WWW.TUNGZANGNEWS.COM

 
Picture
Delhi ah Zomi Women Union ki nei hi cih thuthak
India,New Delhi khuapi ah gambel a om Zomite in biakpiakna pawlpi 8 kim bang nei in, tua pawlpite ah makai le Sia/ pastor nei ciat uh ci hi. Gambel a hihna uh tawh kizui-in, numei naupang zong tam uh ahih manin, abeisa July 7,2004 ni-in Pi Vung makaihna tawh " Zomi Women Union (ZWU) " ci-in Numei Kipawlna khat phuankhia a, thu tuamtuam hang tawh deih bangin manawt zolo ci hi.Tua bang kawm kalah Pasian thukimpihna le deihsakna tawh April 22,2012 ni-in BAG biakinn ah kipanthak kik uh a, Delhi khuapi sunga Zomi pawlpi sia/ pastor khempeuh le Numei vekpi gawl 160 val kikhawm i, thungetna le lungdamkohna nasiatak nei thei hi. Hih Zomi Women Union ( ZWU) honna le biakpiakna hunpi sungah Zomite ading thulu tuamtuam tawh a nuai a bangin thungetkhopna, lungdamkohna le lasakna cihte tawhZWU honna thupitak nei thei cih kiza hi.- Delhi a om Zomi te ading mawhsutna BAG pawlpi kem Pastor Thangpi in makaih.
- Delhi a om Zomi te kipumkhatna ding thungetna ZZBC pawlpi kem Sia Langh in makaih.
- Delhi a om Zomi te ading lungda koh thungetna BAG Sia Langh in ong makaih.
- Delhi a om Zomi  Refugee te ading thungetna ZCD Pawlpi keem Pastor Do in makaih.
- ZZBC Pawlpi nupi te lapawl 
- ZCD Pawlpi nupite lapawl... cih bangin hungeelna nopcitak kinei hi.


Hih ZWU kipawlna pen gam sung gampua Zomite' sungah Numei kipawlna a masa khat hi dingin kilamen ahih manin, Zomibup ading angtan huai le lungdam huai mahmah thuthak khat ahi hi. ZWU khansawt hong cidamna ding le leitung thu, kha thu akipan Zomi numeite' kilapsangna ahihtheihna ding Zomi akua maciat in thungetna ah phawk ciat ni. 


Thupuak : Siamah Sanleek ,( ZWU- New Delhi)


 


Comments




Leave a Reply

    Tungzang News

    All