WWW.TUNGZANGNEWS.COM

 
Kawlgam Kumpi U Thein Sein in Rakhine State sung buaina tawh kisai-in biakna lam kipawlna makaaite,Political Party makaite le Kipawlna tuamtuam NGO makai lam tein kumpi tawh khut kilen nasem khawm, pankhop ding hun hong tungta hi ci in, June 10,2012 ni-in, Nyipyidaw Kumpi innpi pan Kawlgam melmuh Tongsan (MRTV) tungtawn in mipite tungah pulakkhia hi.

A ma genna ah Kawlgam sungah nidang hun pek akipan biakna, upna le ngeina kibanglo minam tuamtuam i teng khawm a, khat le khat kisimmawh bawl loin kizatakna tawh kitengkhawm tangthu hoih nei gam khat i hi hi cih thu gen hi. Tua ahih manin, tutung Rakhine State sung a minam le biakna vai tawh buaina tungtawn kithahna, sihna manna le a langtuak ah lungphona nasiatak hong om hi. Hih buaina meikuang pen gammite le Kumpi kikopin, a manlang a sukmit zawhna ding mipite' tungah thumna nei hi.

A beisa nung kalsawn sung a thupiang ahi, Sittway,Buthetaung, Maungdaw,Tandwe,Rambe tuikulh le Kyauk phyu khuapite a Inn pua kipusuak sak lo (Section 144 of the Criminal procedure code -Curfew) kinei-in, guta buluh le gongtatna khauhpai mahmah ahih manin, khuapi sung a om Muslim biakinn (Bali)te le inn le lo tampi kihalsak ziahziah hi. Hih thu tawh kisai leitung bup nangawn ah kithang vangvang hi cih BBC tungtawn in kiza hi. Tua bek tham loin, a si a liam zong nasiatak kibehlap ahih manin, mi tampite inn le lo nusia in galtai uh hi. 

Hih Rakhine State sung a buaina le lauhuainate a manlang thei pen a beina dingin, Buddhist monkste, Rakhine minamte le mipi akuama peuh kipawl in Yangon khuapi, Shwe Da Gon Pagoda leitaw lam Rakhine te biak piakna mun ding a kibawl munah, Buddish biakna tawh kizui thunget khopna nasiatak nei uh cih kiza hi. Tua banah Rakhine gam a dipkuat Patauhnate hangin buaina sukveng mengmengna ding ngimna tawh Kawlgam galkapte a lomlom in kikuansak a, akisap lai le ahunzui-in, puak beh ding ci-in President Thein Sein in gen hi.

Source: BBC
Translated: Kham Khan Suan (TS,Translator)

 


Comments




Leave a Reply

    Tungzang News

    All