WWW.TUNGZANGNEWS.COM

 
Picture
UN General Secretary Kawlgam Tung ta
    UN General Secretary Kawlgam Tung ta

(TZN) - UN Secretary Mr.Ban Ki-moon pen a geelsa om bangin April 29,2012 ni-in Kawlgam tungin April 30 ni mahin President U Thein Sein tawh holimna nei uh a, Nitak lam 4:00PM hun pawlin, Former UN General Secretary hunpi nih ( Term nih) asem ngei U Thant i han ah hawh in zahtakna le dahpihna Pakkual piakna nei hi. Tua lai panin Kawlgam khuapi thak Muanhuai khuapi (Naypyidaw ) ah vanleng tawh leng suak hi.

Tua banh April 30,2012 ni mahin Pyithongsuh Hlutdaw meeting ah thugenna limcitak nei thei bek tham loin, Media Officer teamte tawh holimna (Interview) a neih khitteh nitak an (Dinner) nekhawm uh ci in UNDP thuneite in gen hi. Tua ciangin mai 2014 ciang a Kawlgam UN te'n mawhpua a hong bawl sak ding (Census by 2014) tawh kisai Myat Royal Hotel ah thukimna letmat thuhna nei uh a, tua hun man khit phetin Shan State lamah zinsuak in May 1,2012 ni Yangon tung suk kik ding ci hi.

Tutung Mr.Ban Ki-moon kawlgam hong zinna abulpi pen Kawl kumpi in Democracy ki ukna tawh akalsuanna le Mualmi thautawi (Ethnic Groups) te tawh kilemna (Cease-fire agreement) a bawlnate a manawt semsemna ding thapia a hong zin ahihna thu Reuters News ah kigelh hi. Tua banah Kawlgam in tulaitak leitung bup muhna ah Political kalthak suanna dingin kongkhak kihong ahihna le hoi le puk kha peuh mah lo a, limtak a kalsuan suak theihna ding etphat mahmah kisam ahihna thu Kawlgam hong pai madeuh in USA ,New York khuapi ah genkhol cih kiza hi. May 1 (May Day) ni-in, Yangon tunkik ding a, NLD makaipi Daw Aung San Su Kyi tawh kimuhna le holimna nei ding geelna nei khin hi. Tutung Mr. Ban Ki-Moon Kawlgam ah a thumvei hong zinna hi ta in, a zi Mrs.Yoo Soon-taek in zong hong zui thei hi.




TZN: Source : RFA,News
Translated : Pa Kham Khan Suan ( Tongsan Translator)



 


Comments




Leave a Reply

    Tungzang News

    All