WWW.TUNGZANGNEWS.COM

 
Leitung ah Kungfu siam le Film kineihsiam minthang Hong Kong action star Mr. Jackie Chan ( Actor & Director) pen tunipi sung July 5,2012 ni-in Kawlgam pai dinga Sen gam Beijing pan Mandalay International Airport zuan suak ding hi. Mandalay a om Genvai nasem Kipawlna (Social Welfare Ministry)te le numei naupang kizuakna lam khaktan Palikte (Myanmar Police Anti-Trafficking Task Force ) te tawh kimuhna nei ding ci hi. July7,2012 ni ciangin Yangon pai suak dinga, UNICEF zumpi (Traders Hotel ) ah UNICEF nasemte le Media lamte tawh kimuhna nei ding cih thu tuni July 3,2012 (Tuesday) ni in UNICEF thuneite in pulak uh hi.

Chan in Kawlgam pai ding a lunglutna bulpi pen abeisa hun ciangciang Kawlgam ah numei le naupang kumcing lote kizuakna le Anna tawh galkap kilutsaknate hangin, lainatna le veiina lianpi nei ci hi. State Department in mihing bawlsiatna le numei, naupang kizuakna tawh kisai kumsim in, sazian a bawlna uh ah Kawlgam ah kum cing lo naupang tul tampite galkap in kilutsak cih mukhia uh hi. A hi zongin nung Nipi sungin Kawlgam kumpi thakte in tua bang nasepte khawlsan dingin UN tawh thukimna laibawl khinta uh hi.

Mr. Jackie Chan in Pahtawina ( Award) thupi tuamtuam ngah a; MTV Movie Awards, 2002 Best Fight (Rush Hour 2), 1999 Best Fight (Rush Hour), 1995 Lifetime Achievement Award, Shanghai International Film Festival, 2005 Outstanding Contribution to Chinese Cinema cih bangin Award minthang vive ngah hi. A beisa 1998 kumin a ma minpua in " Jackie Chan Charitable Organization phuankhia a, midangte huhna le Hong Kong khangno tampi tak pilna sinna ding huhna piakhia den hi. Tua nasep kawmin UNICEF palai ( Ambassador for UNICEF ah nasem hi.


Source: Winnipegfreepress

Translated: Tongsan Tanute


 


Comments




Leave a Reply

    Tungzang News

    All