WWW.TUNGZANGNEWS.COM

 
Kawlgam Democrecy makaipi Daw Aung San Suh Kyi pen abeisa kum 24 sung tawntung gampua apusuahlohna pan amasa penpen nung May 2012 kha sung Thailand zinkhiat khit ciangin, a geelna om sa bangin a nihvei khualzinna ding June 13,2012 (Wednesday) zingsang lam (9:45 AM) hunin Thai Airway (TG) vanleng tawh Kawlgam pan Europe gam sung Switzerland, Norway, England, Ireland le France gamte ah khualzin dingin kuankhia taktak ta cih kiza hi.

Yangon khuapi pan amasa pen a hawhna ding pen Switzerland gam Geneva khuapi International Labour Oganization (ILO) Conference ah thugenna nei ding hi.June 15,2012 ni-in Swiss te Parliament ah vapai ding a, tua lai pan in Norway gam Oslo khuapi pai suak ding hi. June 16,2012 ni zingsang lamin Oslo khuapi Town Hall a kibawl ding abeisa 1991 kum lai a kipiasa ahi Nobel Peace Prize pahtawina pen a mahmah tungah piakna kinei kik dinga, tua pawipi hun bawlna sungah thugenna nasiatak nei ding hi. Norway gamah Daw ASSK paina ding vai tawh kisai Newspaper le TV le Media khempeuh ah nisim in kisuaksak zihziah den cih thu Tongsan Pu in gen hi.
June 16,2012 nitak lam ciangin Oslo khuapi Town Hall mahah Norway mipite tungah thugenna nei kik dinga, tua lai ah Norway gam a om Kawlgam mite khempeuh in muakna le holimpihna nei ding uh hi. June 17,2012 ni Norway gam Foreign Minister pa le gamuk Kumpi Uliante tawh kimutuahna (Meeting) aneih khit ciangin Norway gam khuapi nihna ahi Bergen khuapi ah paisuak lai dinga, tua laiah zong leitungbup mi thupite pahtawina ahi Dafto Human Rights Award zong Daw ASSK kipia ding hi. Bergen khuapi ah Norway gam a om Zomite in ZNC min tawh vaidawnna nasiatak nei ding uh a, Zomi nampuan letsong pia in, kimuhpihna zong nei ding geelna nei cih thu kiza hi. 


June 18,2012 ni-in Norway gam pan Ireland gam Dublin khuapi pai suak dinga,tua ni nitak lamin Dublin khuapi ah leitung gam tampi kipawlna Amnesty International groupte in Ambassador of Conscience pahtawina khat Daw ASSK tungah pia ding hi. Tua banah leitung music lam le lasiam (Singer),minthang mahmah ahi Mr.Bono le a music group te tawh muakna le pahtawina hunpi khat neihpih ding cih kiza hi.

June 18,2012 ni mahin Dublin khuapi pan London khuapi ah zinsuak dinga, June 19,2012 ni ciangin, amah Kum 67 cinna suahni (Birth day) pawi pen atate le innkuanpihte tawh nasiatak bawlkhawm ding ci hi. June 26,2012 ni ciang dong England gam sungah om ding hi. June 20,2012 ni Oxford University pan akipia ding Ph.D (Professor Degree) kipia leuleu dinga, tua lai ah amahmah in sang ding hi. June 21,2012 ni ciangin ,British Parliament i Upper & Lower Parliament kigawmna khawmpi ah thugenna nei ding hi. June 26,2012 ni ciangin France te Kumpi thak Mr.Francois Hollande i sapna tawh London khuapi pan Paris khuapi pai leuleu dinga, France gam pan June 29,2012 ni-in Kawlgam ciahkik dinga, June 30,2012 ni ciangin Yangon khuapi tung kik ding cih kiza hi.

Source : VOA,News
Translated : Pa Kham Khan Suan ( Tongsan Translator )

 


Comments




Leave a Reply

    Tungzang News

    All