WWW.TUNGZANGNEWS.COM

 
Kachin Independent Army (KIA) le Kawl galkapte kidona kidona tuni dong khawl lo bek tham loin nasia semsem hi. Kachin State, Myitkyina galphual (MPK Camp) pan leilu lam a om Pangwa khuapi ah abeisa April 26,2012 ni akipan KIA le NDA-K te kikap uh a, tua lai ah galhuh dingin Kawlgamte' vanleng Helicopter 3 kuankhia sak uh a, tua sung pan KIA te in April 30, 2012 ni-in Helicopter 1 kapkhiatsak cih kiciantak kithei-in, a dang 2 te Myitkyina galphual (NDA-K Camp) tung kik nawn loin mangcip cih thu Kawlgam galkap mainawk pawlin genkhia hi.

Tua banah May 1,2012 ni-in Myitkyina khuapi galphualpi mah pan Helicopter 4 kuansak leuleu uh a, tua 4 te' sung pan 2 Kawlgam galkapte' phualpi tung kik lo leuleu ci hi. Kawlte' galphuapi Pangwa khuapi a tamzaw KIA in luahkhia zo ta uh cih kiza hi. Kawlgam galkap kumpi in abeisa 1988 kum akipan Kachin gam sung a om suangeng / suang manphate leh Karen Dolsingte tampi guuksak uh a, tua teng gamdang ah zuakin guktak / thumanlo sum ngah teng tawh Russia bawl Helicopter lui ( Second hand ) hon khat lei uh hi. Tutunga azat uh Helicopterte zong bang nam hi cih kithei nailo hi. Kawlgam galkapte in tuni ciang kha 10 val tawntung KIA tawh akidona sungah amau galkap aliam abai le asi zah vekpi genkhia ngei mahmah lo uh hi.


Source: Kachin News

Translated: Tongsan tanute

 


Comments




Leave a Reply

    Tungzang News

    All