WWW.TUNGZANGNEWS.COM

 
Malaysia gam a om Zomite sungah kipawlna tuamtuam pan makaite in mai lam minam nasepnate ah thahat zaw le khantohna om semsemna ding lunggulhna tawh Zomi kipawlna om teng kigawmkhop theihna dingin July 2,2012 ni-in, Siyin Organization of Malaysia (SOM) zumpi ah Holimna thupitak khat nei uh cih kiza hi. Tua holimna hun sungah Rev. Lian Za Huam (Zomi Christian Fellowship- ZCF), Sia Francis Khampi ( Malaysia Zomi Catholic), Pa Kam (Advisor- ZAM), Sia Mangsen ( Zomi Daily News Service), Sya Francis ( Harvest Education ), Sia Thang Lian Piang (ZNC-LA) le kipawlna tuamtuam pan upa pawlkhat zong kihel thei uh hi.

Pasian thukimpihna om le mai July 9,2012 ni ciangin Zomi sung kampau phen kullo Saizaang, Sizaang, Zou,Khuano, Dim, Teizaang, Phaileng, Losau, etc.. teng sung pan makai ahithei zahzah in kimuhkhopna thupitak neih kik dingin geelna nei cih kiza hi. Zomite sungah kipumkhatna in thahatna ahih ziate kiphawk semsem ahih manin, Zomite khantoh gim nam semsem ta hi cih kimuthei hi. Malaysia Zomi khempeuh Topan kipumkhatna thupha tawh makaih semsem lai hen.!

Source: Thu tatuam

Reported by: Tongsan tanute


 


Comments




Leave a Reply

    Tungzang News

    All