WWW.TUNGZANGNEWS.COM

 
Picture
Malaysia aom Myanmar Embassy mai ah "ZOMI" te'n Minam minvai lungphona nei
ZomiDaily :: Myanmar's Union Election Commission te inn lainambat 4/nah wa yah- Ma Pah tah (3), Nimit 2012 / May / 1, ni in ZNC party Upa Pu Kam Gin Thang tungah Party vai thu azaksak kik na anei hi. Tua thu zaksak kik na, thu lu 3 om a, thugual nih nah mun ah Kawlgam sungah Zomi om/omlo akisit diktelna sungah Nidang hun in Minam 135 om a, tutung in kibawlkik na sungah 101 om in tua minam (101) sungah ZOMI omlo hi cih thu kihelsak hi.

Hihbang in Kawlgam sung ah Zomi nam omlo hi ci a, Namneu zawh thawh thu tawh lai apiak na thu' Leitung bup pi in aki theihciang in leh hong kizel khiat tak ciang in Zomi nam khempeuh kiLung hi mawh ciat hi. Tua hih man in Asia Pasific Zomi Protest Commitee (APZPC) te in Kawlgam sungah Zomi om mah ung cih lah khiat ding in hong kivai hawm khiahi. Hong vai hawm khiat uh teh Gamkhat bek ah Lungpho na minam Min tangko ding hong hi thei nawn lo a, gam tuamtuam lawh in ZOMI hong minthanghi. Hihbang Zomi Lungpho na ah APZPC Maikai lam lak in Zomi pi hong satso suah tak ciang in Malaysia om Kawlgam Palai phualpi ah Lungphona neih ding thu hong ging khia hi.


Tua ahih man in tuni 28/May/2012 ni-in Malaysia om Zomi te (APZPC ) pan in Pu Zo Land Thang leh a nasep pih alawmte makai in Lungpho na Malaysia - Kawlgam Palai Phualpi mai ah kinei cih thu Zomidaily thuthak tangko na hongza sak hi.

PU ZO LAND THANG:

"Amasa in Kawl kumpi in Kawlgam ah Zomi nam omlo hi cih thu' tuphingphing in hong zak sak tak ciang in tangtawng tuanthu a om khin zo Zomi Lungtang hong satkham lua ahih man in Zomi gam pua om na Malaysia ah Lungpho bawlding ngaihsut diktak gimgeelna hoih ka nanei a, Malay kumpi tungpan zong Phalna lawmte tawh na ngen uh hi. Hih bang in Lungpho na ding phal na kanget uh ciang in Kocih bangbang in na gamtat ding uh a, Mimal(30) val sang tam zaw kei un hong ci hi.Tua ciang in Zomi lungphona kihel ding teng Kualalumpur khuapi lai Pasarsini Bus khawl na phualpi ah ka lawm te tawh ka kai khawm uh hi.

Zingsang lam daak 9am hunhong kheng ta in Zomi tampi tak bus kingak na phual ah ki om zih ziah hi.Numei Pasal, Nungak' Tangval, Naupang nono kum7/8 ngualngual ding leh Puteek Piteek kum60 valval ding zong hong pai mawk hi. Tua ciang in Zomi kitam mahmah ta ahih man in Kalung himawh a, Bus 2 sung ah luttum sak in thu ka vai khak hi. U te Nau te aw tu ni in Zomi nam lungpho na nei ding hita hang' Tua hih man in Kawl gam Palai zum tun ciang in ahehsa peuh mah in kua mah om theilo ding hi hang . Natai sesu kei un la makai te cihbangbang in hong ngam tang un' hih Malaysia thunei te'n mi(30) hong phal hi a, tu in mi kitam mahmah ahih man ko Makai teng na mapai khol ding hi ung.. Mitampi kipha ding i hih man in va thum bawlna' thu ka va ngen ding uh hi. Aphual ih tun teh mitamlua hi kilehkik un hongcih leh zong ama tun agual zo ih hihi. Cih thu ka vaikhak khit ciang in Ko makai teng Ambassy zum lam zuan in ka madawk paitai vingveng uhhi.Zingsang daak 10 hunpawl in kawlgam palai zum ka tung uh hi.

Malaysia gamsung ah Zomi te lungphona Video >>> http://goo.gl/4Bxy2

Bus tawh hong pai dingte zong ko pai zawh sawtlo in hong pai pah uh hi na pi'n Bus 1 pen Ahawl Driver pa in kawlgam Ambassy zum pai ding UNHCR zum ah na puak kha ahih man in zekai hi. Bus hawl pa in UN zum hong tu'n mawk in ko lah hih laihilo hi Myanmar Ambassy om na Jalan Ampang hillar hi ka cih uh ciang in tua lam tawn in hong paipih kik hi cih Bus zui te khat in ngen hi.Bus hong tun kim ciang in WE ARE ZOMI lai gelhsa te kahawm ziahziah uh hi. Tua teng ka manh khit ciang un Ko makai thum teng bek Ambassy mai laikhak bawm ( letter box) ah lai khia ding in gam nei, thunei ten hong sam uh hi. kozong kapai pah uh hi. Kalai khiat hun un 10:45 am daak hi ta hi.

Note: Hih lungphona ah ciahlehkuan mipi tuannading in akisam Bus tepen Malaysia gamsung ah Zomi gambel zumpi ahi ZAM (Zomi Association of Malaysia) panin ong vaihawmsak uh ahih manin ki lungdam mahmah hi.

Tuabang laikhiat dingteng ka man khit uh ciang in Ambassy mai ah awng theilo ding , agam lazaw deuh pan in awng ding hi uh teh palik khat in hong ci hi. Kong munpiak na uh ah pai un hong ci- in Hong mun piakna ah kapai uh hi. Hong mun Piakna pen Ambassy pan in Meter 20 kim gam la ding ahihi. Bang hiam cih leh Ambassy mai ah Palik ten a motor te, uh adim tak in na koih zo ban ah Kawlgam pan in Nasem permit te laibawl honpi nisa lak ah om ahih man in hong mun piak na mun pen lem kik mahmah hi.

Mangkam tawh Zomi te lungphona >>> http://goo.gl/UvAyi

Hong mun piak na mun ah Zomi lomhon teng ki awng pah ziahziah hi. Amai ah asang namun ah ka dingto a, WE ARE... ken ci in .Zomibupi in ZOMI' ZOMI cih 7 vei ka awng uh hi. Kei ka man teh Kalawm in hong laih leuleu a.Lawmpa in BANGMI NAI VUA?'''' mipi in ZOMI'ZOMI, BANGMI NAI VUA??? ZOMI.ZOMI !!!! KOIGAM PAN E'..... ZOGAM PAN HING. ZOGAM PAN HING' Zopau tawh ki awng ziahziah leuleu hi. Zo pau ka man khit uh ciang in Kalawm te nih ki laih leuleu uh a, Kawlpau tawh ki awng khia leuleu uh hi. BA LU MYO LE???? ZOMI..ZOMI, ....BALU MYOLE????? ZOMI ..ZOMI.. BEKAH LALE???ZOGAM,ZOGAM, BEKAH LALE???? ZOGAM ZOGAM.... wow ...wow..wow ..!!!!! ci- in kakhut uh kabeeng ziahziah uh hi. Tua bang ka awt khit uh ciang in maan kizaih ziahziah in Lungneem tak leh ngamlum lo tak in inn lam ka zuan uh hi. Kahun uh pen minute 30 sung ding bang sawt hi . Hih bang in Kawlgam in Minam om gegu kitheih loh bawl in Zomi Kawlgam ah omkei cih angen mawk mawk hang in Inn teek Malaysia te in ZOMI hih na puk lak theih na hun hih zata hong piak na te, Malaysia gam thu nei te tung ah zong ka lung dam mahmah hi. PU ZO LAND THANG..ZOMI ZOGAM!!!!

Lungphona Photo pawlkhat >>> http://goo.gl/YC9FH


Thukan te & Nuam Sian Man

Thukan te: Hello ? Bang hang tu ni naminam puan silh na hiam?
Nuam Sian Man: ZOMI ka hih na alak khia ding a, kithawi hing..
Thukan te: Koi lai ah lah khiat sawm lenlan na hia?
Nuam Sian Man: Myanmar Ambassy Zumpi ah!
Thukan te: Nang bek maw?
Nuam Sian Man: Hilo e mitam pha nung. Bus tawh pai nung..

Thukan te & Pa Dai Kam

TK: Hello' Koiah a pai ding?
DK: Ambassy zum ah !
TK: Bang sep sawm na hiam?
DK: Kawl kum in ZOMI Kawlgam omlo cih thu' Ommah ung ci a, ava ngen ding hing ei..

Thukan te & Sut Sian Thang

TK: Dam maw? Kilim thawi sensan si cia?
SST: Zomi nam ka hih na mahmah lak khia ding in Ambassy Zum pai ding acih hing.
TK: Koi lai Ambassy ah!
SST: Kawl gam Ambassy ah'
TK: Bang sem na hiam?
SST: Bang mah sep nei kei ing, hih lai katun zawh sawt nailo hi.
TK: Tun koi ah om nahiam? 
SST: Sunggai Mas ah om ing, Cannaan ah ki khawm ing.

Thukan te & Saymah khat

TK: Hello Saya mah koipan hong pai na hia?
SM: Kei Puchung pan?
TK: Bang hang in Ambassy pai ding na hiam?
SM: Kawl kumpi in Atih Amat pyuh na neilo ahih ciang aa.
TK: Atih Amat pyuhna neilo na cih in bang ahia?
SM: Aw! Sorry!!! Zomi cih' atih amat pyuh lo ahih man in ZOMI nam om mah hi cih' Atih amat pyuhna neih ding aa, Ambassy ah pai ning..

Thukan te leh Piteek kum 64 khat

TK: Halo pi, Nisa pi in koi pai sawn na hia?
Pi: Kawlkumpi in ZOMI omlo hi cih ahih man om mah ing cih angen khia nuam hi ing.
TK: koi ah ngen ding na hiam? Pi aw Ciah lel in ni sa lua zo hi...
Pi: Kawlgam Tanyung acihna ah ZOMI om mah cih' ka ngen khit teh ciah mah ning...

Hau Thang
ZomiDaily' Reporter


 


Comments




Leave a Reply

    Tungzang News

    All