WWW.TUNGZANGNEWS.COM

 
(TZN) - Mualgam teng kipawlna lianpi ahi United Nationalities Federal Council- UNFC in Kawlte ultimatum/warning pia ci in kiza hi.

UNFC in nimit 10, May, 2012 tawh lai khat suah uh a, tua lai ah Kawlgam in Kachin gam asimsim uh akhawl kei  leh June 10, 2012 ni a kipanin,  Kawlgam ka kaphuan kik ding uh hi ci in pulak uh hi.

June 10 ni ciangin Kachin- Myanmar gal kumkhat cing ta ding a, ahihhangin Myanmar Kawlgilo te'n kikapna khawlnuamlo in galkap puak behbeh uh hi. June 10, 2011 a kipan Kachin leh Myanmar kikal 1300 vei kikap ta uh hi.

Tuta banga Kawl te'n gitlohna azop vua leh UNFC in kaphuan kik dinga khensat uh hi. UNFC ah KIA, SSA, KNLA, DKBA, KNPP, ALP leh mualgam galkap te kipawlkhawm uh hi.

Thuthang kizakbehna ah hih thusuah abawlna uh Press Conference ah CNF kihello cih kiza hi. Hih thu asuah laitak uh CNF makaite Kawlmang zuanin Halkaha khua ah om uh ci hi.

Thuthang kizakbehna ah UNFC member teng in June 10, 2010 a kipan Myanmar hong kapkik taktak uh leh, Zomi Independence Army zong UNFC ah lut khathei ding cih kiza hi.
 
Zo Khupwww.zokhup.com
 


Comments




Leave a Reply

    Tungzang News

    All