WWW.TUNGZANGNEWS.COM

 
(TZN) Kawlgam kikhelna tungtang ah Democracy tawh kalsuanzia kisai kician nai lo le thanemnate hanthawn ding le tawsawn dingin, President U Thein Sein i sapna tawh Mr. Ban Ki-Moon (UN General Secretary) in April 28,2012 ni-in Kawlgam a pai sawmna thu April 23,2012 (Monday) ni-in pulakkhia hi. Tutung Mr. Ban Ki-Moon i Kawlgam hong zinna ah sauvei tam sawm cih thu UN zumpi thuphungte in gen uh hi.

America ,European Union(EU) le adang gam pawlkhat te in Kawlgam a guhgawina (Sanctions) khaktanna le thubawlna (Action) a hepkhiatsakna le a khiapsaknate hangin Mr.Bang Ki-moon in pahtakna thute pulak bek tham loin,mai lamah Kawlgam a thakin akipuahphat /kilamkikna dingte ah lungkimhuai nailo le kalsuan zia limtak etphat mahmah lai ding kisam asakna thute gending ci hi.

Abeisa kum tampi sung Kawlgam tungah sum bawl sumzuakna lam kizopnate guhgawina le khaktanna (Sanction) anei Europe gam sung a mihau le mipil kipawlna ahi European Union (EU)te in April 23,2012 ni-in, tua guhgawina (Sanctions) te khempeuh kum 1 sung khawlsak a, ahon kiksakna ding thu taangko khia ta uh hi. Mr.Ban Ki-moon hong pai hun tawh kizom in Kawlgam ah abeisa April 1,2012 ni akibawl lailutkitelna (By-Election) ah gualzo NLD Party pan Hluttaw Representatives teng April 23,2012 ni akinei kik Hluttaw khawmpi ah kiciamna (Commitment) a bawlna pan kammal pawlkhat pulakna hangin Hlutdaw makai lamte tawh thukinialna tungtawn in Hlutdaw Khawmpi ah NLD makaipi le tangmite kihelthei lo ahihna thunawngkai khat tawh kituak hi.

Tua thu tawh kisai-in President Thein Sein kumpi le NLD Party te kikal akitelsiamna le akilungkim kik theihna dingin Mr. Ban Ki-Moon (UN Secretary) in palai semin lemtuah kik thei ding a lametna thute zong gen hi. Mr. Ban Ki-Moon pen Kawlgam ah tutung  a tawh anih vei hong zinna hi-in, Kawlgam kikhel lam a manawh khit akhat veihna hi-in, Kawlgam hongit le hong vei taktak ahih manin  Kawlgam mite ading lungdam huai mahmah hi cih thu UN zumpi a thuneite in pulak khia uh hi.

TZN: Source : BBC News
Translated : Pa Kham Khan Suan (Tongsan Translator)


 


Comments




Leave a Reply

    Tungzang News

    All