WWW.TUNGZANGNEWS.COM

 

Thuthang kizakna ah Mualgam Ultimatum pen Myanmar Army te'n dawngkik ci in kiza hi.

Mualgam teng in June 10, 2012 beima  Myanmar te'n Kachin gam kap akhawl kei leh, mualgam teng in Myanmar kap huan kik ding ci a, nimit May 10, 2010 tawh UNFC in leitungbup theih in pulak hi.

Tua lai suah zawh ni 10 asawt ciangin, Myanmar in Kachin gam thu zasak in May 21, 2012 ni in Thailand gam Chiang Rai khua ah kihona nei thei uh hi.

Hih Chiang Rai kihona ah Kachin palaite Brig. Gen. Gum Maw in makaih in Myanmar lamte Aung Min in makaih cih kiza hi. Hih kihona pan in tukha bei ahih kei leh mai kha  June 10 ma in, a kician zaw a kihona khat neih kik ding kithukim uh cih kiza hi.

Thuthang kizakna dang khat ah May 19 ni in KIA Bn. No. 9 in Muse District ah Kawlgalkapte lampi pan napangin kap ahihmanin, Kawlgalkap asi aliam 32 pha in motor 3 tawh Lashio lam zuanin puakik uh cih kiza hi. KIO tanupi  Dr. Laja in agenna ah May 20 ni  tanin Kachin-Myanmar kikapna mun tampi ah omlai hi ci in gen hi.

Kiho kikna ah Kachin te'n Myanmar  gamkeek galkapte agamvuah ciahkik ding ngen ding in kilam-en a, Myanmar in mangzo taktak diam cih bel theihhak lai hi. Atawm pen kikapna munte  beekpan anungkin kei uh leh, June 10 khen teh UNFC bup tawh kikapna hong omto kha ding  hi.

Tulaitak Mandalay ah mipi 50000 in lungphona nei uh a, Kawl khawpi teng lawh datdat in, Yangon ah zong lungphona kipanpan ta hi.

Tulai tak Myanmar kumpi beidong mahmah cih kiza hi. Aung San Suu Kyi khemzo peuh le uh, kumpi tokhom kip ding asak uh leh, Mualgam Ultimatum leh Mipi Lungphote tawh kibingphut vat uh ahihmanin, Neipi Taw khawpi ah Kawlmangte suntawh zantawh meeting bawl in buai mahmah uh cih kiza hi.

June10 ni pen Zomi tampi in zong ngaklah mahmah cih kiza hi. Zo Khupwww.zokhup.com
 


Comments




Leave a Reply

    Tungzang News

    All