WWW.TUNGZANGNEWS.COM

 
Phillippines a tuilian ah 64 si; July kha tawplam a Typhoon Saola in Luzon tuikulhgam a buluh nung in Sepnawnni tan in misiluang 64 kikhamta hi. Vuahtui a tam luat ziakin khopi mun tamzaw ah tuilian om a, lampi leh kongzingte lui dung suak a, school, business innte kikhak a, military, police leh civic official te’n buaina thuakte kiang a panpihna pia in buai mahmah uhi. Tuilian ziakin buaina lianpi om mahleh, mi tamtak te’n a vante uh mansuah ding lau ziak a inlum nuse utlou uh hi’n of­ficial te’n gen ua, a poimoh leh thagum a nohkhiak hi ding uh’ chin police official te’n gen uhi. 

Typhoon leh vuahtui aom sung a van kisia leh mihing mansuahna bang­mah aom nawnlouhna ding a lui dung a tengte leh tuipi gei a tengte mun bitzaw a nawnkhiak hi ding chi’n Interior Secre­tary Jesse Robredo in gen hi. Mun bitzaw a mipite nawkhiakna ding a sorkar in pan a lak kawm in Na­tional Disaster Agency leng panpihna pia in buai mahmah a, tuni Nilaini in antang, tui, van leh damdawi chi tuamtuam hawmzak uhi. 

Kum teng a July leh August kha a Phillippines a vuahtui ke gige himahleh, tu kum Typhoon Saola aom ziakin huihpi leh vuahpi hat mahmah a, siatna lianzaw tut hi. September 2009 in leng Manila ah vuahtui tampi ana kia a khopi 80% tum in mihing 700 val ana si ua, private leh public vanzat $1 billion a manpha susia hi. Tu kum vuahtui leng a buaihuai nawn mahmah dungzui in Manila gei a province 4 te ah ‘state of calamity’ koih in om a, lou­mun a haichi piangte $3.6 million vel a manpha kise ding a gintak ahi. (BBC )

src: Lamka post 9 Augt 2012

 


Comments




Leave a Reply

    Tungzang News

    All