WWW.TUNGZANGNEWS.COM

 
Picture
India gam ah Tembaw Kibungin Mi 100 val si hi cih thu kiza
(TZN) - India gam Assam State, Guwahati khuapi pan nisuahna leilu lam Dhubri khuapi pan Km.350 (215 miles) gamlatna a om  Gun lian minthang mahmah khat ahi Brahmaputra Gunpi tungah huihpih khauhpai luatna hangin, khualzin mi 300 val tuanna Tembawpi khat April 29,2012 ni-in tumin 100 val mangcip in, 100 val mah kihonkhia zo cih kiza hi. Tua Tembawl sungah Nuntakna Tuipekna puan ( Life Jacket) le gunkuangno ( Lifeboat) cihte om lo ahih manin, Tembaw akibut ciangin, Passanger khempeuh tui sungah kia khin uh ci hi. Tembaw zong tumnih/ phelnih kisuah in kitam kham ci-in India Police te in gen hi.

A si amangte Assam galkapte, border Security Force le a dangdang pan honkhia pawlte in a zanzan in tembaw le gunkuang nam tuamtuam tawh zonpih ding Assam State Chief Minister Mr. Tarun Gogoi in thupia hi. Khua hun siatluatna hangin deih bangin kizong thei lo ahih manin, tuikia tampi in sihlawh sawnsawn ci hi. Hih Tembaw tuahsiatna tungtawn in misi tam pen dingin Police te in ciamteh hi. Police te genbehna ah Tembaw huihpi atuak banah Mi zong tam tuang lua in Tembaw tungdawn nangawn ah tuang uh ci in gen hi. India Prime Minister Manmohan Singh in, misite dahpihna laipi suahkhia pah bek tham loin, a site innkuante le a liama gimte khempeuh Assam State kumpi in huhtheih zahzah a huh dingin a laigelhna sungah hel beh hi.

TZN: Source : BBC English
Translated : Tongsan tanute



 


Comments




Leave a Reply

    Tungzang News

    All