WWW.TUNGZANGNEWS.COM

 
Kawlgam, Rakhine State sung a om Muslim mivom (Rohingya) kicite' lamkaipi nih pen June 11,2012 (Monday) ni nitak 3: 00pm hunin Kawl kumpi thuneite in man uh cih kiza hi. Tua a mimat nihte pen abeisa nung sung teng akipan tuni ciang dong Rakhine State sungah thupiang ahi Muslim Rohingya minam te le Rakhine Buddish te' kikal buaina tungtang ah Mulsim lamte panpih in, a nung pan a holhtuah bek tham loin, leitung hiamgam nasem pawl Al-Qeada te tawh kizopna lai thupi tuamtuam tawh kiman cih kiza hi.

Tua makai nihte' lakah Dr.Thun Aung kici pa pen Rakhine State, Maungdaw Township,Tai-3 akicihna khua thubuaina tungtang ah thutheihpih mi / tettikhan van (Strong Evidences) kician mahmah hi a, UN zum zongah nasem nei khat ahi hi. Tua banah a tanu zong hih a pa kimatna le thubuaina hangin, Air Kanbawza vanleng zui-in, Sittwe pan Yangon khuapi alenkhiat sawm laitak alen madeuh zingsang tungin kiman cih kiza hi. 


Tua nu akimat ma deuhin a ma kiang pan Al-Qaedate tawh akizopna le akikupna lai thupite (Documents) tawh kiman kha ahih manin, thu lamdang khatin kithang vangvang ci hi. Leitung ah a lipkhap huai hiamgam nasem pawl ahi Al-Qeada te Kawlgam sung nangawn ah kizoppih hong nei zihziah ta hih tuak ahih manin, kawlgam mipite ading alauhuai mahmah hun hong tungta hi cih kiza hi. Al-Qeadate pen leitung khempeuh ah kizel uh bek tham loin, thubul omlo pi-in mulkim huaisakna le cikzia hetlo a mi alomlom a that ziahziahte ahih manun, Muslim/ mivom namte omna kim i hawhna ciahna ah kidophuai ta cih kiza hi.



Source: The Voice Weekly
Translated; Kham Khan Suan (TS,Translator)

 


Comments




Leave a Reply

    Tungzang News

    All