om te Kawlgam Kiciahsak ding
(TZN) - Thai le Kawlgam gamgi ah abeisa hun sawtpi lai akipan gambelte' omna phual ( Refugee Camp) a om Kawlgam mite Thai kumpi thuneih te'n Kawlgam puakkikna ding vai tawh kisai dongtuakte ngaisutna thu kaikhopsakin suaktatak ngaisut piakna le sazian lakna thak khat bawlsak uh cih thuthang kiza hi. 


Tua bangin Sazian lakna a bawlna thu bulpi pen Kawlgam Kumpi in Mualmi (Ethnic groups) teng tawh kilemna (Cease-fire) a neihkhop laitak dongtuak Refugee Camp a om mite le gam sung lam a Politics vai tawh dongtuak (IDPs) te a omomna mun ciat pan sapkik sawm bek tham loin, a tenna inn le lote uh piakkik dingin geelna nei uh a, hih bang nasepna pen Kawlgam sung a tengkhawm unau sanggam khat le khat ki-it,kilemkik nading vai thupi mahmah ahih manin,akipatkik hun sungah hihbang ngaisutna le piakna le sazian lakna kinei ahi hi.

Thai gam le Kawlgam gamgi dung teng a phualsat ahi dongtuah Refugee Camp te pan Karen dongtuahte tawh kigawm vekpi Refugees 150,000 bang om uh a, Kawlgam sung  a om galphualte pan akhua atui nusia in, gamsung a galtai a phualsat akikhin kawikawi thei  Refugee vekpi mi 1500,000 bang pha khinta ci-in, (NGOs)te' sazian ciamtehna tungtawn in kitheikhia hi. 

Dongtuak te mite huhna apia den ahi  Thai le Kawlgam gamgi dung a om Thailand Burma Border Consortium (TBBC) pan Director Selly Thompson in agenna ah, " Thailand Kumpi thunei te Refugee Camp te ah hawh kawikawi uh a, a beisa March kha kim pan kipan tuabang dongtuah mite i deihdan le ngaisutnate piakna sazian lahna te aneih nathu te uh le Camp khat ah mi 100 ta telkhia in amau i deihna ngaisutpiakna neihsakin holimna (Interview) neihpihuh ahih nathu genkhia uh hi.Miss Thompson in dongtuah le gamsung galtai Refugees te amauh koilai painuam amailam dinguh bangteng semnuam cih teng akithei nading a thukidong a akikaikhawm nadan hi ci'n zong gen lai ahi hi.

Gam thumna pai a a gammi suah nading bel Officially taka matpongten (Register) angahsa Kawlgam mi Refugees te bekin siauhthei (Apply) a neih sam hangin Refugee Camp tampite ah (Register) angah nailo mithak tampi mah om lai cih kiza hi. TBBC te i kaihkhopna sazian sungah gam thumna atung khinsa le ateng khin mi 70,000 bang kiphakhin ahihna thu zong pulakkhia uh hi. Tua bang a sazian kibawlna Camp te in mi tampi omna Mae lah Camp le Mae Hong son Province sung a om Karen Ni Refugee Camp te ahi hi.


Mae Lah Camp pan a President Ko Saw Tun Tun in agenna ah, " Thai Kumpi thuneihte in abeisa nipi sung hong pai-in (1) Kawlgam
ciahkik nading vai (2)Gampi thumna paitheih nading vai (3) Thai gam mualtung mi matpongten(ID)ngah nading (4) Ei
i deihna khat peuh gending
 ...cih hih thu nam 4 teng dongin kiciantaak nailo ahih manin, dipkuathuai le lungmanhuai lai mahmah ci in gen hi. Tua banah mi bangzah Kawlgam ciah kik nuam? Gam thumna kuateng pai suak nuam? Thai gam ah akuateng om suak nuam lai cihte le Percentage bangzah ciat pha cihteng Thai Kumpi thusaite in thei nuam ta uh ci hi. Ko Saw Tun Tun in agenbehna ah tulaitak Thailand gamgi a om Kawlgam mi dongtuak te puakkik ding tawh kisai-in, tu ta dih piangthei peuh mah nai lo ding a, akipuak veve ding le zong a tawm pen tuzawh kum 5 bang ngak lai kul hamtang ding ahihna thu pulakkhia hi. 


Tua banah Kawl kumpite in hih gambel dongtuak (Refugees)te sapkik asawm takpi leh kumpite tawh kikupkhop ding le sepding bawlding thu tampitak om a, adiakdiak in Karen gam sungah akoih uh bomb (Mine) kisiah tampi tak om lai ahih manin, tuate hepkhiat masak phot ding banah teenna ding mun le gam koilai hoihpen cihte akipan telkhiatsak ding kisam masa ding ahihna thute gen hi. 

Kawl Kumpi le thautawi Mualtungmi (Ethnic Groups)teng in Cease-fire agreement a bawlkhit ciangin Thai gamsung a om Refugee Camp khempeuh kikhakcip pah ding ci in, Thai Kumpi thuneite in gen ahih manin, hih thute limtak kankhiat masak lai ding kisam ahihna thu Miss Thompson in gen hi. Kawl Kumpi lam pan kilemtuah bawl ding akoih uh Palai (Peace Representative) le Minister khat ahi U Aung Min in agenna ah, " Kumpi ten gamsung dongtuak (IDPs)te le galtai dongtuak ( Refugees) te anih un mai June 2012 kha guahtui kiat ma in, samkhia mangin a maute omna ding le akisam tuamtuamte akipan vaihawmsak ding cih thute gen hi.

A hi zongin UN thunei khat ahi Miss Selly Thompson in bel tua bang ahun genkholna le ciangtannate pen uphuai lo le piang thei pak ding thu hi lo ci in gen hi.Thai le Kawlgam gamgi (Border) ah phualsat Refugees teng sangin, Kawlgam sungah galkikapna hang a inn le lo nusia galtai dongtuak mitampite thupi ngaihsut masak zawk ding le Kawlgam Kumpi ten mun le mual piakik/bawlsak masa ding kisam masa zaw hi ci in genbeh lai hi.


Tua hi a, Kawl galkapte le Mualmi thautawi(Ethnic Groups) te kikap/kidonate hangin mi atul a sim galtai dongtuak in abeisa kum sawm lomnih lai akipan Thai le Kawlgam gamgi (Border) a om Refugee Camp te ah galtai dongtuakte tuhun ciangdong bei thei nailo ahi hi. UAE gam a om The National Online i thuthak kizakna khatah, Refugee Camp teng kiphiat a Kawlgam ciaksak kik ta ding ahih manin,tua dongtuah mite akem akhoi Mae Sot aom zato minthang khat ahi May Thaw Clinic zong huhna sum alang (50%) kikhiamta cih thu kiza hi. Tua bangin Refugee khempeuh kiciahsak kik mawk le Kawlgam ah nuntakna abul pan kipat kik kul ding ci in, mi pawlkhat Malaysia lamah UN siau ding taikhia cih kiza hi.


TZN - Source : Reuters
Translated : Pa Kham Khan Suan(Tongsan Translator)


 


Comments




Leave a Reply

    Tungzang News

    All