WWW.TUNGZANGNEWS.COM

 
Picture
World Press Freedom Day 2012 Kibawl
(TZN) Leitung bup lailam suahtakna ngah ni (World Press Freedoom Day 2012) pahtawina in Kawlgam kumpi le UNESCO pan lailam le ngeina lam kipawlnate' makaihna tawh akhatveina Thusinna le kimuhkhopna pen May 3,2012 ni-in Traders Hotel, Yangon ah thupitak kinei-in, Kawlgam Ministry of Home Affairs,Deputy Minister U Soe Win le Kawlgam thuthak lam nasem pawlte (Media ) te akipan leitung gam tuamtuam pan Media makai tampi kihelthei uh hi.

Hih thusinna le kimuhkhopna a deihna bulpi-in Kawlgam sungah thu le la kizaktuahna (Media  and Information) lam nasepna ah suaktatak akiseptheihna ding ngimna tawh kibawl ahihna thuthak saite in gen uh hi. Tua mah bangin Kawlgam sungah khantohna ding a bulpi pen Media akihelloh phamawhna ahihna le Kumpi lam pan zong nasiatak panpih ding akisapna thute Ministry of Home Affairs,Deputy Minister U Soe Win in genbeh lai hi. 



Thuthak kante le Media lam nasemte in Press Media thukhun (By law) te tungtawn in angah ding hamphatna (Opportunity)te le siamna/ tempaiina zui in, a mau siamna le tempaina tungtawn in nuntak zawhna ding nasep (Professional Life) dinmun ciang dong a ngah zawhna ding ciang dong panpih zawhna ding kisam ahihna thute Kawlgam nisim thuthak kizakna (Newspaper) lamah makaipi khat ahi  Maung Won Tah in gen hi.

Tua bek tham loin, Kawlgam sungah thuthak kan nasem ( Media and Information) lam kipawlna thupi tuamtuam hong piankhiat / kiphuan ziahziahna dingin hanciam a, Yangon le Mandalay khuapite ah Media nasepna tawh kisai phawk tawntungna pawi (Memory Service) te zong abeisa ciang ciang kibawl zelzel ahihna thute zong genbeh hi. Tua manin Kawl kumpi thak apiankhiat akipan Kawlgam sungah lai nasepna / Media lam nasepnate suaktatak akiseptheih zawkna ding le Media and Information pan Kawlgam khantohna lam nasiatak a pian semsemna ding kisam lua ahihna thute pulakna nei uh hi.

Source : BBC 
News
Translated : Pa Kham Khan Suan (Tongsan Translator)


 


Comments




Leave a Reply

    Tungzang News

    All